ພິທີສະເຫລີມສະຫລອງວັນສ້າງຕັ້ງໜັງສືພິມພາສາຕ່າງ ປະເທດ (ວຽງຈັນທາມ)
ຄົບ ຮອບ 19 ປີ (7/4/ 1994 - 7/ 4/2013) ໄດ້ຈັດຂຶ້ນໃນເຊົ້າວັນທີ 5 ເມສານີ້
ຢູ່ສຳນັກງານໜັງສືພິມດັ່ງກ່າວ ຢູ່ນະຄອນ ຫລວງວຽງຈັນ ພ້ອມກັບກອງປະ
ຊຸມປະສານຂ່າວປະຈຳອາ ທິດຂອງບັນດາພະນັກງານ
ນຳອົງການສື່ຕ່າງໆອ້ອມຂ້າງສູນກາງ ໂດຍການໃຫ້ກຽດເຂົ້າຮ່ວມ ແລະ
ພົບປະໂອ້ລົມຂອງທ່ານ ສະຫວັນຄອນ
ຣາຊມຸນຕຣີ ລັດຖະມົນ ຕີຊ່ວຍວ່າການກະຊວງຖະແຫລງ ຂ່າວ, ວັດທະນະທຳ ແລະ
ທ່ອງທ່ຽວ, ຜູ້ຊີ້ນຳຂົງເຂດວຽກງານຖະແຫລງ ຂ່າວຂອງກະຊວງດັ່ງກ່າວ.
ໃນພິທີເຊິ່ງໄດ້ດຳເນີນໄປຢ່າງມີຄວາມໝາຍ ແລະ ຄວາມສຳຄັນນັ້ນ, ທ່ານ
ທອງສະຫວັດ ຈັນສົມ ບັດ ຫົວໜ້າບັນນາທິການໜັງສື ພິມພາສາຕ່າງປະເທດ
ກໍໄດ້ລາຍງານເຖິງຜົນສຳເລັດຕ່າງໆແຫ່ງການປັບປຸງກໍ່ສ້າງຕົນເອງຂອງໜັງສືພິມພາສາຕ່າງປະເທດສະ
ບັບນີ້ນັບມື້ເຕີບໃຫຍ່ຂະ ຫຍາຍຕົວ ແລະ ສາມາດເຮັດຫລ້ອນໜ້າທີ່
ການເມືອງຂອງຕົນ
ຄືໜັງສືພິມວຽງຈັນທາມຈາກບ່ອນເລີ່ມຕົ້ນເປັນພຽງໜັງສືພິມລາຍສັບປະດາ
ປະກອບມີ 16 ໜ້າ ພິມເປັນຂາວ- ດຳ. ຈາກນັ້ນມາສອງປີ ຄືປີ 1996 ໜັງ ສືພິມດັ່ງກ່າວໄດ້ປັບປຸງຕົນເອງພິມອອກອາທິດລະສອງຄັ້ງ
ແລະ ມາຮອດປີ 2004 ໄດ້ພັດທະນາເປັນໜັງສື ພິມ
ລາຍວັນ
ແຕ່ວັນຈັນຮອດວັນສຸກ. ຈາກນັ້ນ ມາຮອດປີ 2007 ໄດ້ເພີ່ມເປັນ 6
ສະບັບຕໍ່ອາທິດ ຈົນເຖິງປັດຈຸບັນ, ປະກອບມີ 24-32 ໜ້າ, ມີຍອດຈຳ ໜ່າຍສູງເຖິງ
3.000 ສະບັບ ເຊິ່ງ ມີ 28 ຄໍລຳຫລັກ ແລະ ຫລາກ ຫລາຍສາລະ, ໃນນັ້ນ
ດ້ານການເມືອງກວມເອົາປະມານ 10%, ເສດຖະກິດ 7%, ວັດທະນະທຳ- ສັງຄົມກວມ 6%,
ສຶກສາ-ສາທາ 5%, ກິລາ 5%, ຂ່າວອຸດສາຫະ ກຳຫັດຖະກຳ, ການຜະລິດ ແລະ ການບໍ ລິການອື່ນໆອີກ.
