ເຈົ້າໜ້າທີ່ ມອດໄຟ ນະຄອນຫລວງວຽງຈັນ ໃຫ້ຮູ້ວ່າ: ໃນເວລາປະມານ 17:30 ໂມງຂອງວັນທີ 18 ມັງກອນນີ້, ໄດ້ເກີດໄຟໄໝ້ເຮືອນຂອງປະຊາຊົນຢູ່ບ້ານທົ່ງຕູມ, ໜ່ວຍ 19, ເມືອງຈັນທະບູລີ ນະຄອນຫລວງວຽງຈັນ,
ເຮັດໃຫ້ຊັ້ນສອງຂອງເຮືອນດັ່ງກ່າວຖືກເສຍຫາຍຈຳນວນຫລາຍ, ພາຍຫລັງສັນລະສູດເຫດການແລ້ວຮູ້ວ່າ: ສາເຫດແມ່ນເກີດຈາກໄຟຟ້າຊ໋ອດຢູ່ກະດານໄຟຫ້ອງນອນຊັ້ນສອງ, ຊຶ່ງບໍ່ໄດ້ໃຊ້ງານດົນແລ້ວ, ສາຍໄຟກໍເປັນສາຍໄຟເກົ່າ, ຈຶ່ງກໍໃຫ້ເກີດໄຟຟ້າລັດວົງຈອນໄດ້. ເຫດການດັ່ງກ່າວໂຊກດີທີ່ເຈົ້າໜ້າທີ່ເຂົ້າຊ່ວຍດັບມອດທັນເວລາ ຈຶ່ງເຮັດໃຫ້ເສຍຫາຍພຽງແຕ່ຊັ້ນສອງ, ສ່ວນຊັ້ນລຸ່ມ ແມ່ນປອດໄພ
ເສຍຫາຍ ແລະ ບໍ່ມີຜູ້ໄດ້ຮັບບາດເຈັບ ແລະ ເສຍຊີວິດໃດໆ.
No comments:
Post a Comment