ການຜັນຂະຫຍາຍມະຕິ IX ມີຫລາຍດ້ານພົ້ນເດັ່ນ

           ໃນວັນທີ 20 ມັງກອນນີ້, ເຊິ່ງເປັນມື້ທີສາມຂອງການດໍາເນີນກອງປະຊຸມໃຫຍ່ຄັ້ງທີ X ຂອງພັກປະຊາຊົນປະຕິວັດລາວ, ພາຍໃຕ້ການເປັນປະທານຂອງສະຫາຍ ສົມສະຫວາດ ເລັ່ງສະຫວັດ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ ແລະ ວາລະການດໍາເນີນກອງປະຊຸມໃນຕອນເຊົ້າແມ່ນການສະເໜີຮ່າງກົດລະບຽບຂອງພັກສະບັບປັບປຸງໃໝ່ໂດຍສະຫາຍ ຈັນສີ ໂພສີຄໍາ ຄະນະເລຂາທິການສູນກາງພັກ, ຫົວໜ້າ​ຄະນະ​ຈັດ​ຕັ້ງ​ສູນ​ກາງ​ພັກ,ອະນຸກໍາມະການກົດລະບຽບ ແລະ ບຸກຄະລາກອນ, ຈາກນັ້ນສະຫາຍ ບຸນທອງ ຈິດມະນີ ກໍາມະການກົມການເມືອງສູນກາງພັກ, ປະ ທານ​ຄະນະ​ກວດ

ລັດຖະມົນຕີ​ຕ່າງປະ​ເທດ​ສະຫະລັດ​ອາ​ເມ​ລິ​ກາ​ ຈອນ ​ເຄຣີ ຈະ​ເດີນທາງ​ມາ​ຢ້ຽມຢາມ​ລາວ​ໃນ​ລະຫວ່າງ​ວັນ​ທີ 24-25 ມັງກອນ​ນີ້

           ​ໂດຍ​ຕອບ​ສະໜອງ​ຕາມ​ຄໍາ​ເຊີນ​ຂອງ​ທ່ານຮອງ​ນາຍົກລັດຖະມົນຕີ, ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ​ແຫ່ງ ສປປ ລາວ ທອງ​ລຸນ ສີ​ສຸ​ລິດ, ທ່ານ​ລັດຖະມົນຕີ​ວ່າການກະຊວງ​ການ​ຕ່າງປະ​ເທດ​ສະຫະລັດ​ອາ​ເມ​ລິ​ກາ ຈອນ ​ເຄຣີ ພ້ອມ​ຄະນະ​ຈະ​ເດີນທາງ​ມາ​ຢ້ຽມຢາມ​ ສປປ ລາວ ຢ່າ​ງ​ເປັນ​ທາງ​ການ​ໃນ​ລະຫວ່າງ​ວັນ​ທີ 24-25 ມັງກອນ 2016 ​ເພື່ອ​ເສີມ​ຂະຫຍາຍ​ກາ​ນພົວພັນຮ່ວມ​ມື​ລະຫວ່າງ​ ສປປ ລາວ ​ແລະ ສະຫະລັດ​ອາ​ເມ​ລິ​ກາ​ໃຫ້​ແໜ້ນ​ແຟ້ນຍິ່ງ​ຂຶ້ນ.

           ທ່ານ ຈອນ ​ເຄຣີ ​ເກີດ​ເມື່ອ​ວັນ​ທີ 11 ທັນວາ 1943 ທີ່​ລັດ​ໂຄ​​ໂລລາ​ໂດ(Colorado) ສະ ຫະລັດ​ອາ​ເມ​ລິ​ກາ, ຈົບ​ການ​ສຶກສາ​ຈາກ​ມະຫາວິທະຍາ​ໄລ​ເຢວ(Yale)  ​ແລະ ຫລັງ​ຈາກ​ນັ້ນ​ເຂົ້າ​ຮັບ​ໃຊ້​ກອງທັບ, ​ເຄີຍ​ເປັນ​ທະຫານ​ເຮືອ​ໃນ​ກອງທັບ​ເຮືອ​ສະຫະລັດ​ອາ​ເມ​ລິ​ກາ ​ແລະ ​ເປັນ​ຫົວໜ້າ​ໜ່ວຍ​ເຮືອ​ລາດຕະ​ເວນ​ໄວ​ຢູ່​ເຂດ​ສາມຫລ່ຽມ​ແມ່​ນໍ້າຂອງ​ໃນ​ການ​ເຂົ້າ​ຮ່ວມ​ສົງຄາມ​ຫວຽດນາມ, ພາຍຫລັງ​ກັບ​ຈາກ​ສົງຄາມ​ໄດ້​ເຂົ້າ​ຮ່ວມ​ຂະ​ບວນການຂັດ​ຄ້ານ​ການ​ດໍາ​ເນີນ​ສົງຄາມ​ຢູ່​ຫວຽດນາມ.

