ກອງປະຊຸມຕົວແທນ ບປລ ທົ່ວປະເທດ
ປະຈຳປີ 2013 ໄດ້ຈັດຂຶ້ນໃນວັນທີ 13 -14 ມິຖຸນານີ້ ຢູ່ ນະຄອນຫຼວງວຽງຈັນ
ໂດຍການເປັນປະທານຂອງທ່ານ ກິ ອາໂປວີ ແລະ ທ່ານ ຫໍລະດີ ວໍລະຣາດ ຄະ ນະອຳນວຍການ
ບໍລິສັດ ອາລິອັນ ປະກັນໄພລາວ ໂດຍມີຕົວແທນພະນັກງານ ບປລ
ຈາກທົ່ວປະເທດເຂົ້າຮ່ວມ. ເພື່ອສະຫຼຸບຕີລາຄາຜົນງານຕ່າງໆ
ທີ່ບັນດາຕົວແທນບໍລິສັດປະກັນໄພແຫ່ງປະເທດລາວສ້າງໄດ້ໃນປີຜ່ານມາ ແລະ
ເພື່ອຖອດຖອນບົດຮຽນດັ່ງກ່າວລະຫວ່າງພະນັກງານວິຊາ ການ ແລະ
ຕົວແທນກ່ຽວກັບຂໍ້ສະດວກ ແລະ ຂໍ້ຫຍຸ້ງຍາກໃນຂອດການປະຕິບັດງານ ແລະ
ການບໍລິການປະກັນໄພໃນໄລຍະຜ່ານມາ
ເພື່ອປັບປຸງຂອດບໍລິການຂອງທຸລະກິດປະກັນໄພໃຫ້ມີການພັດທະນາດີຂຶ້ນຢ່າງຕັ້ງໜ້າ.
ພ້ອມນັ້ນຄະນະອຳນວຍການກໍໄດ້ແຈ້ງຜົນໄດ້ຮັບໃນໄຕມາດທີ 1 ຂອງປີ 2013
ພອ້ມດວ້ຍຍຸດທະສາດ ແລະ ໂຄງການຕ່າງໆ
ເພື່ອຊ່ວຍໃຫ້ຕົວແທນບັນລຸເປົ້າໝາຍຂາຍໃນທ້າຍປີ 2013 ນີ້ທີ່ໄດ້ວາງໄວ້.
ກອງປະຊຸມສຳມະນາຄັ້ງ
ນີ້ຍັງໄດ້ມອບລາງວັນຄອມພີວເຕີ 6 ໜ່ວຍ ໃຫ້ແກ່ຕົວແທນ 6
ທ່ານທີ່ມີຕົວເລກການຂາຍຂະຫຍາຍຕົວ ຫຼາຍທີ່ສຸດ ປະຈຳປີ 2012
ພ້ອມມອບລາງວັນການທ່ອງທ່ຽວປະ ຈຳປີສຳລັບຕົວແທນທີ່ບັນລຸເປົ້າ ໝາຍຂາຍໃນປີ
2012 ຈຳນວນ 26 ທ່ານເພື່ອໄປທ່ຽວປະເທດ ຮ່ອງກົງ ອີກດ້ວຍ
ທ່ານ ຫໍລະດີ ວໍລະຣາດ ຄະ ນະອຳນວຍການ
ບໍລິສັດ ອາລິອັນ ປະກັນໄພລາວ ໃຫ້ຮູ້ວ່າ: ບໍລິສັດ ອາລີອັນ ປະກັນໄພລາວ
ແມ່ນກຸ່ມບໍລິສັດປະກັນໄພແຫ່ງທຳອິດໃນລາວ ທີ່ໃຫ້ບໍລິການປະກັນໄພທຸກຊະ ນິດເພື່ອສາມາດຕອບສະໜອງ
ຄວາມຕ້ອງການຂອງລູກຄ້າ ແລະ ສັງຄົມ, ມີຕົວແທນຈຳໜ່າຍໃນທົ່ວປະເທດຫຼາຍກ່ວາ
100 ຕົວແທນ ແລະ ເປັນບໍລິສັດຮ່ວມທຶນລະຫວ່າງກະຊວງການເງິນ ຖືຮຸ້ນ 49% ແລະ
ກຸ່ມບໍລິສັດ ອາລິອັນ
ເຊິ່ງເປັນກຸ່ມບໍລິສັດທີ່ໃຫ້ການປະກັນໄພລະດັບໂລກຖືຮຸ້ນ 51%.
No comments:
Post a Comment