ແຂວນຄໍຕາຍອີກແລ້ວ ຢູ່ບ້ານຫນອງແຕ່ງເມືອງສີໂຄດຕະບອງ

ພາບປະກອບຈາກອິນເຕີເນັດ

              ເຈົ້າໜ້າທີ່​ພະ​ແນ​ກສືບສວນ-ສອບ​ສວນນະຄອນຫຼວງວຽງຈັນ ໃຫ້​ຮູ້​ວ່າ: ​ໃນເວລາ 7 ໂມງ ຂອງ​ວັນ​ທີ 22 ກັນຍາ ນີ້ ໄດ້​ຮັບ​ລາຍ​ງານ​ຈາກ ປກສ ​ເມືອງ ສີ​ໂຄດ​ຕ​ະບອງ ນະຄອນຫຼວງວຽງຈັນວ່າ: ມີ​ຄົນແຂນ​ຄໍ​ຕາຍ​ ຢູ່​ບ້ານໜອງ​ແຕ່ງ​ເໜືອ ​ເມືອງສີ​ໂຄດ​ຕະບອງ ນະຄອນຫຼວງວຽງຈັນ. ດັ່ງນັ້ນທາງ​ກອງ​ຕຳຫຼວດນິຕິ​ວິທະຍາ ສົມທົບ​ກອງ​ສອບ​ສວນ ແລະ ​ແພດນິຕິ​ເວດໂຮງໝໍ 05 ເມສາ ກະຊວງປ້ອງ​ກັນຄວາມ​ສະຫງົບ ​ໄດ້​ພ້ອມ​ກັນ​ລົງ​ກວດກາ​ສະຖານ​ທີ່​ເກີດ​ເຫດເຊິ່ງ​ຢູ່​ກົກ​ວິກ​ແຄມ​ທາງ ຫຼັງກອງ​ບັນຊາ​ການທະຫານ ນະຄອນຫຼວງວຽງຈັນ, ຜູ້​ຕາຍ​ຊື່ວ່າ: ທ້າວ ຄຳຫຼ້າ ອາຍຸ 23 ປີ ອາຊີບ​ພະນັກງານ ຢູ່​ບ້ານໜອງ​ແຕ່ງ​ເໜືອ ​ເມືອງສີ​ໂຄດ​ຕະບອງ ນະຄອນຫຼວງວຽງຈັນ. ຜູ້ກ່ຽວ​​ໄດ້​ໃຊ້​ເຊືອກ​ນິລົງ​ແຂວນ​ຄໍ​ຕົນ​ເອງກັບ​ຕົ້ນ​ໄມ້​ດັ່ງກ່າວ, ສ່ວນ​ສາ​ເຫດການ​ແຂວນ​ຄໍ​ຕາຍໃນ​ຄັ້ງນີ້, ເຈົ້າໜ້າທີ່​ຍັງ​ຢູ່​ໃນ​ຂັ້ນຕອນ​ສືບ​ສວນ-ສອບສວນ.