ກະຊວງແຜນການ ແລະ ການລົງທຶນໃຫ້ຮູ້ວ່າ: ຕະຫຼອດ
ໄລຍະໜຶ່ງປີຜ່ານມາຂະແໜງ ການຂອງຕົນໄດ້ສຸມໃສ່ຈັດຕັ້ງ ປະຕິບັດໜ້າທີ່ວຽກງານທີ່ໄດ້ຮັບມອບໝາຍ
ແລະ ສາມາດຍາດ ແຍ່ງການລົງທຶນພາກເອກະຊົນ ທັງພາກໃນ ແລະ ຕ່າງປະ ເທດ ໄດ້ເຖິງ 48 ໂຄງການ,
ມູນຄ່າ 2.565 ຕື້ໂດລາ ແລະ ສາມາດລະ ດົມທຶນ ODA ໄດ້ຫຼາຍກວ່າ 777 ລ້ານໂດລາ ເທົ່າກັບ
100 % ຂອງແຜນການທີ່ວາງໄວ້, ຜົນສຳເລັດ ດັ່ງກ່າວແມ່ນໄດ້ມາ ຈາກຄວາມພະຍາຍາມ ແລະ ຄວາມຮັບຜິດ
ຊອບສູງຂອງພະ ນັກງານໄດ້ຮັບ, ແຕ່ຄຽງຄູ່ກັບ ຜົນສຳເລັດດັ່ງກ່າວ, ຍັງມີບາງ ຂໍ້ຄົງຄ້າງທີ່ຂະແໜງການຈະ
ຕ້ອງໄດ້ເອົາໃຈໃສ່ແກ້ໄຂເຊັ່ນ: ການຈຳກັດປະກົດການຫຍໍ້ທໍ້ໃນຂົງເຂດການລົງທຶນຂອງລັດ ແລະ ຕ່າງປະເທດບາງໂຄງ ການຍັງບໍ່ທັນປະ ຕິບັດຕາມລະບຽບກົດໝາຍຢ່າງເຂັ້ມງວດ,
ການບໍລິການດ້ານການລົງທຶນ ແລະ ການຮ່ວມມືບາງດ້ານ ຍັງຊັກຊ້າແກ່ຍາວ, ການກວດກາຢູ່ພາກສະໝາມກໍຍັງບໍ່ທັນ
ເຮັດໄດ້ດີເທົ່າທີ່ຄວນ, ພະນັກງານຈຳນວນໜຶ່ງຍັງຂາດຄວາມຮັບຜິດຊອບຕໍ່ໜ້າທີ່ວຽກງານຂອງຕົນ,
ແບບແຜນເຮັດວຽກ, ກົນໄກການປະສານງານລະຫວ່າງສູນກາງ ແລະ ທ້ອງຖິ່ນ ເຖິງວ່າຈະໄດ້ຮັບການ ປັບປຸງໃຫ້ດີຂຶ້ນແຕ່ກໍຍັງບໍ່ທັນຄ່ອງຕົວດີ
ເທົ່າທີ່ຄວນ ແລະ ການຫັນເປັນທັນສະໄໝກໍຍັງຊັກຊ້າ, ຊຶ່ງສິ່ງດັ່ງກ່າວແມ່ນຂະແໜງການທີ່ ກ່ຽວຂ້ອງຈະຕ້ອງໄດ້ສຸມໃສ່ປັບປຸງແກ້ໄຂເພື່ອເຮັດໃຫ້ວຽກງານເຕີບໃຫຍ່ຂະຫຍາຍໂຕສູງຂຶ້ນ.
No comments:
Post a Comment