ວິທະຍາໄລເອກະຊົນພ້ອມປັບປຸງ ຄຸນນະພາບຕາມແຜນປະຕິຮູບການສຶກສາຂອງລັດ

    ພາຍຫລັງກະຊວງສຶກສາທິການແລະກິລາ,ໄດ້ຫລຽວຫລັງເບິ່ງຄືນການພັດທະນາຊັບພະຍາກອນມະນຸດເພື່ອຮັບໃຊ້ສັງຄົມ ໃນໄລຍະຜ່ານມາ ຈຶ່ງຮູ້ວ່າການສຶກສາຂອງ ລາວສ່ວນຫລາຍແມ່ນໄດ້ພຽງປະ ລິມານ ຫລາຍກວ່າຄຸນນະພາບ,ສະ ນັ້ນ ເພື່ອ ແກ້ໄຂສະພາບດັ່ງກ່າວກະ ຊວງສຶກສາທິການ ແລະ ກິລາ ຈຶ່ງ ສ້າງແຜນປະຕິຮູບການສຶກສາ ແຫ່ງ ຊາດ ໂດຍໄລຍະທີໜຶ່ງເລີ່ມ ແຕ່ປີ 2006-2011 ແມ່ນສຸມໃສ່ການ ປັບປຸງລະບົບສາມັນສຶກສາ ແລະ ໄລຍະທີສອງແຕ່ປີ 2011-2015 ແມ່ນສຸມໃສ່ການ ປັບປຸງພາກອາຊີວະສຶກສາ ແລະ ພາກການສຶກສາຊັ້ນສູງ ໂດຍມີ ເປົ້າໝາຍພັດທະນາຄຸນນະ ພາບ ໃຫ້ທຽບທັນສາກົນ ແລະ ແຜນ ປະຕິຮູບໄລຍະສອງນີ້ ເບິ່ງຄືວ່າ ກະຊວງສຶກສາໄດ້​ເນັ້ນໃຫ້ບັນດາ ວິທະຍາໄລພາກ ເອກກະຊົນ ທີ່ມີ ປະມານ30 ກວ່າ ແຫ່ງໃນທົ່ວປະ ເທດ ຕ້ອງເລັ່ງປັບປຸງຄຸນນະພາບ ໃຫ້ໄດ້ ຕາມມາດຕະຖານພາຍ​ໃນ​ປີ 2015 ໂດຍວິທະຍາໄລໃດບໍ່ມີ ການປັບ ປຸງຫລືປັບປຸງບ່ໍໄດ້ຕາມ ແຜນປະ ຕິຮູບກໍຈະໄດ້ສັ່ງໃຫ້ໂຈະການດຳເນີນທຸລະກິດທັນທີ.

     ສຳລັບການປະຕິຮູບການ ສຶກສາ ແຫ່ງຊາດໄລຍະທີ II ນີ້ ແມ່ນມີຄຳສັ່ງແນະນຳຂອງລັດ ຖະມົນຕີວ່າການກະຊວງສຶກ ສາ ທິການ ແລະ ກິລາ ທີ່​ອອກ ມາ ເມື່ອບໍ່ດົນນີ້.ໂດຍເນື້ອໃນສຳຄັນ ຂອງຄຳສັ່ງດັ່ງກ່າວລະບຸວ່າ:ຜ່ານການປະຕິບັດແຜນປະຕິຮູບ ການສຶກສາໄລຍະຕົ້ນຂອງໄລຍະ ທີສອງເຫັນວ່າການສຶກສາແຫ່ງ ຊາດໄດ້ມີການຫັນປ່ຽນໃໝ່ໃນ ທ່ວງ ທ່າທີ່ດີຂຶ້ນນັບທັງປະ ລິມານ ແລະ ຄຸນນະພາບ ແຕ່ສັງເກດ ເຫັນວ່າຍັງມີບາງບັນຫາທີ່ເປັນ ຂໍ້ຈຳກັດ,ບໍ່ທັນເປັນສິ່ງເອື້ອ ອຳ ນວຍຄວາມສະດວກ

