ນັບແຕ່ວັນທີ 1-8 ມັງກອນນີ້, ທົ່ວນະຄອນຫລວງວຽງຈັນ, ມີອຸປະຕິເຫດເກີດຂຶ້ນຫລາຍກວ່າ 30 ກໍລະນີ,
ມີຜູ້ໄດ້ຮັບບາດເຈັບເກືອບ 30 ຄົນ,
ສົ່ງຜົນໃຫ້ມີຜູ້ເສຍຊີວິດ 8 ຄົນ, ໃນນັ້ນ ເວລາປະມານ 2:00 ໂມງຂອງວັນທີ 8 ມັງກອນນີ້, ຢູ່ເຂດບ້ານສົມຫວັງ ເມືອງຫາດຊາຍຟອງ,
ໄດ້ເກີດເຫດລົດໃຫຍ່ຕຳລົດຈັກຢ່າງຮຸນແຮງ ສົ່ງຜົນໃຫ້ຄົນຂັບລົດຈັກຄື:
ທ້າວ ແສງມະນີ ອາຍຸ 28 ປີ, ຢູ່ບ້ານດັ່ງກ່າວເສຍຊີວິດຄາທີ່
ແລະ ໃນເວລາ 3:40 ໂມງຂອງວັນດຽວກັນ, ຢູ່ເຂດບ້ານໂພນພະເນົາ, ເມືອງໄຊເສດຖາ, ໄດ້ມີລົດຈັກໄປຕຳເສົາໄຟຟ້າຂ້າງທາງ, ສົ່ງຜົນໃຫ້ທ້າວ
ໄຊປະເສີດ, ອາຍຸ 25 ປີ, ຢູ່ບ້ານໂພນຕ້ອງສະຫວາດ, ເມືອງຈັນທະບູລີ
ເສຍຊີວິດຄາທີ່ເຊັ່ນກັນ.
ເຈົ້າໜ້າທີ່ຈະລາຈອນ
ນະຄອນຫລວງວຽງຈັນ ໃຫ້ຮູ້ວ່າ: ອຸປະຕິເຫດສ່ວນໃຫຍ່ແມ່ນເກີດຈາກນັກຂັບຂີ່ດື່ມສິ່ງມືນເມົາ,
ຂັບຂີ່ລົດດ້ວຍຄວາມປະໝາດ, ບໍ່ເຄົາລົບກົດຈະລາຈອນ,
ຊຶ່ງເປັນສາເຫດເຮັດໃຫ້ມີອຸປະຕິເຫດເພີ້ມຂຶ້ນ ແລະ
ມີຜູ້ເສຍຊີວິດຫລາຍຂຶ້ນ.
No comments:
Post a Comment