ໃນວັນທີ 19 ສິງຫານີ້, ທະນາຄານ ອາເຮັສບີລາວຈຳກັດ ( RHB Bank Lao Limited ) ໄດ້ຈັດພິທີເປີດສາຂາທີ 2 ຂອງຕົນຂຶ້ນ ຢູ່ບ້ານສີຖານເໜືອ
(ຖະໜົນສຸພານູວົງ),
ເມືອງສີໂຄດຕະ ບອງ, ນະຄອນຫຼວງວຽງຈັນ,
ໂດຍການເຂົ້າຮ່ວມຂອງທ່ານ ນາງ ວັດທະນາ ດາລາລອຍ
ຮອງຜູ້ວ່າການທະນາຄານແຫ່ງ ສປປ ລາວ, ທ່ານ ດາໂຕ
ທັນໄຕຮິງ ( Mr
Dato Than Tai Hing ) ເອກອັກຄະລາຊະທູດມາເລເຊຍປະຈຳລາວ, ທ່ານ Tan Sri Azian Zainol ປະທານທະນາຄານດັ່ງກ່າວ,
ພ້ອມພະນັກງານເຂົ້າຮ່ວມເປັນຈຳນວນຫຼາຍ.
ທ່ານ Danny
Ling ອຳນວຍການທະນາຄານອາເຮັສບີ ປະຈຳລາວໃຫ້ຮູ້ວ່າ: ທະນາຄານ Rhb ລາວຈຳກັດ ສ້າງຂຶ້ນໃນເດືອນ ມິຖຸນາ 2014
ພາຍໃຕ້ກົດໝາຍວ່າດ້ວຍທະນາ ຄານທຸລະກິດແຫ່ງ ສປປ
ລາວ ແລະ
ອີງໃສ່ການຂະຫຍາຍຕົວທາງດ້ານເສດໃນ ສປປ ລາວ ຊຶ່ງເປັນໂອກາດດີໃນການດຳເນີນທຸລະກິດ
ດັ່ງນັ້ນຈຶ່ງເຮັດໃຫ້ເພີ່ມສາຂາໃນນະຄອນຫຼວງວຽງຈັນເປັນແຫ່ງທີ 2
ເພື່ອໃຫ້ບໍລິການທີດີສະດວກວ່ອງໄວ ແລະ ໂດຍທະນາຄານມີການບໍລິການທີ່ຫລາກຫລາຍ ເຊັ່ນ:
ເງິນຝາກ,
ເງິນໂອນ, ບໍລິການເອທີເອັມ, ຜະລິດຕະພັນເງິນກູ້ ແລະ ການແລກປ່ຽນເງິນຕາຕ່າງປະເທດ, ຊຶ່ງພ້ອມທີ່ຈະໃຫ້ບໍລິການແກ່ລູກຄ້າລາຍຍ່ອຍ, ທຸລະກິດຂະໜາດນ້ອຍ-ກາງ, ວິສາຫະກິດ ແລະ ທຸລະກິດທົ່ວໄປ, ລວມເຖິງລູກຄ້າສ່ວນບຸກຄົນ,ພິເສດຫາກລູກຄ້າມາເປີດບັນຊີເງິນຝາກປະຢັດ, ຝາກກະແສລາຍວັນ ຫຼື ຝາກມີກຳນົດໃນໄລຍະ 3
ເດືອນຂຶ້ນໄປຈະໄດ້ຮັບຂອງຂັວນຈາກທະນາຄານທັນທີ.
ທ່ານອຳນວຍການກ່າວວ່າ: ທະນາຄານ RHB ເປັນທະນາຄານໃຫຍ່ອັນດັບ 4 ຂອງປະເທດມາເລເຊຍ, ມີຫຼາຍກວ່າ 300 ສາຂາພາຍໃນປະເທດ ແລະ ມີສາຂາຕັ້ງຢູ່ຫຼາຍປະເທດເຊັ່ນ: ສິງກະໂປ, ໄທ,
ກຳປູເຈຍ, ລາວ ແລະ ອື່ນໆ.
No comments:
Post a Comment