ແລະ ບໍ່ກົມ ກຽວ ເປັນຕົ້ນບັນຫາແນວຄິດ ບາງອັນບໍ່ທັນເປັນເອກກະພາບ ຕໍ່ລະບົບຄຸ້ມ ຄອງການສຶກສາ ໂດຍສະເພາະ ແມ່ນສະຖາບັນອາ ຊີວະສຶກສາ, ການສຶກສາຊັ້ນສູງ, ສະຖາບັນສ້າງຄູພາກລັດ ແລະ ເອກກະຊົນ.ສະນັ້ນ ເພື່ອແກ້ໄຂ ສະພາບ ດັ່ງກ່າວ ແຜນປະຕິຮູບ ການສຶກສາໄລຍະສອງຈຶ່ງແມ່ນ ການ ບຸກທະລຸຢ່າງແຂງແຮງ ເພື່ອແນ ໃສ່ ປັບປຸງດ້ານປະມານ ແລະ ຍົກສູງຄຸນນະພາບໃໝ່​ໃຫ້ ດີຂື້ນຢ່າງຊັດເຈນ ສາມາດຕອບ ສະໜອງກັບຄວາມ ຮຽກຮ້ອງ ຕ້ອງການຂອງການ ພັດທະນາ ເສດຖະກິດ-ສັງຄົມ ໂດຍສະເພາະ ມະຫາວິທະຍາໄລຂອງລັດໃຫ້ສຸມ ໃສ່ປັບປຸງ ແລະ ພັດທະນາມະຫາ ວິທະຍາ ໄລແຫ່ງ ຊາດ, ມະຫາວິທະຍາໄລຈຳປາສັກ, ມະຫາວິທະ ຍາໄລສຸພານຸວົງ, ມະຫາວິທະຍາ ໄລສະຫວັນນະ ເຂດ ທີ່ຂຶ້ນກັບກະ ຊວງສຶກສາທິການ ແລະ ກິລາ ແລະ ມະຫາວິທະຍາໄລວິທະຍາ ສາດ ສຸຂະພາບທີ່ຂຶ້ນກັບ ກະຊວງ ສາທາລະນະສຸກ ໃຫ້ໄດ້ ມາດຕະ ຖານ ແລະ ມີຄຸນນະພາບດີຂຶ້ນ. ອະນຸຍາດໃຫ້ມະຫາວິທະຍາໄລ ເຫລົ່ານັ້ນເປີດການສອນ-ການ ຮຽນຫລັກສູດລະ ດັບປະລິນຍາຕີ, ປະລິນຍາໂທ ແລະ ປະລິນຍາ ເອກ ພ້ອມທັງຫລັກສູດລົງເລິກ ຂະແໜງການ, ຊ່ຽວຊານໃນ ບາງສາຂາວິຊາ ຕາມເງື່ອນໄຂ ແລະ ຄວາມພ້ອມຕົວຈິງຂອງແຕ່ລະມະຫາວິທະຍາໄລພ້ອມທັງສາມາດຮອງຮັບການ ເຂົ້າຮຽນລະບົບ ເຊື່ອມ ຕໍ່, ຕໍ່ເນື່ອງຂອງພະນັກງານລັດ, ເອກະຊົນ, ນັກສຶກສາທີ່ຮຽນຈົບຈາກສະຖາບັນການສຶກສາລະດັບວິທະຍາໄລຂອງລັດ ແລະ ເອກະຊົນຈາກ ພາຍໃນ ແລະ ຕ່າງປະເທດເຂົ້າຮຽນຕໍ່ຕາມສາຂາວິຊາທີ່ເຂົາ ຈົ້າຮຽນມາກ່ອນແລ້ວ.

