ເຈົ້າໜ້າທີ່ຕຳຫລວດຈະລາ ຈອນເມືອງຍົມມະລາດ
ແຂວງຄຳມ່ວນ ໃຫ້ຮູ້ວ່າ: ໃນເວລາປະ ມານ 13:00 ໂມງ ຂອງວັນທີ 30 ມິຖຸນາ
2014 ໄດ້ເກີດອຸປະຕິເຫດລົດບັນທຸກໝາກໄມ້ ໝາຍເລກທະບຽນ 70-0960 ມຸກດາຫານ ເຊິ່ງແມ່ນທ້າວ
ກຽງໄກ ອາຍຸ 60 ປີ ຢູ່ປະເທດໄທ ເປັນຄົນຂັບລົດ ດັ່ງກ່າວ ຕຳກັບລົດກະບະຮຸນໄດ
ໝາຍເລກທະບຽນ ກກ 2047 ຄຳມ່ວນ ຂັບໂດຍທ້າວ ດົ້ງ ອາຍຸ 42 ປີ ຢູ່ບ້ານໂພນຄຳ ເມືອງຍົມມະລາດ
ແຂວງຄຳມ່ວນ ຢ່າງຮຸນແຮງ ເຊິ່ງໄດ້ເຮັດໃຫ້ລົດທັງສອງພິກຂວ້ຳລົງຂ້າງທາງໃນເຂດບ້ານນາແດນ
ເມືອງຍົມມະລາດ, ແຕ່ໂຊກດີບໍ່ມີຜູ້ເສຍຊີວິດ ມີພຽງຄົນຂັບລົດທັງສອງຄັນໄດ້ຮັບບາດເຈັບເລັກໜ້ອຍ
ແລະ ໝາກໄມ້ໄດ້ຮັບຄວາມເສຍຫາຍເປັນມູນຄ່າຫລາຍຮ້ອຍລ້ານກີບ.
ເຈົ້າໜ້າທີ່ ໃຫ້ຮູ້ວ່າ: ສາເຫດຂອງການເກີດອຸປະຕິເຫດຄັ້ງນີ້ແມ່ນລົດບັນທຸກໝາກໄມ້ເສຍຫລັກ
ເພາະຈຸດເກີດເຫດເປັນເສັ້ນທາງໂຄ້ງຄ້ອຍ ແລະ ມີຝົນ ຕົກເຮັດໃຫ້ທາງໝື່ນຈຶ່ງເກີດອຸປະ
ຕິເຫດດັ່ງກ່າວ.
ຂ່າວໃຫ້ຮູ້ອີກວ່າ: ໃນເວລາ 23:30 ໂມງ ຂອງວັນທີ
30 ມິຖຸ ນາ 2014 ໄດ້ເກີດອຸປະຕິເຫດລົດກະບະຮຸນໄດ ໝາຍເລກທະບຽນ ກຄ 3226 ເສຍຫລັກເຈີດຕຳກຳແພງຢ່າງຮຸນແຮງໃນເຂດບ້ານດົງນາໂຊກໃຕ້
ເມືອງສີໂຄດຕະບອງ ນະຄອນ ຫລວງວຽງຈັນ ສົ່ງຜົນໃຫ້ຜູ້ຂັບລົດໄວກາງຄົນເສຍຊີວິດຄາທີ່.
No comments:
Post a Comment