ເພື່ອປະກອບສ່ວນເຂົ້າໃນ ການເຜີຍແຜ່ຂໍ້ມູນຂ່າວສານການເງິນໃຫ້ກວ້າງ ຂວາງໃນຂອບ
ເຂດທົ່ວປະເທດ ແລະ ໃຫ້ສັງຄົມໄດ້ຮັບຮູ້ກ່ຽວກັບການເຄື່ອນໄຫວວຽກງານຕ່າງໆຂອງຂັ້ນເທິງ,
ກະຊວງການເງິນຈຶ່ງໄດ້ ຈັດງົບປະມານ 290 ກວ່າ ລ້ານກີບເຂົ້າໃນການຈັດຊື້ ແລະ ຕິດຕັ້ງອຸປະກອນລາຍການຂ່າວໂທລພາບການເງິນ ຂຶ້ນແນ
ໃສ່ຮັບໃຊ້ຂະແໜງການທີ່ກ່ຽວຂ້ອງ.
ພິທີມອບ - ຮັບຫ້ອງອັດລາຍການໂທລະພາບກະຊວງການເງິນມີຂຶ້ນໃນ ຕອນເຊົ້າຂອງວັນທີ
15 ມີນາ 2013 ລະຫວ່າງ ທ່ານ ສີແພງ ພົນອາມາດ ຮອງ ຫົວໜ້າຫ້ອງການກະຊວງການ ເງິນ ກັບທ່ານ
ອະນຸສັກ ພົງປະສິດປະທານບໍລິສັດໄຟນໍໂປຣດັກຊັນພ້ອມຫົວໜ້າພະແນກ ຕ່າງໆຂອງກະຊວງເຂົ້າຮ່ວມ.
ທ່ານ ສີແພງ ພົນອາມາດ ຮອງຫົວໜ້າຫ້ອງການກະຊວງ ການເງິນກ່າວວ່າ:ຈຸດປະສົງຂອງການຕັ້ງຫ້ອງ
ອັດລາຍການຂ່າວໂທລະພາບແມ່ນແນໃສ່ໂຄສະນາເຜີຍແຜ່ຂໍ້ມູນຂ່າວສານຂອງຂະແໜງການເງິນທີ່ເຄື່ອນໄຫວຮັບ
ໃຊ້ໜ້າທີ່ການເມືອງຂອງພັກກໍຄືວຽກງານໃນຂະແໜງການຕ່າງໆຂອງກະຊວງສູ່ສັງຄົມຢ່າງກວ້າງຂວາງໃນທົ່ວປະ
ເທດເປັນຕົ້ນແມ່ນການຄຸ້ມຄອງ, ການຈັດຕັ້ງປະຕິບັດນິຕິກຳ ແລະ ລະບຽບກົດໝາຍຕ່າງໆເຊິ່ງໃນໄລຍະຜ່ານມາ
ການກະຈ່າຍຂໍ້ມູນຂ່າວສານແມ່ນມີພຽງໜັງສືພິມຢ່າງດຽວທີ່ພິມອາທິດລະເທື່ອແຕ່ການແຈກຢາຍຂໍ້ມູນຂ່າວສານ
ໃນຂົງເຂດການເງິນຍັງບໍ່ທັນທົ່ວເຖິງ ແລະ ທາງດ້ານເນື້ອໃນກໍຍັງບໍ່ທັນກວ້າງຂວາງ. ດັ່ງນັ້ນກະຊວງ
ຈຶ່ງໄດ້ສ້າງຫ້ອງ ອັດລາຍການໂທລະພາບນີ້ຂຶ້ນມາແຕ່ປັດຈຸບັນທາງໜ່ວຍງານຍັງຂາດເຂີນບຸກຄະລາກອນ,
ການຈັດຫາເນື້ອໃນເພື່ອ ຜະລິດລາຍການຂ່າວອອກໃຫ້ເປັນປົກກະຕິຕໍ່ເນື່ອງນັ້ນຕ້ອງໄດ້ໃຊ້ເວລາ
ແລະ ໄດ້ຮັບອະນຸຍາດຈາກຂັ້ນເທິງກ່ອນ ຈຶ່ງຈະເປີດລາຍການໂທລະພາບນີ້ຢ່າງເປັນທາງການເຊິ່ງຄາດວ່າລາຍການດັ່ງກ່າວຈະອອກສູ່ສັງຄົມໃນອະນາຄົດອັນມໍ່ໆນີ້.
ທ່ານ ອະນຸສັກ ພົງປະສິດ ປະທານບໍລິສັດໄຟນໍ ໂປຣດັກຊັນ
ກ່າວວ່າ: ພາຍຫຼັງໄດ້ລົງນາມເຊັນສັນຍາກັບ ຫ້ອງການກະຊວງການເງິນໃນວັນທີ 4 ຕຸລາ 2011 ເປັນຕົ້ນມາ,
ບໍລິສັດ ໄຟນໍ ໂປຣດັກຊັນ ໄດ້ຮີບຮ້ອນປະຕິ ບັດໃນການຈັດຊື້ວັດຖຸອຸປະກອນ ແລະ ຕິດຕັ້ງກໍ່ສ້າງຫ້ອງອັດລາຍການຕາມເງື່ອນໄຂຂອງສັນຍາເຊິ່ງປະກອບມີ
ການຊື້ກອງຖ່າຍທຳວີດີໂອ HD ຈຳນວນ ສອງໜ່ວຍພ້ອມຂາຕັ້ງ, ເຄື່ອງຄອມພິວເຕີຈຳນວນສອງຊຸດ, ໄມ
ລອຍສຳພາດຈຳນວນສອງຊຸດ, ຈໍໂມນີເຕິ LCD ຈຳນວນສອງຈໍ,
ໂຕະສຳລັບເປີດລາຍການ ແລະ ສຳພາດຈຳ ນວນ 1 ຊຸດ,
ດອກໄຟເຍືອງ LED ຈຳນວນ 4 ຊຸດ ແລະ ອຸປະກອນຕົກແຕ່ງໜ້າເວທີຈຳນວນໜຶ່ງລວມມູນຄ່າ
ທັງໝົດ 290 ກວ່າລ້ານກີບເຊິ່ງມາ ຮອດວັນທີ 3 ກັນຍາ 2012,ການ ຕິດຕັ້ງສຳເລັດ 100 % ແລະ
ໄດ້ເລີ່ມທົດ ລອງນຳໃຊ້ອຸປະກອນເຂົ້າໃນການຜະລິດຂ່າວສົ່ງໃຫ້ໂທລະພາບແຫ່ງຊາດ ໄດ້ຈຳນວນໜຶ່ງແລ້ວ
ແລະ ຄາດວ່າການ ມອບຮັບໃນຄັ້ງນີ້ຈະນຳໄປສູ່ການຜະລິດລາຍການຕ່າງໆຂອງກະຊວງສູ່ສັງຄົມໃນອະນາຄົດອັນໃກ້ນີ້.
No comments:
Post a Comment