ສໍາເລັດການຝຶກອົບຮົມລະບົບການຈ່າຍຄືນປະກັນໄພເງິນຝາກ

             ກອງທຶນປົກປ້ອງຜູ້ຝາກເງິນ ( ກທປ ) ທະນາຄານແຫ່ງ ສປປ ລາວ ( ທຫລ ) ຮ່ວມກັບປະກັນໄພເງິນຝາກປະ ເທດມາເລເຊຍ ແລະ ທະນາຄານໂລກປະຈໍາບາງກອກ ປະເທດໄທ ໄດ້ສໍາເລັດການຝຶກອົບຮົມໃນວັນທີ 26 ກຸມພາ 2016 ທີ່ໄດ້ດຳເນີນມາເປັນເວລາ 2 ວັນ ທີ່ໂຮງແຮມເມີຄຽວອ໌ ນະຄອນຫຼວງວຽງຈັນ ໃນຫົວຂໍ້ : “ ລະບົບການຈ່າຍຄືນເງິນປະກັນໄພເງິນຝາກ ” ໃຫ້ແກ່ພະນັກ ງານ ກທປ ແລະ ພະນັກງານ ທຫລ ຈຳນວນໜຶ່ງ ໂດຍການເຂົ້າຮ່ວມຂອງທ່ານນາງ ແສງດາວວີ ວົງຄຳຊາວ ຜູ້ອຳນວຍການ ກທປ ເພື່ອນຳສະເໜີວິທີຈ່າຍຄືນເງິນຝາກຂອງປະກັນໄຟເງິນຝາກຂອງມາເລເຊຍ ໂດຍມີເງື່ອນໄຂໄດ້ຮັບການປົກປ້ອງທາງດ້ານບັນຊີເງິນຝາກປະຢັດ, ກະແສລາຍວັນ, ເງິນຝາກປະຈໍາ-ເງິນຝາກມີກຳ ນົດ ແລະ ເງິນຝາກເປັນສະກຸນເງິນຕາຕ່າງປະເທດ, ສຳລັບບໍ່ມີເງື່ອນໄຂໄດ້ຮັບໄດ້ແກ່ຜະລິດຕະພັນ

ລົງທຶນທີ່ກ່ຽວຂ້ອງກັບຄຳ, ກອງທຶນເພື່ອການລົງທຶນແບບ Unit trusts, ຫຸ້ນ, ເງິນຝາກຕະຫຼາດເງິນ,

            ທ່ານຜູ້ອຳນວຍການ ກທປ ໄດ້ກ່າວວ່າ:  ຊຸດອົບຮົມຄັ້ງນີ້ ຄວາມສໍາຄັນຕໍ່ວຽກງານປະກັນໄຟເງິນຝາກ: ຄືດັ່ງຮູ້ແລ້ວວ່າ: ວິກິດການທາງດ້ານການເງິນໃນທົ່ວໂລກໄດ້ຜ່ານໄປ ຄົງເຫຼືອໄວ້ພຽງບົດຮຽນ ແລະ ປະສົບການຫຼາຍຢ່າງຊຶ່ງໃນປັດຈຸບັນພວກເຮົາຍັງຈະຕ້ອງສືບຕໍ່ຄົ້ນຄວ້າ, ແລກປ່ຽນບົດຮຽນ ແລະ ປະສົບການໃນວຽກງານປະກັນໄຟເງິນຝາກກັບຫຼາຍປະເທດໃນຂົງເຂດ ແລະ ພາກພື້ນ.

        ສາມາດນໍາໄປປັບປຸງບັນດາລະບົບການເງິນ, ການຮັກສາຄວາມປອດໄພໃນການເຄື່ອນໄຫວຂອງລະບົບທະນາຄານ, ເສີມສ້າງຂອບເຂດການນໍາໃຊ້ນິຕິກໍາ ແລະ ຍົກສູງປະສິດທິຜົນຂອງອົງການຄຸ້ມຄອງ-ກວດກາ. ບັນດາອົງກອນປະກັນໄຟເງິນຝາກໃນທົ່ວໂລກ ໄດ້ສະແດງພາລະບົດບາດອັນສໍາຄັນຂອງຕົນຕະຫຼອດໄລຍະເວລາທີ່ເກີດວິກິດການທາງດ້ານການເງິນໂດຍການສ້າງຄວາມເຊື່ອໝັ້ນໃຫ້ແກ່ມວນຊົນປະກອບສ່ວນຮັກສາສະຖຽນລະພາບຂອງລະບົບສະຖາບັນການເງິນ-ທະນາຄານ ພ້ອມທັງປັບປຸງອົງກອນຂອງຕົນເພື່ອປະກອບສ່ວນເຂົ້າໃນການຟື້ນຟູລະບົບການເງິນ-ທະນາຄານ ແລະ ກະກຽມຄວາມພ້ອມຮັບມືກັບບັນດາວິກິດການຕ່າງໆທີ່ອາດຈະເກີດຂຶ້ນໃນອະນາຄົດ.

 # ຂ່າວ-ພາບ: ຣັດສະໝີ ດວງສັດຈະ.