    ສຳລັບວິທະຍາໄລ, ໂຮງຮຽນ ເຕັກນິກ-ວິຊາຊີບ-ວິຊາ ຊີບແບບ ປະສົມຂອງລັດ ແລະ ເອກະຊນ ໃນໄລຍະ ແຫ່ງການປະ ຕິຮູບເພື່ອປັບປຸງຄຸນນະພາບນີ້ບໍ່ອະນຸຍາດໃຫ້ເປີດການສອນ- ການ ຮຽນຫລັກສູດໃໝ່ (ນັບທັງ ລະບົບ ປົກກະຕິ, ລະບົບ ຕໍ່ເນື່ອງ, ເຊື່ອມ ຕໍ່) ລະດັບປະລິນຍາຕີ ຫລື ສູງ ກວ່ານັ້ນ; ອະນຸຍາດໃຫ້ເປີດການ ສອນ-ການຮຽນຫລັກສູດແຕ່ລະ ດັບຊັ້ນສູງ ລົງມາເທົ່ານັ້ນ. ສະຖາບັນໃດຫາກໄດ້ຮັບອະນຸຍາດໃຫ້ເປີດການສອນ-ການຮຽນລະດັບປະລິນຍາຕີ ຫລື ລະດັບສູງກວ່ານັ້ນ ນັບທັງລະບົບຕໍ່ເນື່ອງ, ເຊື່ອມຕໍ່ມາກ່ອນແລ້ວນັ້ນທີ່ມີນັກສຶກສາພວມຮຽນຢູ່ແມ່ນອະນຸຍາດໃຫ້ສືບຕໍ່ປະຕິບັດຫລັກສູດ ໃຫ້ສຳເລັດຊຸດຮຽນ ໃຫ້ຮຽນຈົບ ຕາມ ມາດຕະຖານຫລັກສູດທີ່ໄດ້ ກຳນົດໄວ້, ໃນໄລຍະເວລາທີ່ໃຫ້ ສະຖາບັນລະດັບວິທະ ຍາໄລທັງພາກລັດ ແລະ ພາກເອກະຊົນໂຈະການເປີດສອນຫລັກສູດໃໝ່ນັ້ນມອບໃຫ້ກົມວິຊາການ ແລະ ສູນ ທີ່ກ່ຽວຂ້ອງສົມ ທົບກັບບັນດາກະຊວງ, ອົງການທີ່ກ່ຽວຂ້ອງ ແລະ ແຕ່ລະສະຖາບັນການສຶກສາທັງພາກລັດ ແລະ ພາກເອກະຊົນກວດກາ ແລະ ປະເມີນຄວາມ ພ້ອມດ້ານຕ່າງໆຂອງແຕ່ລະສະ ຖາບັນ ທັງພາກລັດ ແລະ ພາກ ເອກະຊົນ ໂດຍອີງຕາມຂໍ້ຕົກລົງ ຂອງ ລັດຖະມົນຕີວ່າການກະຊວງ ສຶກສາທິການ ແລະ ກິລາ ສະບັບ ເລກທີ 941/ສສກ.ສປຄ, ລົງວັນທີ 8 ເມສາ 2011 ວ່າດ້ວຍ ການອະນຸມັດນຳໃຊ້ມາດຕະຖານອາຊີວະສຶກສາ, ຖ້າສະຖາບັນໃດບໍ່ທັນໄດ້ຕາມມາດຕະຖານປະກັນຄຸນນະພາບ ທີ່ກະຊວງ ສຶກສາທິການ ແລະ ກິລາກຳນົດອອກນັ້ນໃຫ້ຮີບຮ້ອນປັບປຸງແກ້ໄຂ. ໃນໄລຍະການປັບປຸງນີ້ຖ້າສະຖາບັນໃດຫາກບໍ່ມີການປັບ ປຸງແກ້ໄຂ, ບໍ່ມີການຫັນປ່ຽນ, ບໍ່ມີການພັດ ທະນາສະຖາບັນຂອງ ຕົນໃຫ້ໄປ ຕາມມາດຕະຖານປະກັນຄຸນນະ ພາບການ ສຶກສາແຫ່ງຊາດ ແມ່ນຈະບໍ່ພິຈາລະນາໃຫ້ສະຖາ ບັນນັ້ນດຳເນີນການສອນ-ການຮຽນຕໍ່ໄປ (ຢຸດການອະນຸ ມັດ) ເຖິງຈະເປີດ ລະດັບໃດກໍຕາມ.

