ກົມອຸຕຸນິຍົມ ແລະ ອຸທົກ ກະສາດ ໄດ້ແຈ້ງວ່າ:
ຮ່ອງ ຄວາມກົດດັນອາກາດຕ່ຳມີກຳ ລັງປານກາງຍັງສືບຕໍ່ປົກຄຸມຢູ່ ທົ່ວ ທຸກພາກຂອງປະເທດລາວ,
ສົມທົບກັບກະແສລົມຕາເວັນຕົກສ່ຽງໃຕ້ພັດປົກຄຸມ, ເຊິ່ງລັກສະ ນະເຊັ່ນນີ້ ຍັງຈະເຮັດໃຫ້ມີຝົນ
ຕົກຟ້າຄະນອງກະຈາຍໃນລະດັບຄ່ອຍຢູ່ທົ່ວໄປ ແລະ ຕົກປານ ກາງຢູ່ບາງທ້ອງຖິ່ນແຂວງພາກກາງຫາພາກໃຕ້ພ້ອມມີລົມພັດ
ແຮງເປັນບາງໂອກາດ. ສຳລັບ ສະພາບອາກາດນັບແຕ່ວັນທີ 1-3 ກໍລະກົດ2014, ຢູ່ຫລາຍແຂວງມີເມກປົກຄຸມເປັນບາງ ສ່ວນ
ແລະ ມີຝົນຟ້າຄະນອງໃນລະດັບຄ່ອຍຫາປານກາງ, ພ້ອມມີລົມພັດ ແຮງເປັນບາງໂອກາດ.
ນະຄອນຫລວງວຽງຈັນ ມີເມກປົກຄຸມເປັນບາງສ່ວນ,
ອາ ກາດຮ້ອນເລັກນ້ອຍໃນຕອນ ກາງເວັນ, ອຸນຫະພູມຕ່ຳສຸດ
24-25 ອົງສາ, ສູງສຸດ 34 ອົງ ສາ, ໃນວັນທີ 1 ກໍລະກົດ ຈະມີຝົນຕົກຟ້າຄະນອງເປັນບໍລິເວນ
ກວ້າງ, ໃນວັນທີ 2 ກໍລະກົດ ຈະມີຝົນຕົກໃນລະດັບຄ່ອຍປົກຄຸມເປັນສ່ວນຫລາຍ, ໃນວັນທີ
3 ກໍລະກົດ ຈະມີຝົນຟ້າຄະນອງ ຢູ່ທົ່ວໄປພ້ອມມີລົມພັດ ແຮງເປັນບາງໂອກາດ.
ແຂວງຊຽງຂວາງ ມີເມກປົກຄຸມເປັນບາງສ່ວນ, ອຸນຫະພູມ
ຕ່ຳສຸດ 19-21 ອົງສາ, ສູງສຸດ 27-29 ອົງສາ, ໃນວັນທີ 1 ກໍລະກົດ ຈະມີຝົກຕົກໃນລະດັບຄ່ອຍ
ກະຈາຍຢູ່ທົ່ວໄປ, ວັນທີ 2 ກໍລະ ກົດ ຈະມີຝົນຝອຍບາງພື້ນທີ່, ໃນ ວັນທີ 3 ກໍລະ ກົດ ຈະມີຝົນຕົກໃນລະດັບຄ່ອຍກະຈາຍທົ່ວບໍລິເວນ.
ແຂວງຫລວງນ້ຳທາອຸນຫະພູມ ຕ່ຳສຸດ 22-23 ອົງສາ, ສູງສຸດ
30-31 ອົງສາ, ໃນວັນທີ 1 ກໍລະ ກົດຈະມີຝົນຕົກຟ້າຄະນອງເປັນ ບໍລິເວນກວ້າງ, ໃນວັນທີ
2-3 ກໍລະກົດຈະມີຝົນຝອຍເປັນບາງສ່ວນ.
ແຂວງຫລວງພະບາງ ອາກາດຈະຮ້ອນເອົ້າເລັກນ້ອຍ,
ອຸນຫະພູມຕ່ຳສຸດ 24-25 ອົງສາ, ສູງສຸດ 33-34 ອົງສາ, ໃນວັນທີ 1 ກໍລະກົດຈະມີຝົນຕົກໃນລະດັບຄ່ອຍກະຈາຍຢູ່ທົ່ວໄປ,
ໃນວັນທີ 2-3 ກໍລະກົດຈະມີຝົນຝອຍຢູ່ບາງບໍລິເວນ.
ແຂວງສະຫວັນນະເຂດ ມີ ເມກປົກຄຸມເປັນບາງສ່ວນ,
ອຸນ ຫະພູມຕ່ຳສຸດ 24-25 ອົງສາ, ສູງສຸດ 31-32 ອົງສາ, ໃນວັນທີ 1 ກໍລະກົດຈະມີຝົນຕົກຟ້າຄະນອງ
ເກືອບທົ່ວໄປ ແລະ ຕົກປານກາງ ຢູ່ບາງທ້ອງຖິ່ນພ້ອມມີລົມພັດ ແຮງເປັນບາງໂອ ກາດ, ໃນວັນທີ
2-3 ກໍລະກົດຈະມີຝົນຕົກໃນລະດັບຄ່ອຍຢູ່ບາງພື້ນທີ່.
ແຂວງຈຳປາສັກ ຈະມີເມກປົກຄຸມເປັນສ່ວນຫລາຍ,
ອຸນຫະ ພູມຕ່ຳສຸດ 24-25 ອົງສາ, ສູງສຸດ 28-29 ອົງສາ, ໃນວັນທີ 1 ກໍລະ ກົດຈະມີຝົນຕົກຟ້າຄະນອງທົ່ວ
ໄປ ແລະ ມີລົມພັດແຮງເປັນບາງ ໂອກາດ, ໃນວັນທີ 2-3 ກໍລະກົດ ຈະມີຝົນຕົກໃນລະດັບຄ່ອຍກະ
ຈາຍທົ່ວບໍລິເວນ.
No comments:
Post a Comment