ກົມອຸຕຸນິຍົມ
ແລະ ອຸທົກກະສາດ ໃຫ້ຮູ້ວ່າ: ແຕ່ວັນທີ 6-9 ຕຸລານີ້, ອຸນຫະພູມອາກາດຈະເຢັນລົງ ແລະ ມີຝົນຕົກໃນລະດັບຄ່ອຍ, ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ, ຍ້ອນຄວາມກົດດັນອາກາດສູງຂອງອາກາດເຢັນຈາກປະເທດຈີນຈະແຜ່ລົງມາປົກຄຸມຢູ່ທົ່ວທຸກພາກຂອງລາວດ້ວຍກຳລັງປານກາງ.
ພາກເໜືອດ້ານຕາເວັນອອກ: ອຸນຫະພູມອາກາດຈະເຢັນລົງ
ພ້ອມມີໝອກບາງປົກຫຸ້ມຢູ່ທົ່ວໄປໃນຕອນເຊົ້າ ແລະ ຍັງຈະມີຝົນຕົກໃນລະດັບຄ່ອຍ
ພ້ອມມີລົມພັດແຮງເປັນບາງໂອ ກາດ.
ອຸນຫະພູມຕ່ຳສຸດ 17-19 ອົງສາ ແລະ ສູງສຸດ 26-28 ອົງສາ; ພາກເໜືອດ້ານຕາເວັນຕົກ: ອຸນຫະ ພູມອາກາດຈະເຢັນລົງ
ພ້ອມມີໝອກບາງປົກຫຸ້ມຢູ່ທົ່ວໄປໃນຕອນເຊົ້າ. ອຸນຫະພູມຕ່ຳສຸດ 20-22 ອົງສາ ແລະ ສູງສຸດ
30-32 ອົງສາ;
ນະຄອນຫລວງວຽງຈັນ:
ອຸນຫະພູມອາກາດຈະເຢັນລົງເລັກນ້ອຍໃນຕອນກາງຄືນຫາຕອນເຊົ້າ. ອຸນຫະພູມຕ່ຳສຸດ 21-23 ອົງສາ
ແລະ ສູງສຸດ 31-33 ອົງສາ;
ພາກກາງ: ຍັງຈະມີຝົນຕົກໃນລະດັບຄ່ອຍ, ອຸນຫະພູມອາກາດຈະເຢັນລົງໃນຕອນກາງຄືນຫາຕອນເຊົ້າ, ພ້ອມມີໝອກບາງປົກຫຸ້ມໃນຕອນເຊົ້າຢູ່ບາງທ້ອງຖິ່ນດ້ານຕາເວັນອອກຂອງພາກ.
ອຸນຫະພູມຕ່ຳສຸດ 19-21 ອົງສາ ແລະ ສູງສຸດ 30-32 ອົງສາ; ພາກໃຕ້: ສະພາບຝົນຍັງສືບຕໍ່ຕົກໃນລະດັບຄ່ອຍເປັນບາງໂອກາດຢູ່ແຂວງສາລະວັນ, ຈຳປາສັກ, ເຊກອງ ແລະ
ອັດຕະປື. ອຸນຫະພູມຕ່ຳສຸດ 20-22 ອົງສາ ແລະ ສູງສຸດ 30-32 ອົງສາ.
No comments:
Post a Comment