ພິທີມອບ-ຮັບ ແລະ ເປີດນຳໃຊ້ໂຄງການກໍ່ສ້າງສະຖາບັນເສດຖະກິດ-ການເງິນດົງຄຳຊ້າງ
ທີ່ນະຄອນຫລວງວຽງຈັນ ຂອງ ຂວັນຈາກລັດຖະບານຫວຽດ ນາມ ໄດ້ມີຂຶ້ນໃນວັນທີ 26 ມິຖຸ
ນາຜ່ານມານີ້ ທີ່ສະຖາບັນດັ່ງ ກ່າວ ໂດຍການໃຫ້ກຽດເຂົ້າ ຮ່ວມຂອງທ່ານ ສົມສະຫວາດ
ເລັ່ງສະຫວັດ ຮອງນາຍົກລັດ ຖະມົນຕີ, ຜູ້ຊີ້ນຳວຽກງານເສດ ຖະກິດແຫ່ງ ສປປ ລາວ. ພ້ອມນັ້ນ
ກໍມີທ່ານ ລຽນ ທິແກ້ວ ລັດ ຖະມົນຕີວ່າການກະຊວງການເງິນລາວ ແລະ ທ່ານ ດິງຕຽນຢຸງ
ລັດຖະມົນຕີວ່າການກະຊວງການເງິນ ສສ ຫວຽດນາມ.
ຜູ້ຮັບຜິດຊອບໂຄງການກໍ່ສ້າງດັ່ງກ່າວ ໃຫ້ຮູ້ວ່າ:
ສະຖາບັນແຫ່ງນີ້ມີເນື້ອທີ່ກວ້າງ 15 ເຮັກຕາ, ໄດ້ກໍ່ສ້າງກຸ່ມອາຄານຮຽນສູງ
3 ຊັ້ນທີ່ສາມາດບັນຈຸນັກຮຽນໄດ້ປະມານ 1.500 ຄົນ, ກຸ່ມອາຄານສູງ 3 ຊັ້ນ ສາມາດບັນຈຸນັກຮຽນໄດ້ປະມານ
600 ຄົນ, ມີສະໂມສອນໃຫຍ່. ພ້ອມນັ້ນ ຍັງມີຫ້ອງຮຽນສູງສອງຊັ້ນສຳລັບນັກຮຽນທົ່ວໄປ,
ຫ້ອງຮຽນ 2 ຫ້ອງສຳລັບຂະແໜງການ, ຫ້ອງສຳລັບປາຖະກະຖາບັນຈຸໄດ້ 150 ບ່ອນນັ່ງ, ກຸ່ມຫໍ
ສະໝຸດສູງສອງຊັ້ນ ສາມາດບັນ ຈຸໄດ້ເກືອບ 300 ບ່ອນນັ່ງ,
ກຸ່ມຫໍພັກສຳລັບພະນັກງານເຂົ້າຍົກລະດັບສູງສາມຊັ້ນ
ລວມມີ 29 ຫ້ອງນອນທີ່ສາມາດຮອງຮັບພະນັກງານອົບຮົມໄດ້ປະ ມານ 100 ຄົນ. ນອກນັ້ນ
ຍັງມີສິ່ງອຳ ນວຍຄວາມສະດວກອື່ນໆສຳລັບການສຶກສາຮ່ຳຮຽນໃນສະຖາບັນດັ່ງກ່າວ
ໂດຍແມ່ນບໍລິສັດຫຸ້ນສ່ວນກໍ່ສ້າງບໍລິການ ແລະ ການຄ້າ 68 ເປັນຜູ້ຮັບເໝົາກໍ່
ສ້າງ ໂດຍທຶນຊ່ວຍເຫລືອລ້າຈາກ ສສ ຫວຽດນາມ ເປັນໄລ ຍະສອງ.
ຕາງໜ້າໃຫ້ລັດຖະບານລາວ, ທ່ານ ລຽນ ທິແກ້ວ ໄດ້ຂຶ້ນກ່າວສະແດງຄວາມຂອບອົກຂອບໃຈຢ່າງເລິກເຊິ່ງຕໍ່ຂອງຂວັນອັນລ້ຳຄ່າດັ່ງກ່າວຂອງລັດຖະບານ
ແລະ ປະຊາຊົນຫວຽດນາມມອບໃຫ້ ແລະ ຝ່າຍລາວຈະອອກແຮງປົກປັກຮັກສາ ແລະ ນຳໃຊ້ໃຫ້ເກີດຜົນປະໂຫຍດສູງສຸດ
ຊ່ວຍໃຫ້ການພັດທະນາຂົງເຂດວຽກງານເສດຖະກິດ-ການເງິນລາວໃຫ້ນັບມື້ເຂັ້ມແຂງ
ແລະ ເຕີບໃຫຍ່ຂະຫຍາຍຕົວ, ປະກອບ ສ່ວນສຳຄັນເຂົ້າໃນການເພີ່ມພູນຄູນສ້າງມູນເຊື້ອຄວາມສາມັກຄີພິເສດ
ແລະ ການຮ່ວມມືຮອບ ດ້ານລະຫວ່າງສອງປະເທດ ລາວ-ຫວຽດນາມ ນັບມື້ແຕກດອກອອກຜົນງອກງາມຍິ່ງໆຂຶ້ນ.
No comments:
Post a Comment