ພິທີມອບໃບປະກາສະນິຍະບັດໃຫ້ຜູ້ຈົບຊັ້ນ ປ.5 ທົ່ວເມືອງ ຈັນທະບູລີ ນະຄອນຫຼວງວຽງຈັນ
ໄດ້ມີຂຶ້ນໃນຕອນເຊົ້າຂອງວັນທີ 19 ມິຖຸນານີ້ ທີ່ສະຖາບັນການເມືອງ - ການປົກ
ຄອງບ້ານ ໜອງບົວທອງ ເມືອງຈັນທະບູລີ ນະຄອນຫຼວງວຽງຈັນ
ເປັນກຽດເຂົ້າຮ່ວມຂອງທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະ ກິ
ລານະຄອນຫຼວງວຽງຈັນ,ມີທ່ານ ນາງ ຟອງມະນີ ປະທຸມວັນ ຫົວ ໜ້າຫ້ອງການສຶກສາທິການ
ແລະ ກິລາ ເມືອງຈັນທະບູລີ, ພ້ອມດ້ວຍຄູ ຈາກໂຮງຮຽນປະ ຖົມສົມບູນທົ່ວເມືອງຈັນທະບູລີ,
ຕະຫຼອດຮອດພໍ່ແມ່ຜູ້ປົກຄອງນັກຮຽນເຂົ້າຮ່ວມ.
ຫົວໜ້າຫ້ອງການສຶກສາທິການ ແລະ
ກິລາເມືອງ ຈັນທະບູລີ ໄດ້ກ່າວຕໍ່ພິທີວ່າ: ການຈັດ
ຕັ້ງສອບເສັງຈົບຊັ້ນປະຖົມສຶກ ສາປີທີ 5 ປະຈຳສົກຮຽນປີ 2012 - 2013
ນັບທັງພາກລັດ ແລະ ເອກະຊົນໃນທົ່ວເມືອງ ໄດ້ມີຂຶ້ນໃນວັນທີ 28 - 29
ພຶດສະພາ 2013 ຜ່ານມາ ມີໂຮງຮຽນປະຖົມທັງໝົດ 40 ແຫ່ງ, ພາກລັດ 22 ແຫ່ງ ແລະ
ເອກະຊົນ 18 ແຫ່ງ, ໃນນັ້ນ ມີໂຮງຮຽນປະຖົມສົມບູນ 38 ແຫ່ງ,
ໂຮງຮຽນມູນລະປະຖົມ 2 ແຫ່ງ (ພາກລັດໂຮງຮຽນປະຖົມທົ່ງສ້າງນາງ ແລະ ພາກເອກະຊົນ
ໂຮງຮຽນປະຖົມ ພານາລັກ). ສຳລັບການກະກຽມສອບເສັງຈົບຊັ້ນປະຖົມປີທີ 5 ສົກຮຽນ
2012 - 2013 ນີ້ ໄດ້ເລີ່ມມາແຕ່ທ້າຍ
ພາກຮຽນທີ 2 ເປັນຕົ້ນມາ
ໂດຍໄດ້ສົມທົບກັບຜູ້ບໍລິຫານການສຶກສາເມືອງ ເພື່ອເກັບກຳຂໍ້ມູນນັກ ຮຽນ
ແລະ ຄູສອນທົ່ວເມືອງ, ກະກຽມທຸກເງື່ອນໄຂໃຫ້ແກ່ການຈັດຕັ້ງການສອບເສັງຈົບຊັ້ນ
ລວມທັງອາຄານສະຖານທີ່,ສູນສອບເສັງໃຫ້ແທດເໝາະກັບສະພາບ ແລະ ຈຳນວນນັກຮຽນ,
ແຕ່ງຕັ້ງຄະນະກຳມະ ການຮັບຜິດຊອບແຕ່ລະພາກ ສ່ວນ, ຈັດສັນງົບປະມານ, ສັບ
ຊ້ອນນັກສອບເສັງ ແລະ ວັດຖຸອຸປະກອນຮັບໃຊ້ເຂົ້າໃນການສອບເສັງ
ເຊິ່ງມີຈຳນວນນັກ ຮຽນຊັ້ນປະຖົມປີທີ 5 ທີ່ໄດ້ຮັບໃບປະກາສະນິຍະບັດທັງໝົດ
1.436 ຄົນ ຍິງ 722 ຄົນ, ຈາກໂຮງຮຽນປະຖົມ 38 ແຫ່ງ ທັງພາກລັດ ແລະ
ເອກະຊົນໃນນະ ຄອນຫຼວງວຽງຈັນ. ໃນນັ້ນ ຜູ້ທີ່ສອບໄດ້ອັນດັບ 1 ໄດ້ 39
ຄະແນນເຖິງ 39 ມີທັງໝົດ 5 ຄົນ, ຍິງ 2 ຄົນ, ອັນດັບ 2 ໄດ້ 38 ຄະແນນ ມີ 2 ຄົນ ແລະ ອັນດັບ 3 ໄດ້ 37 ຄະແນນ ມີ 6
ຄົນ, ຍິງ 3 ຄົນ.
