ບໍລິສັດ ອີຊູຊຸລາວ ບໍລິການ ຈຳກັດ ເປີດເຜີຍຕົວເລກຍອດຂາຍໃນປີ
2013 ເຊິ່ງສາມາດບັ ລຸໄດ້ເກີນແຜນທີ່ກຳນົດໄວ້ໂດຍທາງບໍລິສັດໄດ້ມີແຜນການຂະຫຍາຍ ຕະຫຼາດໃຫ້ກວ້າງໄປສູ່ຕ່າງແຂວງ
ເພື່ອເຮັດໃຫ້ບັນດາລູກຄ້າສາມາດເຂົ້າເຖິງການບໍລິ ການ ແລະ ການຈຳໜ່າຍລົດ ອີຊູຊຸ ທຸກຮຸ້ນໄດ້.
ທ່ານ ພອນສະຫວັນ ເພັດລຳພັນ ຜູ້ຈັດການຝ່າຍບໍລິການບໍລິສັດ
ອີຊູຊຸ ລາວ ບໍລິການຈຳກັດ ຕັ້ງຢູ່ນາເລົ່າ ເມືອງ ສີໂຄດຕະບອງ ນະຄອນຫຼວງວຽງຈັນ
ໄດ້ກ່າວໃນພິທີຈັບລາງວັນມອບໂຊກໃຫ້ລູກຄ້າໃນວັນທີ 4 ທັນວາ ວ່າ: ບໍລິສັດ ອີຊູຊຸ ລາວບໍລິການ ຈຳ
ກັດ, ໄດ້ມີການນຳເຂົ້າ ແລະ ເປັນ ຕົວແທນຈຳໜ່າຍລົດຍີ່ຫໍ້ອີຊູຊຸ, ໂດຍສະເພາະປະເພດລົດກະບະ
ແລະ ກົນຈັກໜັກ ເຊິ່ງເຫັນວ່າເປັນທີ່ນິຍົມຈາກສັງຄົມ, ເນື່ອງຈາກສະພາບເສດຖະກິດມີການຂະຫຍາຍຕົວ
ແລະ ອີ່ງໃສ່ຄວາມສະດວກສະບາຍເຮັດໃຫ້ຕະຫຼາດລົດໃຫຍ່ມີການຂະຫຍາຍຕົວ ແລະ
ມີການຊົມໃຊ້ເພີ່ມຂຶ້ນ, ໂດຍສະເພາະປະເພດລົດອີຊູຊຸດີແມັກທີ່ເຫັນວ່າຍອດຂາຍສູງກວ່າທຸກຮຸ້ນ
ແລະ ເພື່ອເປັນການຄືນກຳໄລໃຫ້ລູກຄ້າທາງບໍລິສັດໄດ້ຈັດໂປໂມຊັນພິເສດຊື້ລົດອີຊູຊຸລຸ້ນຮັບລາງວັນເຊິ່ງເລີ່ມແຕ່ເດືອນກໍລະກົດເປັນ
ຕົ້ນມາ ໄດ້ມີການຈັບລາງວັນລົດຈັກຢາມາຮາຟີໂນ້ ແລະ ໃນທ້າຍປີນີ້ຈະມີການຈັບລາງວັນໃຫຍ່ລົດອີຊູຊຸດີແມັກ
1 ຄັນ.
ທ່ານ ພອນສະຫວັນ ກ່າວວ່າ: ນອກຈາກການຈຳໜ່າຍລົດຍີ່ຫໍ້ອີຊູຊຸແລ້ວ
ທາງບໍລິສັດຍັງໄດ້ມີການບໍລິ ການຫຼັງການຂາຍແກ່ລູກຄ້າໂດຍສະເພາະການກວດເຊັກ
ແລະ ການສະໜອງອາໄຫຼ່ຍີ່ຫໍ້ອີຊູຊຸ ຈາກປະເທດຍີ່ປຸ່ນ, ທັງຍັງມີຕົວແທນຈຳໜ່າຍຈາກນະຄອນ
ຫຼວງ ແລະ ຕ່າງແຂວງເພື່ອອຳ ນວຍຄວາມສະດວກໃຫ້ຜູ້ມາໃຊ້ບໍລິການໄດ້ເປັນຢ່າງດີ.
ບໍລິສັດ ລາວອີຊູຊຸ ບໍລິການ ຈຳກັດ ໃຫ້ຮູ້ວ່າ:
ສຳລັບການຈັບລາງວັນມອບໂຊກໃຫ້ລູກຄ້າປະຈຳເດືອນພະຈິກ ຜູ້ທີ່ໄດ້ ຮັບລາງວັນລົດຈັກຢາມາຮາຟີໂນ
1 ຄັນ ຄື: ທ່ານ ຄຳພູວອນ ແກ້ວ ພິສິດ ຢູ່ບ້ານ ຈອມມະນີ ເມືອງ ໄຊເສດຖານະຄອນຫຼວງ ວຽງຈັນ
ເຊິ່ງພິທີມອບລາງວັນທາງບໍລິສັດຈະໄດ້ຈັດຂື້ນໃນໝໍ່ໆນີ້.
No comments:
Post a Comment