ມອບ-ຮັບປື້ມນິຕິກຳການສ້າງຕັ້ງສະຫະກອນການຜະລິດກະສິກຳ

ເມື່ອບໍ່ດົນມານີ້, ອົງການສະຫະພັນສະຫະກອນ ແລະ ໄຣໄຟເຊີນແຫ່ງເຢຍລະມັນ ປະຈຳລາວ ໄດ້ມອບປື້ນນິຕິກຳການສ້າງຕັ້ງສະກອນການຜະລິດກະສິກຳຈຳນວນ 13.800 ຫົວ ໃຫ້ແກ່ກະຊວງກະສິກຳ ແລະ ປ່າໄມ້,ໂດຍການສະໜັບສະໜູນການພິມຈາກອົງການດັ່ງກ່າວ, ຊຶ່ງພິທີມອບ-ຮັບໄດ້ມີຂື້ນຢູ່ກະຊວງກະສິກຳ ແລະ ປ່າໄມ້ລະຫວ່າງ ທ່ານ ມີເຈວ ກາສ ,ເອກອັກຄະລັດຖະທູດແຫ່ງປະເທດເຢຍລະມັນປະຈຳລາວ ແລະ ທ່ານ ຄຳບຸນນັດ ໄຊຍະນົນ,ຮອງລັດຖະມົນຕີກະຊວງກະສິກຳ ແລະປ່າໄມ້.

ທ່ານ ຮອງລັດຖະມົນຕີໃຫ້ຮູ້ວ່າ: ເພື່ອປະຕິບັດຕາມຂໍ້ຕົກລົງຂອງລັດຖະມົນຕີກະຊວງກະສິກຳ ແລະ ປ່າໄມ້ ວ່າດ້ວຍການສ້າງຄັ້ງ ແລະ ຄຸ້ມຄອງຜູ້ຜະລິດກະສິກຳ ສະບັບເລກທີື 2984/ກປ,ລົງວັນທີ 25 ກັນຍາ
2014 ໄລຍະທີ 1 ກົມສົ່ງເສີມກະສິກຳ ແລະ ສະຫະກອນຮ່ວມກັບອົງການສະຫະພັນສະຫະກອນ ແລະ ໄຣໄຟເຊີນເຢຍລະມັນ ປະຈຳລາວໄດ້ຈັ້ງຕັ້ງໂຄງການພັດທະນາສະຫະກອນຢູ່ ລາວ ມາແລ້ວ 4 ປີ ແລະ ໄລຍະທີ່ສອງຂອງໂຄງການທັງສອງຝ່າຍໄດ້ຮ່ວມກັນປະກອບສ່ວນສ້າງນິຕິກຳອັນຈຳເປັນເພື່ອເປັນບ່ອນອີງໃຫ້ແກ່ການສ້າງຕ້ັງ,ຄຸ້ມຄອງ ແລະ ບໍລິຫານສະຫະ ກອນການຜະລິດກະສິກຳກໍຄືປື້ມຄູ່ມືດັ່ງກ່າວຂຶ້ນ, ມີທັງພາສາລາວ ແລະ ພາສາອັງກິດ, ຈຳນວນ 13.800 ຫົວ ແລະ ໄດ້ແຈກຢາຍໃຫ້ພະນັກງານວິຊາການໃນທົ່ວປະເທດໄປແລ້ວ 2.600 ຫົວ ແລະ ສຳລັບການພິມປື້ມດັ່ງກ່າວແມ່ນໄດ້ຮັບການສະໜັບສະໜູນຈາກອົງການ ສະຫະພັນສະຫະກອນ ແລະ ໄຣໄຟເຊີນແຫ່ງເຢຍລະມັນ ປະຈຳລາວ ແລະ ຫວັງວ່າການຮ່ວມມືສອງຝ່າຍຈະສືບຕໍ່ຂະ ຫຍາຍຕົວດ້ວຍຄຸນນະພາບສູງ.