ນອກຈາກມອບໃບປະກາ
ສະນີຍະບັດຈົບຊັ້ນປະຖົມແລ້ວ ໃນພິທີດັ່ງກ່າວ ຍັງໄດ້ມອບໃບຍ້ອງ ຍໍໃຫ້ພໍ່ແມ່ຜູ້ປົກຄອງນັກ
ຮຽນປະຖົມທີ່ໄດ້ຮັບປະເພດ 1 - 5 ມີທັງໝົດ 48 ຄົນ, ຍ້ອງຍໍຄູສອນຊັ້ນປະ ຖົມປີທີ
5, ໂຮງຮຽນປະຖົມດີເດັ່ນມີນັກຮຽນເກັ່ງເສັງໄດ້ຮອບດ້ານ,
ຜູ້ອຳນວຍການດີເດັ່ນ, ນັກຮຽນ ປ.5 ທີ່ດີເດັ່ນເສັງໄດ້ຄະແນນ 7
ຂຶ້ນໄປທຸກວິຊາອີກຈຳນວນໜຶ່ງ ແລະ ຜ່ານການສະ ຫຼຸບການສອບເສັງຈົບຊັ້ນດັ່ງ
ກ່າວສະແດງໃຫ້ເຫັນວ່າ:ຜູ້ບໍລິ
ຫານການສຶກສາທົ່ວເມືອງກໍຄືອຳນາດການປົກຄອງບ້ານ, ຄະ ນະພັດທະນາການສຶກສາ
ຂັ້ນບ້ານ, ສະມາຄົມພໍ່ແມ່ຜູ້ປົກ ຄອງນັກຮຽນໄດ້ມີຄວາມສາ ມັກຄີ ແລະ ເອົາໃຈໃສ່ຕໍ່ການສຶກສາອົບຮົມ
ແລະ ສິດສອນນັກ ຮຽນເປັນຢ່າງດີ, ປະກອບສ່ວນຊຸກຍູ້ທາງດ້ານວັດຖຸ ແລະ ທຶນ
ຮອນຢ່າງຫຼວງຫຼາຍ ເພື່ອຮັບໃຊ້ເຂົ້າໃນວຽກງານການສອບເສັງຄັ້ງນີ້
ເປັນໄປຕາມແຜນການທີ່ຄາດໄວ້. ຜູ້ອຳນວຍການໂຮງ ຮຽນ, ຄູ, ອາຈານ ແລະ
ນັກຮຽນທຸກຄົນໄດ້ເອົາໃຈໃສ່ກະກຽມຄວາມພ້ອມເຂົ້າໃນການສອບເສັງເປັນຢ່າງດີ,
ຄູ, ອາຈານທຸກຄົນໄດ້ຕັ້ງໜ້າເອົາໃຈໃສ່ເຂົ້າໃນການສິດສອນ ແລະ ສຶກ ສາອົບ
ຮົມເຍົາວະຊົນຢ່າງເປັນປົກກະຕິສະແດງອອກກິລິຍາ, ມາລະຍາດ ແລະ ຄວາມຮູ້,
ຄວາມສາມາດໂດຍຜ່ານການສອບເສັງ.
ແຕ່ກໍຍັງມີຂໍ້ບົກພ່ອງບາງປະການທີ່ຕ້ອງໄດ້ສືບຕໍ່ປັບປຸງ ແລະ
ແກ້ໄຂໃນຕໍ່ໜ້າເປັນຕົ້ນ: ບາງໂຮງຮຽນການສົ່ງລາຍຊື່ຄູ ແລະ
ນັກຮຽນໃຫ້ຫ້ອງການສຶກ ສາ ແລະ ກິລາເມືອງຊັກຊ້າ ແລະ
ບໍ່ທັນຕາມເວລາກຳນົດໄວ້, ຄຸນນະພາບການຮຽນ,
ການສອນຍັງບໍ່ທັນໄດ້ດີເທົ່າທີ່ຄວນສະແດງອອກຜົນຂອງການສອບເສັງບາງຄົນຍັງໄດ້ຄະແນນຕ່ຳ,
ກຳມະການກວດບົດບາງຄົນຍັງບໍ່ທັນມີຄວາມລະອຽດພໍຈຶ່ງຕ້ອງໄດ້ກວດຄືນໃໝ່
ແລະ ການໄລ່ຄະແນນກໍບໍ່ມີຄວາມຈະແຈ້ງ.
No comments:
Post a Comment