ໃນວັນທີ 18
ກຸມພານີ້, ທີ່ກະຊວງແຜນການ ແລະ ການລົງທຶນ, ພະນັກງານ-ລັດຖະກອນທົ່ວກະຊວງດັ່ງກ່າວໄດ້ຮັບການຝຶກອົບຮົມເພື່ອກະກຽມໃຫ້ແກ່ການເລືອກຕັ້ງສະມາຊິກສະພາແຫ່ງຊາດຊຸດທີ
VIII
ແລະ ສະມາຊິກສະພາປະຊາຊົນຂັ້ນແຂວງ, ໂດຍການເປັນປະທານຂອງທ່ານ
ສົມດີ ດວງດີ ລັດຖະມົນຕີວ່າການກະຊວງແຜນການ
ແລະ ການລົງທຶນ ແລະ
ທ່ານ ສຈ.ດຣ ຈະເລີນ ເຢຍປາວເຮີ
ຫົວໜ້າສະຖາບັນຄົ້ນຄວ້າວິທະຍາສາດສັງຄົມແຫ່ງຊາດ, ຮອງກຳມະການຊີວິດການເມືອງ, ມີບັນດາລັດຖະມົນຕີຊ່ວຍວ່າການ, ຫົວໜ້າກົມ
ແລະ ພະນັກງານ-ລັດຖະກອນເຂົ້າຮ່ວມເປັນຈໍານວນຫລາຍ.
ໃນໂອກາດນີ້, ທ່ານ ສຈ.ດຣ ຈະເລີນ ເຢຍປາວເຮີ ໄດ້ໃຫ້ກຽດເຜີຍແຜ່ກ່ຽວກັບເອກະສານສຳ ຄັນຕ່າງໆເປັນຕົ້ນມະຕິຂອງກົມການເມືອງສູນກາງພັກວ່າດ້ວຍການເພີ່ມທະວີຊີ້ນໍາຂອງພັກ ຕໍ່ການເລືອກຕັ້ງ
ສະມາຊິກສະພາແຫ່ງຊາດຊຸດທີ VIII ແລະ ສະມາຊິກສະພາປະຊາຊົນຂັ້ນແຂວງ, ນະຄອນ ຫລວງໄລຍະປີ
2016-2020 , ເອກະສານກ່ຽວກັບຜົນງານ 40 ປີ ແຫ່ງການປົກປັກຮັກສາ ແລະ ສ້າງສາພັດທະນາ ສປປ ລາວ, ເອກະສານເສີມຂະຫຍາຍສິດເປັນເຈົ້າປະເທດຊາດຂອງປະຊາຊົນບັນດາເຜົ່າ,
ກົດໝາຍວ່າດ້ວຍສະມາຊິກສະພາແຫ່ງຊາດ, ກົດໝາຍວ່າດ້ວຍສະພາປະຊາຊົນຂັ້ນແຂວງ, ກົດໝາຍວ່າດ້ວຍການເລືອກຕັ້ງສະມາຊິກສະພາແຫ່ງຊາດ ແລະ ກົດໝາຍວ່າດ້ວຍການເລືອກຕັ້ງສະພາປະຊາຊົນຂັ້ນແຂວງເພື່ອເຮັດໃຫ້ສະມາຊິກພັກ, ພະນັກງານ-ລັດຖະກອນ ໃນກະຊວງດັ່ງກ່າວ, ມີຄວາມຮັບຮູ້ ແລະ ເຂົ້າໃຈລະອຽດກ່ຽວກັບລະບຽບ, ຫລັກການໃນການເລືອກຕັ້ງ, ຄວາມເປັນເຈົ້າການໃນການໃຊ້ສິດເລືອກຕັ້ງເອົາສະມາຊິກສະພາແຫ່ງຊາດຊຸດໃໝ່ ເຊິ່ງເປັນຕົວແທນແຫ່ງມະນະຈິດ, ສິດ ແລະ ຜົນປະໂຫຍດຂອງປະຊາຊົນ ຮັບປະກັນເຮັດໃຫ້ການເລືອກຕັ້ງບັນລຸຕາມລະດັບຄາດໝາຍ, ຮັບປະກັນຄວາມເປັນລະບຽບຮຽບຮ້ອຍໃນສັງຄົມ, ຄວາມສະຫງົບປອດໄພ,
ທັງເປັນການປຸກລະດົມ ແລະ ຈັດຕັ້ງນໍາພາຜູ້ທີ່ມີສິດເລືອກຕັ້ງໄປໃຊ້ສິດຂອງຕົນໄດ້ຢ່າງຄົບຖ້ວນ, ຮັບ ປະກັນການລົງຄະແນນສຽງຢ່າງຖືກຕ້ອງ, ໃຊ້ສິດປ່ອນບັດຂອງຕົນດ້ວຍຄວາມສະໝັກໃຈ, ຮັບປະ ກັນໃຫ້ໄດ້ຕາມມາດຖານເງື່ອນໄຂ
ເພື່ອແນໃສ່ຍົກລະດັບຄວາມສາມາດໃນການເຄື່ອນໄຫວວຽກງານຂອງສະພາແຫ່ງຊາດຊຸດທີ VIII ໃຫ້ມີປະສິດທິຜົນປະກອບສ່ວນເຂົ້າໃນການປັບປຸງອໍານາດລັດ ທີ່ເປັນຂອງປະຊາຊົນໂດຍປະຊາຊົນ ແລະ ເພື່ອຜົນປະໂຫຍດຂອງປະຊາຊົນຢ່າງແທ້ຈິງ.
No comments:
Post a Comment