ວັນທີ 25 ກຸມພານີ້, ສາທາລະນະສຸກເມືອງສີໂຄດຕະບອງ
ນະຄອນຫຼວງວຽງຈັນ, ໄດ້ຈັດກອງປະຊຸມປຶກສາຫາລື ແລະ
ຖອດຖອນບົດຮຽນໃນການລົງຢອດຢາປ້ອງກັນພະຍາດໂປລິໂອ (ເປ້ຍລ່ອຍ) ຮອບ I ແລະ ຮອບ II ໄລຍະຜ່ານມາ, ຂື້ນທີ່ຫ້ອງການຂອງຕົນ, ໂດຍການເຂົ້າຮ່ວມຂອງທ່ານຮອງເຈົ້າເມືອງ
ແລະ ຫົວໜ້າພະແນກສາທາລະນະສຸກນະຄອນຫຼວງວຽງຈັນ,
ພ້ອມດ້ວຍປະຊາຊົນເຂົ້າ ຮ່ວມເປັນຈຳນວນຫຼາຍ.
ຫົວໜ້າສາທາລະນະສຸກເມືອງດັ່ງກ່າວໃຫ້ຮູ້ວ່າ:
ເພື່ອເປັນການສະຫຼຸບຖອນຖອດບົດຮຽນຜົນການຈັດຕັ້ງປະຕິບັດວຽກງານການລົງສັກຢາ ແລະ
ຢອດຢາປ້ອງກັນພະຍາດໂປລິໂອໃນ 2 ຮອບ ຜ່ານມາ,
ດັ່ງນັ້ນຫ້ອງການສາທາລະນະສຸກເມືອງ
ໄດ້ຮ່ວມກັບພາກສ່ວນກ່ຽວຂ້ອງ ແລະ
ປະຊາຊົນຂື້ນ, ເພື່ອຊອກຫາຈຸດດີ ແລະ ຈຸດອ່ອນ, ຂໍ້ຄົງຄ້າງເພື່ອສົ່ງເສີມ ແລະ
ແກ້ໄຂໂດຍແນໃສ່ເຮັດໃຫ້ອັດຕາການຢອດຢາປ້ອງກັນພະ
ຍາດໂປລິໂອໃນເດັກກຸ່ມອາຍຸເປົ້າໝາຍຢູ່ເມືອງສີໂຄດຕະບອງບັນລຸຕາມລະດັບຄາດໝາຍທີ່ວາງໄວ້,
ທັງເປັນການຫຼຸດຜ່ອນອັດຕາການເຈັບເປັນ ແລະ ການຕາຍຍ້ອນພະຍາດດັ່ງກ່າວ.
ສາທາລະນະສຸກເມືອງໃຫ້ຮູ້ອີກວ່າ:
ອີງຕາມການຢັ້ງຢືນທາງວິທະຍາສາດ ວ່າມີພະຍາດເປ້ຍລ່ອຍກະທັນ ຫັນເກີດຂື້ນຢູ່ປະເທດເຮົາມີ
5 ກໍລິນີແລ້ວ ໃນນັ້ນເສຍຊີວິດ ແລ້ວ 2 ກໍລະນີ,
ດັ່ງນັ້ນເພື່ອປ້ອງກັນຍາດດັ່ງກ່າວບໍ່ໃຫ້ເກີດຂື້ນອີກ, ທາງສາທາລະນະສຸກເມືອງ ຈຶ່ງໄດ້ຮ່ວມກັບພາກສ່ວນກ່ຽວຂ້ອງລົງສັກຢາ ແລະ
ຢອດຢາກັນພະຍາດ ໂປລິໂອ ນີ້ໄດ້ 2 ຮອບແລ້ວໃນຜ່ານມາ ແລະ
ຈະສືບຕໍ່ລົງຢອດຢາໃນເດັກກຸ່ມອາຍຸເປົ້າໝາຍ ແລະ ສຳເລັດທົ່ວເຖິ່ງໃນປີນີ້.
No comments:
Post a Comment