ຄຽງຄູ່ກັນນັ້ນ, ໜັງສືພິມວຽງຈັນທາມ
ຍັງໄດ້ເອົາໃຈໃສ່ປັບປຸງເວັບໄຊຂອງຕົນໃຫ້ກາຍເປັນສື່ໜຶ່ງທາງດ້ານເອເລັກໂຕຣນິກ
ເພື່ອສົ່ງຂ່າວອອກສູ່ໂລກໄດ້ສະດວກ, ວ່ອງໄວທັນກັບສະພາບການ ແລະ
ໄດ້ຮ່ວມມືກັບບໍລິສັດລາວໂທລະຄົມ, ຢູນີເທວ, ໂທລະຄົມລາວ ແລະ ບີລາຍ ໃນການບໍລິການຂ່າວຂໍ້ຄວາມສັ້ນເປັນພາສາລາວ
ແລະ ພາສາອັງກິດໄດ້ຢ່າງມີປະສິດທິຜົນ ມື້ລະ 5 ເທື່ອ ແຕ່ວັນຈັນ-ວັນອາທິດ.
ທ່ານຫົວໜ້າບັນນາທິການໜັງສືພິມດັ່ງກ່າວ
ຍັງໄດ້ລາຍງານເຖິງແຜນການສູ້ຊົນຕ່າງໆໃນສົກປີໃໝ່ຕື່ມອີກເຊັ່ນ: ຈະສູ້ຊົນປັບປຸງຕາໜ່າງຂ່າວໃຫ້ກວ້າງ
ຂວາງ, ປັບປຸງເນື້ອໃນໃຫ້ຫລາກຫລາຍສີສັນ ແລະ ວ່ອງໄວທັນກັບເຫດການ
ທັງຢູ່ສູນກາງ ແລະ ທ້ອງຖິ່ນ. ພ້ອມນັ້ນ ກໍຈະຕ້ອງບຸກ
ບືນເຮັດໃຫ້ຍອດຈຳໜ່າຍເພີ່ມຂຶ້ນ ແຕ່ 200-300 ສະບັບ ແລະ
ເຮັດໃຫ້ແຫລ່ງລາຍຮັບເພີ່ມຂຶ້ນຢ່າງໜ້ອຍ 10% ທຽບໃສ່ປີຜ່ານມາ.
ໃນໂອກາດອັນສະຫງ່າລາສີນີ້,
ທ່ານລັດຖະມົນຕີຊ່ວຍວ່າການ ສະຫວັນຄອນ ຣາຊມຸນຕຣີ ກໍໄດ້ໃຫ້ກຽດໂອ້ລົມ ແລະ
ສະແດງຄວາມຍ້ອງຍໍຊົມເຊີຍບັນດາຜົນ
ສຳເລັດຕ່າງໆທີ່ໜັງສືພິມພາສາຕ່າງປະເທດຍາດມາໄດ້ໃນຂະບວນວິວັດແຫ່ງການພັດທະນາຕົນເອງຕະຫລອດໄລຍະ
19 ປີ ຜ່ານມາ ທີ່ໜັງສືພິມດັ່ງກ່າວສາ
ມາດກ້າວເດີນຢ່າງຖືກຕ້ອງຕາມເສັ້ນທາງທີ່ໄດ້ກຳນົດໄວ້ ແລະ
ສາມາດເຮັດຫລ້ອນໜ້າທີ່ຂອງຕົນໄດ້ເປັນຢ່າງດີໃນການໂຄສະ
ນາເຜີຍແຜ່ແນວທາງນະໂຍບາຍຂອງພັກ ແລະ ລະບຽບກົດໝາຍຕ່າງໆຂອງປະເທດເຮົາອອກສູ່ໂລກພາຍນອກ
ອັນໄດ້ຊ່ວຍເຮັດໃຫ້ຫລາຍປະເທດໃນໂລກຮັບຮູ້ ແລະ
ເຂົ້າໃຈແຈ້ງຕໍ່ເສັ້ນທາງການພັດທະນາສ້າງສາປະເທດຊາດລາວພວກເຮົາ ແລະ
