ທ່ານ ສົມດີ ດວງດີ ລັດຖະ ມົນຕີວ່າການກະຊວງແຜນການ
ແລະ ການລົງທຶນ ໄດ້ລາຍງານການຈັດຕັ້ງປະຕິບັດແຜນພັດ ທະນາເສດຖະກິດ-ສັງຄົມ ໄລຍະ
6 ເດືອນຕົ້ນປີ ແລະ ແຜນວຽກ 6 ເດືອນທ້າຍສົກປີ 2013-2014 ຕໍ່ກອງປະຊຸມສະໄໝສາມັນເທື່ອທີ
7 ຂອງສະພາແຫ່ງຊາດ ຊຸດທີ VII ທີ່ໄຂຂຶ້ນໃນວັນທີ 7 ກໍລະ ກົດນີ້ວ່າ: ການຈັດຕັ້ງປະ ຕິບັດແຜນພັດທະ
ນາ ເສດຖະກິດ-ສັງ ຄົມຢູ່ປະເທດເຮົາໃນໄລຍະດັ່ງ ກ່າວມີທັງເງື່ອນໄຂສະດວກ ແລະ
ສິ່ງທ້າທາຍຫລາຍປະ ການ, ຂະນະດຽວກັນສະພາບຄວາມຫຍຸ້ງຍາກທາງດ້ານການເງິນ-ງົບປະມານຍັງບໍ່ສາມາດແກ້ໄຂໄດ້ຢ່າງຂາດຕົວ
ແລະ ຄາດຄະເນລວມຍອດມູນຄ່າຜະ ລິດຕະພັນພາຍໃນ (GDP) ສົກປີ 2013-2014 ຂະຫຍາຍຕົວສະເລ່ຍ
7,6%, ສາມາດສ້າງມູນຄ່າເພີ່ມໄດ້ປະມານ 91.587 ຕື້ກີບ, ສະເລ່ຍລາຍຮັບຂອງພົນລະເມືອງຜູ້ໜຶ່ງໄດ້ປະມານ
1.692 ໂດລາສະຫະລັດ ຫລື ປະມານ 13 ລ້ານກວ່າກີບຕໍ່ປີ ໃນນີ້ຂະແໜງກະສິກຳ-ປ່າໄມ້ເພີ່ມຂຶ້ນ
2,9% ກວມ 24,4%, ອຸດສາຫະກຳເພີ່ມຂຶ້ນ 8,7% ກວມ 28,4% ແລະ ບໍລິ ການເພີ່ມຂຶ້ນປະມານ
9,3% ກວມ
39,1% ຂອງ GDP, ສ່ວນການເກັບລາຍຮັບໃນ 6 ເດືອນຕົ້ນສົກປີນີ້ບັນລຸໄດ້
9.223 ຕື້ກວ່າກີບ ເທົ່າກັບ 36,58% ຂອງແຜນ ການປີວາງໄວ້, ອັດຕາເງິນເຟີ້ຢູ່ໃນລະດັບ
6,21%, ອັດຕາແລກ ປ່ຽນເຫັນວ່າເງິນກີບທຽບໃສ່ເງິນໂດລາສະຫະລັດອ່ອນຄ່າລົງ
1,66% ແລະ ທຽບໃສ່ເງິນບາດໄທແຂງຄ່າຂຶ້ນ 3,59%. ສຳລັບດ້ານການຄ້າມີມູນຄ່າການສົ່ງອອກປະມານ
1.620 ລ້ານໂດລາສະຫະລັດ ເທົ່າກັບ 74% ຂອງແຜນການປີ ສ່ວນໃຫຍ່ແມ່ນສົ່ງອອກພະລັງ
ງານໄຟຟ້າ, ແຮ່ທາດ, ຜະລິດຕະພັນຕັດຫຍິບ, ໄມ້ ແລະ ສິນຄ້າກະສິກຳອື່ນໆ, ສ່ວນການນຳເຂົ້າຄາດວ່າຈະບັນລຸປະ
ມານ 1.979 ລ້ານໂດລາສະຫະ ລັດ ເທົ່າກັບ 72% ຂອງແຜນ ການປີ ແລະ ຄາດວ່າຈະຂາດດຸນການຄ້າປະມານ
359 ລ້ານໂດລາສະຫະລັດ ເທົ່າກັບ 3,1% ຂອງ GDP.
No comments:
Post a Comment