ລາວໄດ້ຮັບກຽດເປັນເຈົ້າພາບກອງປະຊຸມອີໂຕບ (EATOF) ຄັ້ງທີ 13

          ຫລາຍທ່ານອາດຈະບໍ່ທັນ ຄຸ້ນເຄີຍຫຼືຮູ້ຈັກອົງການອີໂຕບ (EATOF) ເຊິ່ງອົງການນີ້ມີຊື່ ເຕັມ ແມ່ນເວທີປຶກສາຫາລືດ້ານ ທ່ອງທ່ຽວຂອງ ບັນດາປະຊາຊາດໃນອາຊີຕາເວັນອອກ(East Asia Inter-Regional-Torum).      

        ອົງການອີໂຕບນີ້ໄດ້ມີການ ເຕີບໃຫຍ່ຂະຫຍາຍຕົວຂຶ້ນຢູ່ ທ່າມກາງອິດທິພົນໃນຂົງເຂດ ພາກພື້ນ ຂອງອົງການຈັດຕັ້ງການທ່ອງທ່ຽວ ຢູ່ໃນອາ ຊີຕາເວັນອອກສ່ຽງໃຕ້ນັບແຕ່ປີ 2007 ເປັນ ຕົ້ນມາເຊິ່ງຈຸດ ເລີ່ມຕົ້ນແມ່ນຢູ່ແຂວງກັງວອນ ສ.ເກົາຫຼີໃຕ້ ແລະ ມາຮອດປັດຈຸບັນນີ້ ມີ 12 ປະເທດ ໄດ້ເຂົ້າເປັນສະ ມາຊິກດັ່ງກ່າວຄື ປະເທດຟີລິບປິນ (ແຂວງຊີບູ): ໄທ (ຊຽງໃໝ່), ຈີນ (ຈີ່ລິນ), ສປປ.ລາວ (ຫລວງພະ ບາງ), ລັດເຊຍ (ພຼີມໍສະກີ), ຫວຽດນາມ (ກວາງນິ່ງ), ມາເລ ເຊຍ (ຊະລາວັກ), ກຳປູເຈຍ (ສຽມລຽບ), ຍີ່ປຸ່ນ (ໂຕດໂຕລີ), ມົງໂກລີ (ຕູວີ) ແລະ ອິນໂດເນ ເຊຍ (ແຂວງໂຢ ກີຢາກາຕາ). ຈຸດປະສົງໃນການຈັດຕັ້ງ ອົງການນີ້ຂຶ້ນມາກໍເພື່ອເລັ່ງໃສປຶກສາຫາລືແລກປ່ຽນບົດຮຽນ ແລະ ສົ່ງເສີມ ວຽກງານທ່ອງທ່ຽວລະຫວ່າງ ປະເທດສະມາຊິກດ້ວຍກັນ. ດ້ວຍເຫດນີ້ຈິ່ງເຮັດໃຫ້ວຽກງານທ່ອງທ່ຽວຂອງແຕ່ລະປະເທດສະມາຊິກ ໄດ້ຮັບການພັດທະນາຂຶ້ນເປັນກ້າວໆ. ສຳລັບປະເທດເຮົາໄດ້ ເລືອກເອົາແຂວງຫລວງພະບາງເມືອງມໍລະ ດົກໂລກແຫ່ງທຳອິດ ເຂົ້າເປັນສະມາຊີກຂອງອົງການນນີ້ໃນປີ 2009. ແຕ່ລະປີ,

ບັນ ດາປະເທດສະມາ ຊິກກໍໄດ້ຜັດປ່ຽນກັນເປັນເຈົ້າພາບຈັດກອງ ປະຊຸມເພື່ອປຶກສາຫາລືຊອກຊ່ອງທາງໃນການພັດທະນາທາງດ້ານການທ່ອງທ່ຽວ, ເຊິ່ງປີ ຜ່ານມາ, ປະເທດກຳປູເຈຍເປັນ ເຈົ້າພາບເຊິ່ງເປັນຄັ້ງທີ 12 ​ໂດຍ ໄດ້ມີມະຕິ ຕົກລົງກັນພັດທະນາການທ່ອງທ່ຽວໃຫ້ເປັນ “ສີຂຽວ” ສ້າງລະ ບຽບການສະເພາະກ່ຽວກັບເງິນກອງທຶນ ຊ່ວຍເຫລືອປະເທດທີ່ໄດ້ຮັບເຄາະຮ້າຍທີ່ອາດເກີດຂຶ້ນຈາກໄພທຳມະຊາດ, ໄພ ພິບັດ ແລະ ອື່ນໆ. ມາ ຮອດປີ 2013 ນີ້, ປະເທດລາວເຮົາຈະໄດ້ຮັບກຽດເປັນເຈົ້າພາບຈັດກອງ ປະຊຸມດັ່ງກ່າວຄັ້ງທີ 13 ໃນ ເດືອນຕຸລານີ້ ເຊິ່ງກອງປະຊຸມຈະ ຈັດຂຶ້ນຢູ່ແຂວງຫລວງພະບາງ.