ສະພາບນ້ຳຖ້ວມຢູ່ເມືອງບໍລິຄັນຫລຸດລົງສູ່ພາວະປົກກະຕິແລ້ວ

     ພາຍຫລັງເກີດເຫດນ້ຳໄປ ໄຫລເຂົ້າຖ້ວມເທສະບານເມືອງບໍ ລິຄັນ ແຂວງບໍລິຄຳໄຊ ຢ່າງກະທັນຫັນ ໃນວັນທີ 23 ມິຖຸນາຜ່ານມາໄດ້ເຮັດໃຫ້ ປະຊາຊົນຫລາຍບ້ານຢູ່ເມືອງດັ່ງກ່າວຕ້ອງພາກັນ ຂົນຍ້າຍສິ່ງຂອງໄປໄວ້ເຂດທີ່ສູງ. ນອກຈາກນີ້ ຍັງເຮັດໃຫ້ລະບົບໄຟ ຟ້າ, ນ້ຳປະປາ, ເສັ້ນທາງຈຳນວນ ໜຶ່ງເສຍຫາຍ ແລະ ມາຮອດປັດຈຸບັນ ອຳນາດການປົກຄອງ ເມືອງ ດັ່ງກ່າວພວມລົງກວດກາ ຕີລາຄາຜົນເສຍຫາຍຈາກສະພາບນ້ຳຖ້ວມເທື່ອນີ້.

    ທ່ານ ຂັນແກ້ວ ສອນສັກສິດ ຮອງເຈົ້າເມືອງບໍລິຄັນ ໄດ້ໃຫ້ສຳ ພາດຕໍ່ນັກຂ່າວໜັງສືພິມລາວພັດ ທະນາຜ່ານໂທລະສັບ ໃນວັນທີ 1 ກໍລະກົດນີ້ວ່າ: ມາຮອດປັດຈຸບັນ ສະພາບນ້ຳຖ້ວມຢູ່ເຂດເມືອງດັ່ງ ກ່າວໄດ້ກັບຄືນສູ່ສະພາບປົກກະຕິ ແລ້ວ ເຊິ່ງ ປະຊາຊົນທີ່ປະສົບໄພ ແຕ່ລະຄອບຄົວກໍໄດ້ຈັດສັນ ແລະ ອະນາໄມເຮືອນຊານຂອງໃຜລາວໃຫ້ມີຄວາມສະອາດ. ນອກຈາກ ນີ້ ການຕີລາຄາຄວາມເສຍ ຫາຍຍັງລໍຖ້າໃຫ້ກຸ່ມບ້ານທີ່ຖືກ ຜົນກະທົບຕີລາຄາ ຂຶ້ນມາຫາເມືອງເພື່ອຈະໄດ້ມີການວາງແຜນ ຊ່ວຍເຫລືອຜູ້ທີ່ກະທົບຈາກ ນ້ຳຖ້ວມເທື່ອນີ້. ແນວໃດກໍຕາມ ຮອງເຈົ້າເມືອງບໍລິຄັນ ກ່າວວ່າ: ມາຮອດປັດ ຈຸບັນທາງອຳນາດການປົກຄອງເມືອງສຸມໃສ່ການຟື້ນຟູ, ສ້ອມແປງພື້ນຖານໂຄງລ່າງທີ່ເສຍຫາຍເພື່ອໃຫ້ສາມາດ ນຳໃຊ້ໄດ້ຢ່າງເປັນປົກກະຕິ ແລະ ຍັງບໍ່ມີ ພາກລັດ ຫລື ເອກະຊົນໃດມາໃຫ້ການຊ່ວຍເຫລືອແຕ່ຢ່າງໃດ.