ທ່ານອຳນວຍການທະນາຄານພັດທະນາອາຊີ (ADB) ປະຈຳລາວ ນາງ ສານດຣາ ນິໂຄ (Sandra Nicoll) ໄດ້ມີຄຳເຫັນໃນກອງປະຊຸມປຶກສາຫາລືກະກຽມຍຸດທະສາດຮ່ວມພັດທະນາກັບ
ສປປ ລາວ ໄລຍະໃໝ່ (2017-2021)
ທີ່ໄດ້ຈັດຂຶ້ນໃນວັນທີ 2 ມິຖຸນານີ້ວ່າ: ໃນໄລຍະດັ່ງກ່າວ ADB ຈະສຸມໃສ່ຍຸດທະສາດພັດທະນາການສ້າງງານ ແລະ ສ້າງລາຍໄດ້, ສົ່ງເສີມການພັດທະນາຊັບພະຍາກອນມະນຸດ, ການຄຸ້ມຄອງຊັບພະຍາກອນທຳມະຊາດໃຫ້ຍືນຍົງ ແລະ ຫລຸດຜ່ອນຜົນກະທົບຕໍ່ການປ່ຽນແປງຂອງສະພາບດິນຟ້າອາກາດ
ເຊິ່ງຍຸດທະສາດດັ່ງກ່າວຈະຖືກຮັບຮອງໂດຍອຳນວຍການກຸ່ມ ADB ໃນຕົ້ນປີ 2017 ນີ້ ແລະ
ໃຫ້ສອດຄ່ອງກັບແຜນພັດທະນາເສດຖະກິດ-ສັງຄົມແຫ່ງຊາດຄັ້ງທີ VIII ຂອງລັດຖະບານນຳດ້ວຍ.
ອຳນວຍການ ADB ປະຈຳລາວ ໃຫ້ຮູ້ອີກວ່າ: ນັບແຕ່ປີ 2012-2014,
ADB ໄດ້ໃຫ້ການຊ່ວຍເຫລືອລາວຫລາຍຂະແໜງການ ຄືການສຶກສາ, ກະສິກຳ, ຊັບພະຍາກອນທຳມະຊາດ
ແລະ ພັດທະນາຊົນນະບົດ,
ສະໜອງນ້ຳສະອາດ, ພັດທະນາລະບົບພື້ນຖານໂຄງລ່າງ ແລະ ອື່ນໆອີກ
ເພື່ອເປັນພື້ນຖານໃຫ້ແກ່ການຂະຫຍາຍຕົວທີ່ຍືນຍົງຢູ່ ສປປ ລາວ.
No comments:
Post a Comment