ຊາວສວນຜູ້​ຜະລິດ​ກາ​ເຟປອດ​ສານ​ຜິດຢູ່​​ແຂວງຈຳປາ​ສັກ ພົ້ນ​ອອກ​ຈາກ​ຄວາມທຸກ​ຍາກ

           ສະຫາຍ ບຸນ​ທົງ ​ເທ​ບ​ໄກ​ສອນ ປະທານ​ສະຫະກອນ​ຜູ້​ຜະລິດ​ກາ​ເ​ຟ ​ເຂດ​ພູ​ພຽງ​ບໍລະ​ເວນ​, ຫລັກ 24 ​ເມືອງ​ບາ​ຈຽງ​ຈະ​ເລີ​ນສຸກ, ແຂວງ​ຈຳປາ​ສັກ ​ໄດ້​ປະກອບ​ຄຳ​ເຫັນ​ຕໍ່​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຄັ້ງ​ທີ X ຂອງ​ພັກ ຊຶ່ງພວມດຳເນີນຢູ່ປັດຈຸບັນນີ້ວ່າ: ພາຍ​ໃຕ້​ການ​ນຳພາ​ອັນ​ສະຫລາດ​ສ່ອງ​ໃສ​ຂອງ​ພັກ​ປະຊາຊົນປະຕິວັດ​ລາວ ​ໃນ​​ໄລຍະ​ຜ່ານ​ມາ, ​ເຫັນ​ວ່າ ວຽກ​ງານ​ການ​ຜະລິດກະສິກໍາ ​ເປັນ​ຕົ້ນ ການຜະລິດກາ​ເຟຂອງ​ຊາວ​ກະສິກອນ​ເຂດ​ພູ​ພຽງ​ບໍລະ​ເວນ ມີ​ການ​ເຕີບ​ໃຫຍ່​ຂະຫຍາຍຕົວ​ ແລະ ນັບມື້ມີລາຍຮັບ ເພີ່ມຂຶ້ນສາມາດຊ່ວຍ​ໃຫ້ຊາວ​ກະສິກອນ ກໍ​ຄື​ຜູ້​ຜະລິດສາມາດຫລຸດພົ້ນ​ອອກ​ຈາກ​ຄວາ​ມທຸກ​ຍາກ​ ​ແລະ ກ້າວ​ໄປ​ສູ່​ຄວາມ​ຮັ່ງມີ​ຜາ​ສຸກ​ຂຶ້ນ​ເທື່ອ​ລະ​ກ້າວ.

ບົດບາດຂອງກະຊວງແຜນການ ແລະ ການລົງທຶນຕໍ່ການ​ພັດທະນາ​ເສດຖະກິດຕະຫລາດ​ຕາມ​ທິດ​ສັງຄົມ​ນິຍົມ