    ຕໍ່ບັນຫາດັ່ງກ່າວນັກຂ່າວ ໜັງສືພີມລາວພັດທະນາ ໄດ້ສຳ ພາດທ່ານ ຄຳແສນ ສີສະວົງ ຄະນະບໍລິຫານງານສະມາຄົມ ວິທະຍາໄລພາກ ເອກກະຊົນ ປະ ທານກຸ່ມວິທະຍາໄລແສງສະ ຫວັນ ເຊິ່ງທ່ານໄດ້ໃຫ້ທັດສະນະ ວ່າ: ຜູ້ປະກອບການທຸລະ ກິດການສຶກ ສາພາກເອກກະຊົນ ຖືວ່າສະ ໜັບສະໜູນແຜນປະຕິຮູບ ການ ສຶກສາດັ່ງກ່າວ ເພາະມັນຈະເຮັດ ໃຫ້ລະບົບການ ສຶກສາຊັ້ນສູງຢູ່ ປະເທດພວກເຮົາ ມີຄຸນນະພາບ ສູງຂຶ້ນ,ແຕ່ແນວໃດກໍຕາມສິ່ງ ໜຶ່ງທີ່ຜູ້ປະກອບ ການມີຄວາມ ເປັນຫວ່ງ ຫລາຍໃນໄລຍະຂອງ ການປັບປຸງເພື່ອໃຫ້ໄດ້ຕາມ ມາດ ຕະຖານຂອງກະ ຊວງສຶກສາ ວາງອອກນັ້ນ​ແມ່ນ​ບັນຫາ​ທຶນ ຮອນ​ທີ່​ຈະ​ຕ້ອງ​ໄດ້​ນຳ​ໃຊ້​ເຂົ້າ​ໃນ​ການ​ປັບປຸງ ເພາະວ່າຜູ້ປະກອບ ການສ່ວນ ຫລາຍທີ່ຕັດສີນໃຈລົງ ທຶນເຮັດທຸລະກິດດ້ານການສຶກ ສາແມ່ນຍ້ອນເຫັນໄດ້ນະໂຍບາຍ ອັນຖືກຕ້ອງຂອງພັກ ແລະ ລັດຖະບານທີ່ມີຕໍ່ການສຶກສາ,ເຮັດດ້ວຍ ຄວາມມັກຄວາມ ຮັກໃນການສຶກສາແທ້ຈິງ,ອິງໃສ່ຄວາມອາດສາມາດດ້ານທຶນຮອນ ແລະ ເຫັນ ໄດ້ຈາກຄວາມຮຽກຮ້ອງຕ້ອງການດ້ານການ ສຶກສາຂອງສັງຄົມເຊິ່ງໃນໄລຍະຜ່ານມາ ເຫັນວ່າບັນຍາກາດການສຶກສາຢູ່ພາຍໃນປະເທດເຮົາແມ່ນມີຄວາມ ຟົດຟື້ນຫລາຍ ສົມຄວນໄວໜຸ່ມສ່ວນຫລາຍແມ່ນມີຄວາມຕື່ນຕົວຊອກຫາຮ່ຳຮຽນເພື່ອສະແຫວງຫາຄວາມຮູ້ຢ່າງເປັນຂະບວນເພື່ອ ພັດທະ ນາຕົນເອງໃຫ້ ເປັນຄົນດີມີ ຄວາມສາມາດ ເພື່ອ ປະກອບສ່ວນເຂົ້າໃນການ ພັດທະ ນາຂອງສັງຄົມ.ແຕ່ແນວ ໃດ ກໍ ຕາມ ອີກດ້ານໜຶ່ງກໍຕ້ອງຍອມຮັບ ແລະ ຮັບຮູ້ນຳກັນວ່າລະບົບການ ສຶກສາຢູ່ປະເທດພວກເຮົາຍັງຕ່ຳ ຢູ່ເມື່ອທຽບກັບຫລາຍປະ ເທດ ໃກ້ຄຽງ ເຖິງແມ່ນວ່າພາກລັດ ຫລື ພາກເອກກະຊົນ ຈະໄດ້ລົງ ທຶນ ເປັນຈຳນວນມະຫາສານ ແລະຄວາມພະຍາຍາມ ບຸກບືນພັດ ທະນາຫລັກສູດການຮຽນ-ການ ສອນທີ່ຂຶ້ນກັບຄວາມຮັບພິຊອບ ຂອງຕົນໃຫ້ທຽບທັນກັບສາກົນເທື່ອລະກ້າວ. ສະນັ້ນໃນນາມຜູ້ປະ ກອບການໂຮງຮຽນພາກເອກກະຊົນ​ແຫ່ງ​ໜຶ່ງຫວັງວ່າແຜນປະຕິຮູບການສຶກສາເທື່ອນີ້ຈະເປັນ ການກຳ ນົດຫລັກການທີ່ແນ່ນອນແລ້ວ ​ແລະ ກໍຄວນໃຫ້ມີການກຳນົດມາດຕະການບາງດ້ານທີ່ຈຳເປັນຊ່ວຍເຫລືອພາກເອກກະຊົນ​ໃນ​ການ​ປັບປຸງ​ໃຫ້​ຖືກຕ້ອງເພື່ອເປັນການຊຸກຍູ້ສົ່ງເສີມ ແລະ ພັດທະນາການຂະຫຍາຍຕົວໃນຂົງເຂດວຽກງານການສຶກສາຂອງ ລາວໃນອານາຄົດ.