ວັນທີ 2 ກັນຍາຜ່ານມານີ້, ສະຖາບັນພັດທະນາສີມືແຮງງານລາວ-ເກົາຫລີ ໄດ້ຈັດ
ພິທີມອບ-ຮັບໃບປະກາສະນີຍະບັດໃຫ້ນັກສຶກສາທີ່ຈົບການສຶກສາໃນສະຖາບັນດັ່ງກ່າວຈຳນວນ 512 ຄົນ, ຍິງ 145 ຄົນ, ໂດຍການເຂົ້າຮ່ວມຂອງທ່ານຮອງລັດຖະມົນຕີກະຊວງ
ແຮງງານ ແລະ ສະຫວັດດີການສັງຄົມ, ມີທ່ານຜູ້ອຳນວຍການສະຖາບັນພັດທະນາສີມື
ແຮງງານລາວ-ເກົາຫລີ,
ຄູ-ຈານ ແລະ ນັກ ສຶກສາເຂົ້າຮ່ວມເປັນຈຳນວນຫລວງຫລາຍ.
ທ່ານຜູ້ອຳນວຍການສະຖາບັນດັ່ງກ່າວ ໃຫ້ຮູ້ວ່າ: ຜ່ານການພັດທະນາ
ສີມືແຮງງານໃຫ້ແກ່ກຳລັງແຮງງານລາວໃນສົກຮຽນ 2015-2016, ສາມາດ ປະຕິບັດໄດ້ 1.843 ຄົນ, ລື່ນຄາດໝາຍສະເລ່ຍ
30,23% ແລະ ໃນສົກຮຽນນີ້ມີນັກສຶກສາສຳເລັດການສຶກສາ ທັງໝົດ 512 ຄົນ, ຍິງ 145 ຄົນ, ຊຶ່ງປະກອບມີ 9 ສາຂາອາຊີບຄື: ໄມ້ເຄື່ອງເຮືອນ, ຕັດຫຍິບ, ເອເລັກໂຕຣນິກ, ປຸງແຕ່ງອາຫານ, ເສີມສວຍ,
ກໍ່ສ້າງ, ລົດຍົນ, ໄຟຟ້າ ແລະ ຄອມພິວເຕີໄອທີ, ໃນນັ້ນມີຫລັກສູດ 1-3 ປີ, ຫລັກສູດ 4 ປີ ແລະ ຫລັກສູດ 5 ປີ. ໄລຍະຜ່ານມາສະຖາບັນກໍໄດ້ເອົາໃຈໃສ່ສິດສອນນັກສຶກສາທຸກ
ຄົນໃຫ້ກາຍເປັນຜູ້ທີ່ມີສີມື,
ມີຄຸນສົມບັດ ແລະ ລະບຽບວິໃນດີ ເພື່ອໃຫ້ເຂົາເຈົ້າເຫລົ່ານັ້ນ
ນຳໄປໃຊ້ໃນເວລາເຮັດວຽກໃນອະນາຄົດໃຫ້ກ້າວໜ້າຂະຫຍາຍຕົວ.
ສະຖາບັນພັດທະນາສີມືແຮງງານລາວ-ເກົາຫລີ. ມີພະນັກງານ ຄູ-ອາຈານ 72 ຄົນ, ຍິງ 31 ຄົນ, ມີ 4 ພະແນກ, 18 ຂະແໜງດ້ວຍກັນ.
No comments:
Post a Comment