ອຳນວຍການໂຮງໝໍແມ່ ແລະ ເດັກ ແຈ້ງໃຫ້ຮູ້ວ່າ:
ປັດຈຸບັນສະພາບຄົນເຈັບລົ້ນໂຮງໝໍແມ່ນມີຂຶ້ນເປັນປະຈຳເນື່ອງຈາກຄວາມຕ້ອງການຜູ້ມາໃຊ້ບໍລິການກໍນັບມື້ເພີ່ມຂຶ້ນ,
ໃນຂະນະທີ່ໂຮງໝໍແມ່ ແລະ ເດັກທີ່ພວກເຮົາມີຢູ່ພັດເປັນໂຮງໝໍຂະໜາດນ້ອຍ
ມີພຽງ 70 ຕຽງນອນຄົນເຈັບເທົ່ານັ້ນ ແລະ ກໍຕົກຢູ່ໃນສະພາບເກົ່າແກ່ຊຸດໂຊມ.
ຜູ້ອຳນວຍການ ໃຫ້ຮູ້ວ່າ: ປັດຈຸບັນ ໂດຍສະເລ່ຍມື້ໜຶ່ງມີແມ່ຍິງເຂົ້າມາກວດພະ ຍາດບໍ່ຕ່ຳກວ່າ
300 ຄົນ, ໃນນັ້ນມີຜູ້ມາເກີດລູກຢ່າງໜ້ອຍ 20 ຄົນຕໍ່ມື້ ແລະ ເຂົ້າ ມາປິ່ນປົວພະຍາດອື່ນໆຂອງແມ່
ແລະ ເດັກ ໂດຍສະເລ່ຍເດືອນໜຶ່ງຫລາຍກວ່າ 2.000 ເທື່ອຄົນ, ແຕ່ຕຽງນອນຄົນເຈັບພັດຈຳກັດ
ຈຶ່ງກໍ່ໃຫ້ເກີດສະພາບຄົນເຈັບລົ້ນໂຮງໝໍມີຫລາຍຂຶ້ນ, ໃນຂະນະທີ່ຄົນເຈັບຈຳນວນໜຶ່ງ
ທາງໂຮງໝໍແມ່ ແລະ ເດັກ ໄດ້ສົ່ງໄປໂຮງໝໍສູນກາງ ແລະ ບາງໂຮງໝໍອື່ນ, ແຕ່ຄົນເຈັບຈຳນວນໜຶ່ງບໍ່ຍອມ
ຮັບ ຈຶ່ງໄດ້ນອນໄປຕາມລະບຽງຂອງໂຮງໝໍ ເບິ່ງແລ້ວບໍ່ຄ່ອຍງາມຕາ. ແຕ່ເຖິງຢ່າງໃດ,
ທາງໂຮງໝໍກໄດ້ໃຫ້ການຮ່ວມມື ແລະ ຊ່ວຍເຫລືອເບິ່ງແຍງປິ່ນປົວໃຫ້ເຂົາເຈົ້າໄດ້ເປັນຢ່າງດີ.
ທ່ານ ຮສຈ. ດຣ. ບົວວັນ ແສງສະຖິດ ອຳນວຍການໂຮງ
ໝໍດັ່ງກ່າວ ເປີດເຜີຍວ່າ: ເພື່ອແກ້ໄຂສະພາບນີ້ໃນໄລຍະຍາວ ທາງໂຮງໝໍກໍຄືລັດຖະບານ
ໄດ້ລົງ ທຶນສ້າງໂຮງໝໍແມ່ ແລະ ເດັກຂຶ້ນຕື່ມອີກແຫ່ງໜຶ່ງ ເປັນໂຮງໝໍໃຫຍ່
ແລະ ທັນສະໄໝ ຄາດວ່າຈະເປີດບໍລິການໃນໄວໆນີ້ ເພື່ອສາມາດຮອງຮັບຄວາມຕ້ອງ
ການຂອງຜູ້ມາໃຊ້ບໍລິການໄດ້ພຽງພໍ ແລະ ສາມາດແກ້ໄຂສະ ພາບຄົນເຈັບລົ້ນໂຮງໝໍໃຫ້ຕົກໄປໂດຍໄວ.
ທ່ານ ຮສຈ. ດຣ. ບົວວັນ ແສນສະຖິດ ເປີດເຜີຍໃຫ້ຮູ້ອີກວ່າ:
ນອກຈາກການຮອງຮັບຜູ້ມາປະສູດລູກແລ້ວ, ໂຮງໝໍແຫ່ງນີ້ຍັງສາມາດຜ່າຕັດກ້ອນເບົ້າມົດລູກຢ່າງມີຜົນສຳເລັດ
ໂດຍສະເລ່ຍເດືອນໜຶ່ງຈະມີປະມານ 18 ກໍລະນີ ເຂົ້າມາຜ່າຕັດ ແລະ ກໍລະນີພິເສດສຸດໃນອາທິດຜ່ານມານີ້
ທີມງານແພດຂອງຕົນຍັງຊ່ວຍຜ່າຕັດກ້ອນເບົ້າລູກຂະໜາດໃຫຍ່ມີນ້ຳໜັກຫລາຍເຖິງ 2
ກິໂລກຣາມ ໄດ້ຮັບຜົນສຳເລັດເປັນກໍລະນີພິເສດ ໃຊ້ເວລາຜ່າຕັດດົນເຖິງ 4 ຊົ່ວໂມງ
ທຽບໃສ່ປົກກະຕິໃຊ້ເວລາພຽງ 1 ຊົ່ວໂມງເທົ່ານັ້ນ. ປັດຈຸບັນຍິງຄົນນັ້ນໄດ້ອອກໂຮງໝໍ
ແລະ ມີສຸຂະພາບແຂງແຮງດີ.
No comments:
Post a Comment