ເຮັດໃຫ້ຊື່ສຽງ ແລະ ບົດບາດຂອງລາວນັບມື້ພົ້ນເດັ່ນຂຶ້ນໃນເວທີສາ ກົນ
ແລະ ພາກພື້ນ. ພ້ອມກັນນັ້ນ ທ່ານລັດຖະມົນຕີຊ່ວຍ ກໍໄດ້ເນັ້ນ
ຫລາຍບັນຫາທີ່ສື່ມວນຊົນລາວຈະຕ້ອງໄດ້ເອົາໃຈໃສ່
ໂດຍສະເພາະກໍແມ່ນໜັງສືພິມພາສາຕ່າງ ປະເທດນັບທັງເນື້ອໃນ ແລະ ສາ
ລະໜ້າຮູ້ຕ່າງໆ. ພ້ອມການຄຸ້ມຄອງບໍລິຫານໃຫ້ໄປຖືກທິດ ແລະ
ການແບ່ງຜົນປະໂຫຍດຕ້ອງຮັບ ປະກັນສາມຜົນປະໂຫຍດ ແລະ ຄຽງຄູ່ກັນນັ້ນ
ກໍຕ້ອງຮູ້ປັບຕົນເອງເຂົ້າສູ່ສະພາບແວດລ້ອມລວມຂອງໂລກ,
ແຕ່ຕ້ອງຮັກສາໄດ້ສີສັນຂອງຕົນເອງ. ທ່ານລັດ ຖະມົນຕີຊ່ວຍ ເວົ້າວ່າ:
ສິ່ງສຳຄັນອີກຢ່າງໜຶ່ງທີ່ວົງການສື່ມວນຊົນພວກເຮົາຈະຕ້ອງໄດ້ເອົາໃຈໃສ່ນັ້ນ
ແມ່ນການຍົກສູງຄວາມຮູ້- ຄວາມສາມາດດ້ານວິຊາການ,
ພາສາໃຫ້ສາມາດກ້າວໄປສູ່ການກຸ້ມຕົນເອງໄດ້ ແລະ ຄົນຕ້ອງຮັບຮູ້ ແລະ
ເຂົ້າໃຈແຈ້ງຕໍ່ແນວທາງການເມືອງຂອງພັກ, ລະບຽບກົດ ໝາຍ ແລະ
ນະໂຍບາຍຕ່າງໆທີ່ພັກ-ລັດຖະບານເຮົາວາງອອກແຕ່ລະໄລຍະ
ເພື່ອສາມາດສ່ອງແສງອອກສູ່ສັງຄົມໄດ້ຢ່າງຖືກ ຕ້ອງ,
ຮູ້ສະກັດກັ້ນສິ່ງຫຍໍ້ທໍ້ຕ່າງໆ
ນັບທັງປາກົດການລ່ວງລະເມີດຝ່າຝືນລະບຽບກົດໝາຍ,
ກ້າຕຳນິວິຈານໃນສິ່ງບໍ່ດີ, ບໍ່ສອດ ຄ່ອງກັບແນວທາງ ແລະ
ຄວາມເປັນເຈົ້າການນຳຫາງສຽງສັງ ຄົມຕໍ່ກັບບັນຫາຂອງຂົງເຂດວຽກງານຕ່າງໆ,
ແຕ່ຢາກໄດ້ແນວນັ້ນ ທ່ານລັດຖະມົນຕີຊ່ວຍ ເນັ້ນວ່າ: ກ່ອນອື່ນໝົດ
ພວກເຮົາຕ້ອງຮູ້ຈຸດຢືນ ແລະ ຈັນຍາບັນຂອງຕົນ, ຮູ້ເຂົ້າເຖິງແຫລ່ງຂ່າວ
ແລະ ໃຫ້ຖືເອົາປະຊາຊົນເປັນກົກ
ເພື່ອໃຫ້ເຂົາເຈົ້າມີສ່ວນເຂົ້າຮ່ວມສະແດງຄຳຄິດຄຳເຫັນຂອງຕົນຜ່ານສື່ມວນຊົນພວກເຮົາໄດ້ຢ່າງກວ້າງຂວາງ.
No comments:
Post a Comment