ລາວ-ຍີ່ປຸ່ນ ເພີ່ມທະວີການພົວພັນຮ່ວມມືດ້ານວັດທະນະທຳ

          ສະຖານທູດຍີ່ປຸ່ນປະຈຳລາວ ໄດ້ຈັດງານສະແດງສິລະປະວັນນະຄະດີ (ຮ້ອງເພງ) ໃນວັນທີ 20 ກຸມພານີ້, ຢູ່ນະຄອນຫລວງວຽງຈັນ  ໂດຍມີທ່ານ ນາງ ແສງເດືອນ ຫລ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ, ທ່ານ ປອນເມກ ດາລາລອຍ ປະທານສະມາຄົມມິດຕະພາບ ລາວ-ຍີ່ປຸ່ນ ພ້ອມແຂກຖືກເຊີນເຂົ້າ ຮ່ວມ.

          ງານສະແດງດັ່ງກ່າວ, ໄດ້ເຊື້ອເຊີນເອົານັກຮ້ອງ, ນັກສະແດງ ທີ່ມີຊື່ສຽງຂອງລາວ ແລະ ຍີ່ປຸ່ນ

ໂດຍສະເພາະແມ່ນສິລະປິນຍີ່ປຸ່ນ ວົງຢິບຊີຄີນ ເຊິ່ງເປັນສິລະປິນເພງຣ໋ອກ ທີ່ມີຊື່ສຽງ, ມີປະສົບການໃນການຫລິ້ນດົນຕີ ຢູ່ລາວ 10 ກວ່າປີ  ມາສ້າງຄວາມມ່ວນຊື່ນໃຫ້ໄດ້ເບິ່ງ, ໄດ້ຊົມ ຢ່າງຄຶກຄື້ນ ທັງນີ້, ກໍເພື່ອຮັດແໜ້ນການພົວພັນຮ່ວມມືຮອບດ້ານ ໂດຍສະເພາະດ້ານວັດທະນະທຳລະຫວ່າງ ລາວ ແລະ ຍີ່ປຸ່ນ ໃຫ້ໄດ້ຮັບການພັດທະນາ ແລະ ແຕກດອກອອກຜົນງອກງາມຍິ່ງໆຂຶ້ນ.