ວັນທີ 7 ກໍລະກົດນີ້, ນະ ຄອນຫລວງວຽງຈັນ, ໄດ້ຈັດກອງປະຊຸມປຶກສາຫາລື
ເພື່ອຈັດການແຂ່ງຂັນການອອກແບບອາພອນລາວ 2014, ໂດຍການຮ່ວມມືລະຫວ່າງລາວແຟຊັນວີກ,
ສະຖານທູດຝຣັ່ງປະຈຳລາວ ແລະ ສະຖາບັນແຄມປັດ ສຝຣັ່ງປະຈຳລາວ.
ເພື່ອສືບຕໍ່ຜົນສຳເລັດຂອງ ລາວແຟຊັນວີກ
2014, ທີ່ໄດ້ຈັດຂຶ້ນໃນວັນທີ 5-7 ມີນາທີ່ຜ່ານມາ, ໂດຍມີເປົ້າໝາຍແນໃສ່ ສົ່ງເສີມການອອກແບບແຟຊັນຂອງລາວ,
ພ້ອມທັງແນໃສ່ຊຸກຍູ້ສົ່ງເສີມໃຫ້ໄວໜຸ່ມລາວຜູ້ທີ່ມີພອນສະຫວັນ ແລະ ຄວາມ ອາດສາມາດໃນການອອກແບບອາພອນ
ໄດ້ມີໂອກາດພັດທະນາຕົນເອງ ເພື່ອກ້າວເຂົ້າສູ່ເວທີສາກົນໃນອານະຄົດ. ດັ່ງນັ້ນ,
ລາວແຟຊັນວີກ ຈຶ່ງຈະໄດ້ຈັດການປະກວດການອອກແບບດັ່ງກ່າວປະຈຳປີ 2014 (Fashion
Design Contest) ເພື່ອຂັດເລືອເອົາຜູ້ຊະນະເລີດ
ແລະ ຜູ້ມີພອນສະຫວັນ ໃນການອອກແບບໄປສຶກສາດ້ານການອອກແບບອາພອນ (Fashion
Design), ທີ່ສະຖານບັນອອກແບບທີ່ມີຊື່ສຽງ ES MOD ຢູ່ມະຫານະຄອນປາຣີ, ປະເທດຝຣັ່ງ,
ເຊິ່ງຜູ້ຊະນະເລີດ. ໃນການແຂ່ງຂັນຈະໄດ້ຮັບທຶນການສຶກສາໂດຍການເຂົ້າຮ່ຳ ຮຽນດ້ານການອອກແບບອາ
ພອນເປັນເວລາ 6 ເດືອນ.
ສຳລັບງານຖະແຫລງຂ່າວປະກາດການເຂົ້າແຂ່ງຂັນດັ່ງ
ກ່າວຈະໄດ້ຈັດຂຶ້ນໃນຕອນບ່າຍຂອງວັນທີ 8 ກໍລະກົດນີ້ ຢູ່ນະ ຄອນຫລວງວຽງຈັນ. ເພື່ອໃຫ້ໄວໜຸ່ມລາວທົ່ວປະເທດໄດ້ຮັບຮູ້
ແລະ ມີໂອກາດເຂົ້າຮ່ວມແຂ່ງ ຂັນຊິງທຶນການສຶກສາດັ່ງກ່າວ.
No comments:
Post a Comment