ພິທີມອບ-ຮັບເຄື່ອງຊ່ວຍເຫລືອເພື່ອສະໜັບສະໜູນການປະຕິບັດໜ້າທີ່ເປັນປະທານອາຊຽນ2016 ຂອງ ສປປ ລາວ
ໄດ້ມີຂຶ້ນທີ່ດ່ານຊາຍແດນສາກົນເກົາແຈວ-ນ້ຳພາວ ເມືອງຄຳເກີດ ແຂວງບໍລິຄຳໄຊ
ໃນວັນທີ 9 ມີນານີ້ ລະຫວ່າງທ່ານ ພັນເອກ ຫງວຽນດາຍໂຮ້ຍ ຮອງຫົວໜ້າກົມພົວພັນຕ່າງປະເທດ ກະຊວງປ້ອງກັນປະເທດ ສສ
ຫວຽດນາມ ແລະ ທ່ານ ພັນເອກ ບາງສີ
ໄຊສົມໂຄດ ຮອງຫົວໜ້າກົມພົວພັນຕ່າງປະເທດ ກະຊວງປ້ອງກັນປະເທດ ແຫ່ງ ສປປ ລາວ.
ເຄື່ອງຊ່ວຍເຫລືອດັ່ງກ່າວປະກອບມີລົດສຸກເສີນ (ອຳບູລັງ) ຈຳນວນ 4 ຄັນ, ຄອມພິວເຕີຕັ້ງໂຕະ ແລະ ແລັດທ໋ອບ ຢ່າງລະ
5 ເຄື່ອງ, ເຄື່ອງວັດແທກຄື້ນໂທລະສັບມືຖື,
ເຄື່ອງສະແກນ ແລະ ເຄື່ອງກວດກາທາດເບື່ອໃນອາຫານ ຢ່າງລະ 2 ເຄື່ອງ ໃຫ້ແກ່ກະຊວງປ້ອງກັນປະເທດລາວ, ມີຄວາມສະດວກໃນການປະຕິບັດໜ້າທີ່ຂອງຕົນໃນການເປັນປະທານອາຊຽນໃນປີ 2016 ນີ້, ພ້ອມຈະເລັ່ງຊ່ວຍເຫລືອຝ່າຍລາວຈັດຕັ້ງກອງປະຊຸມລັດຖະມົນຕີປ້ອງກັນປະເທດ ແລະ ການທະຫານອາຊຽນໃນປີ 2016 ນີ້ໃຫ້ບັນລຸຜົນສຳເລັດອັນຈົບງາມ.
No comments:
Post a Comment