ພິທີມອບ-ຮັບໜ້າທີ່ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ (ຊປປລ) ລະຫວ່າງສະຫາຍ ດຣ ວິໄລວົງ ບຸດດາຄໍາ ກໍາມະການສູນກາງພັກ ເລຂາຄະນະບໍລິຫານງານ ຊປປລ
ຜູ້ເກົ່າ ແລະ ສະຫາຍ
ດຣ ສອນທະນູ ທໍາມະວົງ ກໍາມະການສູນກາງພັກເລຂາຄະນະບໍລິຫານງານ ຊປປລ
ຜູ້ໃໝ່, ໄດ້ຈັດຂຶ້ນໃນວັນທີ 1 ກຸມພາຜ່ານມາ,
ໂດຍການໃຫ້ກຽດເຂົ້າຮ່ວມຂອງສະຫາຍ ຈັນສີ
ໂພສີຄໍາ ກໍາມະການກົມການເມືອງສູນກາງພັກ, ເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ, ມີບັນດາຫົວໜ້າກົມ ແລະ
ພະນັກງານຫລັກແຫລ່ງອ້ອມຂ້າງສູນກາງ ຊປປລ ເຂົ້າຮ່ວມຢ່າງພ້ອມພຽງເພື່ອປະຕິບັດຕາມມະຕິຕົກລົງຂອງກົມການເມືອງສູນກາງພັກ.
ໃນໂອກາດນີ້, ສະຫາຍ ຈັນສີ
ໂພສີຄໍາ ໄດ້ໃຫ້ກຽດໂອ້ລົມຕໍ່ພິທີເພື່ອເປັນທິດທາງໃຫ້ແກ່ຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ໃນການສືບຕໍ່ເຄື່ອນໄຫວວຽກງານຂອງຕົນໃນໄລຍະໃໝ່ໃຫ້ມີປະສິດທິຜົນກວ່າເກົ່າ, ຊຶ່ງກ່ອນອື່ນສະຫາຍໄດ້ຍ້ອງຍໍຊົມເຊີຍຕໍ່ບັນດາໝາກຜົນທີ່ຄະ ນະ ຊປປລ
ໂດຍພາຍໃຕ້ການນໍາຂອງສະຫາຍເລຂາຜູ້ເກົ່າ, ພ້ອມດ້ວຍຄະນະຍາດມາໄດ້, ເຊິ່ງມັນໄດ້ສະແດງອອກໃນຂະບວນການເຄື່ອນໄຫວວຽກງານຕົວຈິງຫລາຍດ້ານທີ່ພັກ ແລະ ລັດມອບໝາຍໃຫ້ມີຜົນສໍາເລັດສູງ, ນອກຈາກນີ້ສະມາຊິກຊາວໜຸ່ມໃນທົ່ວປະເທດກໍນັບມື້ມີການເຕີບໃຫຍ່ຂະຫຍາຍຕົວນັບທັງດ້ານປະລິມານ ແລະ ຄຸນະພາບ, ພ້ອມທັງເນັ້ນໃຫ້ສະຫາຍທີ່ໄດ້ຮັບການແຕ່ງຕັ້ງເປັນເລຂາຜູ້ໃໝ່ພ້ອມໝູ່ຄະນະຈົ່ງສືບຕໍ່ຜັນຂະຫຍາຍມູນເຊື້ອ ແລະ ບັນດາຜົນງານຂອງຄະນະ ຊປປລ
ໃຫ້ກວ້າງຂວາງເຂົ້າສູ່ຊີວິດຕົວຈິງຫລາຍກວ່າເກົ່າ, ໂດຍສະເພາະແມ່ນສືບຕໍ່ເຕົ້າໂຮມຄວາມສາມັກຄີຂອງສະມາຊິກຊາວໜຸ່ມໃນທົ່ວປະເທດໃຫ້ໜັກແໜ້ນກໍຄືການປະຕິບັດຂໍ້ແຂ່ງຂັນ 4 ບຸກຂອງຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວວາງອອກໃຫ້ເປັນຂະບວນການຟົດຟື້ນ ແລະ ປາກົດຜົນເປັນຈິງ.ຂ່າວ-ພາບ : ຫນັງສືພິມ ປກສ
No comments:
Post a Comment