ຕາມຂໍ້ມູນຂອງກົມສົ່ງເສີມວຽກເຮັດງານທຳ, ກະຊວງແຮງງານ ແລະ ສະຫວັດດີການສັງຄົມໃຫ້ຮູ້ວ່າ: ປັດຈຸບັນຍັງມີແຮງງານລາວເປັນຈຳນວນຫຼາຍທີ່ໄປເຮັດວຽກຢູ່ຕ່າງປະເທດ, ໂດຍສະເພາະແມ່ນປະເທດໄທຄື: ປີ
2015 ຜ່ານມາ ມີປະມານ 2 ແສນກວ່າຄົນ, ໃນນັ້ນເຮັດວຽກແບບຖືກກົດໝາຍມີພຽງ 20 ພັນກວ່າຄົນເທົ່ານັ້ນ, ສ່ວນທີ່ເຫຼືອແມ່ນເຮັດວຽກແບບບໍ່ຖືກຕາມລະບຽບກົດໝາຍ.
ຜູ້ສາຍງານຂ່າວໃຫ້ຮູ້ອີກວ່າ: ໃນໄລຍະຜ່ານມາພາກສ່ວນກ່ຽວຂ້ອງກໍຄືລັດຖະບານເຮົາໄດ້ພະຍາຍາມ ຮ່ວມກັບລັດຖະບານໄທເພື່ອປຶກສາຫາລື
ເພື່ອຊອກຊ່ອງທາງແກ້ໄຂແຮງງານເຫຼົ່ານັ້ນໃຫ້ຖືກ
ຕ້ອງຕາມກົດໝາຍ, ໂດຍໄດ້ແຕ່ງຕັ້ງຄະນະສະເພາະກິດໜຶ່ງຊຶ່ງປະກອບມີກະຊວງການຕ່າງປະເທດ ແລະ ກະຊວງປ້ອງກັນຄວາມສະຫງົບເພື່ອຕິດຕາມກວດກາແຮງງານລາວທີ່ໄປເຮັກວຽກຢ່າງຕ່າງປະເທດ, ໂດຍສະເພາະແມ່ນຢູ່ປະເທດໄທ, ດ້ວຍການປັບປ່ຽນສະພາບແຮງງານໃຫ້ຖືກຕ້ອງຕາມລະບຽບກົດໝາຍ ແລະ
ມາຮອດປັດຈຸບັນສາມາດປັບປ່ຽນສະພາບແຮງງານທີ່ບໍ່ຖືກຕ້ອງໃຫ້ຖືກຕ້ອງໄດ້ແລ້ວເປັນຈຳນວນຫຼາຍ. ຕາມຕົວເລກສະຖິຕິຂອງແຮງງານທີ່ມາຂື້ນທະບຽນເຫັນວ່າຍັງສືບຕໍ່ມີຫລາຍເພື່ອຊ່ວຍໃຫ້ແຮງງານເຫລົ່ານັ້ນ ບໍ່ຖືກເອົາລັດເອົາປຽບ ແລະ ຍັງເປັນການປົກປ້ອງສິດທິ ແລະ
ຜົນປະໂຫຍດຂອງເຂົາເຈົ້າອີກດ້ວຍ.
ກົມດັ່ງກ່າວໃຫ້ຮູ້ວ່າ: ສາເຫດທີ່ເຮັດໃຫ້ແຮງງານລາວອອກ ໄປເຮັດວຽກຢູ່ຕ່າງປະເທດເປັນຈຳນວນຫລາຍດັ່ງກ່າວຕົ້ນຕໍກໍແມ່ນຍ້ອນຄວາມສະໝັກໃຈຂອງເຂົາເຈົ້າເອງບວກຄ່າແຮງານ (ຄ່າຈ້າງ) ຢູ່ຕ່າງປະເທດທີ່ສູງກວ່າປະເທດເຮົາ ແລະ ຄຽງຄູ່ກັນນັ້ນ ກໍຍັງມີແຮງງານຈຳນວນໜຶ່ງທີ່ຖືກຕົວະຍົວະໄປໃນທາງທີ່ບໍ່ຖືກຕ້ອງກໍມີຫລາຍ.
No comments:
Post a Comment