          ກະຊວງແຜນການ ແລະການລົງທຶນ ໄດ້ນຳສະເໜີຜົນສຳເລັດແຫ່ງການປະຕິບັດພາລະບົດ ບາດຂອງຕົນຕໍ່ການພັດທະນາເສດຖະກິດຕະຫລາດຕາມທິດສັງຄົມນິຍົມຕໍ່ກອງປະຊຸມໃຫຍ່ຄັ້ງທີ X ຂອງພັກ ໃນມື້ວັນທີ 19 ມັງກອນຜ່ານມານີ້, ຊຶ່ງເປັນມື້ທີ 2 ຂອງກອງປະຊຸມດັ່ງກ່າວ, ໂດຍໄດ້ຊີ້ໃຫ້ເຫັນວ່າ: ໃນໄລຍະ 5 ປີ ຜ່ານມາ, ການພັດທະນາ ເສດຖະກິດ-ສັງຄົມຂອງປະເທດເຮົາ ມີການຂະຫຍາຍຕົວຢ່າງເນື່ອງ ແລະ ໝັ້ນທ່ຽງ, ເຖິງ ແມ່ນວ່າ ໃນໄລຍະດັ່ງກ່າວເສດຖະກິດຂອງໂລກ ແລະ ພາກພື້ນ ໄດ້ເກີດວິກິດການທາງດ້ານ ການເງິນ: ເຮັດໃຫ້ການຂະຫຍາຍຕົວທາງດ້ານເສດຖະກິດສາກົນມີການຖົດຖອຍ, ແຕ່ ສປປ ລາວ ຍັງຮັກສາໄດ້ການຂະຫຍາຍຕົວຂອງເສດຖະກິດໃນລະດັບສູງສະເລ່ຍ 7,9% ຕໍ່ປີ, ການແກ້ໄຂ

ມາດ​ຕະການ​ຂອງ​ລັດຖະບານ​ໃນ​ການ​ຈັດ​ຕັ້ງປະຕິບັດ​ແຜນ​ພັດທະນາ​ເສດຖະກິດ-ສັງຄົມ 5 ປີ​ຄັ້ງ​ທີ VIII

           ສະຫາຍ ທອງ​ສິງ ທໍາ​ມະ​ວົງ ກໍາ​ມະ​ການ​ກົມ​ການ​ເມືອງ​ສູນ​ກາງ​ພັກ, ນາຍົກລັດຖະມົນຕີ,​ ໄດ້​ລາຍ​ງານ​ຕໍ່​ກອງ​ປະຊຸມ​ໃຫຍ່​ຄັ້ງ​ທີ 10 ຂອງ​ພັກ​ເມື່ອ​ບໍ່​ດົນ​ນີ້​ກ່ຽວ​ກັບ​​ແຜນ ພັດທະນາ​ເສດຖະກິ​ດ-ສັງຄົ​ມ 5 ປີ​ຄັ້ງ​ທີ VIII (2016-2020) ວ່າ: ​ການຈັດ​ຕັ້ງ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມໃນ​ໄລຍະ​ດັ່ງກ່າວ,​ ແມ່ນ​ຕ້ອງ​ຮັບປະກັນ​​ໃຫ້​ລວມຍອດ​ຜະລິດ​ຕະພັນ​ພາຍ​ໃນ (GDP) ຂະຫຍາຍຕົວ​ສະ​ເລ່ຍລະດັບ 7,5% ຕໍ່ປີ,​ ໃນ​ນີ້​ຂະ​ແໜງ​ກະສິກໍາ-ປ່າ​ໄມ້​ກວມ​ປະມານ 19%, ອຸດ​ສະຫະ​ກໍາ​ກວມ​ປະ ມານ 32% ​ແລະ ບໍລິການ​ກວມ​ປະມານ 41% ຂອງ​ GDP ​ແລະ ສະ​ເລ່ຍລາຍ​ຮັບ​ປະມານ 3.190 ​ໂດ​ລາ​ສະຫະລັດ​ຕໍ່​ຄົນ​ຕໍ່​ປີ, ຄາດ​ຄະ​ເນ​ລາຍ​ຮັບ​ງົບປະມານ​​ແຕ່ລະ​ປີ​ໃຫ້​ໄດ້​ປະມານ 23-25 % ສ່ວນ​ລາຍ​ຈ່າຍ​ແມ່ນ​ບໍ່​ໃຫ້​ເກີນ 28% ຂອງ GDP, ຂະນະ​ດຽວ​ກັນ​ລັດຖະບານ​ໄດ້​ວາງນະ​ໂຍບາຍ, ກໍານົດ​ກົນ​ໄກ ​ແລະ ມາດ​ຕະການ​ ​ເພື່ອຈັດ​ຕັ້ງ​ປະຕິບັດ​ແຜນ​ດັ່ງກ່າວ ໃຫ້​ບັນລຸ​ເປົ້າ​ໝາຍ​ວາງ​ໄວ້​ຄື: ຕ້ອງ​ຫັນປ່ຽນ​ຮູບ​ແບບ​ການ​ພັດທະນາ​ເສ​