ລະບຽບສະບັບໃໝ່ຂອງອີຢູເລີ່ມມີຜົນສັກສິດແຕ່ວັນທີ 3
ມີນານີ້ເປັນຕົ້ນ ໄປເພື່ອຕໍ່ຕ້ານການຄ້າໄມ້ທີ່ຜິດກົດໝາຍ ໃນຂະແໜງການຄ້າຂາຍໄມ້ທີ່ສົ່ງອອກໄປຍັງຕະຫລາດເອີຣົບ
ລວມທັງຜະລິດຕະພັນໄມ້ຈາກລາວ. ລະບຽບການຄ້າໄມ້ສະບັບໃໝ່ດັ່ງກ່າວແມ່ນແນໃສ່ສະກັດກັ້ນບໍ່ໃຫ້ມີການຄ້າ
ຂາຍໄມ້ ຫລື ຜະລິດຕະ ພັນໄມ້ທີ່ມາຈາກການຂຸດຄົ້ນຢ່າງຜິດກົດໝາຍໃນຕະ
ຫລາດເອີຣົບ ກໍຄືບັນດາປະເທດຕ່າງໆໃນທົ່ວໂລກ.
ອີຢູເປັນຜູ້ນຳເຂົ້າໄມ້ ແລະ
ຜະລິດຕະພັນໄມ້ລາຍໃຫຍ່ຂອງໂລກ.
ເຖິງວ່າປະລິມານໄມ້ຂອງລາວທີ່ສົ່ງໄປຂາຍໃນຕະຫລາດເອີຣົບໂດຍກົງຍັງມີໜ້ອຍ,
ແຕ່ວັດຖຸດິບປະເພດໄມ້ຈາກລາວຈຳນວນຫລວງຫລາຍໄດ້ຮັບການປຸງແຕ່ງຢູ່ໃນປະເທດໃກ້ຄຽງເຊັ່ນ:
ຫວຽດນາມ ກ່ອນຈະຖືກສົ່ງອອກໄປຍັງຕະຫລາດເອີຣົບ.
ທ່ານ ມີແຊນ ໂກແຟງ
ອຸປະທູດສຳນັກງານຜູ້ຕາງໜ້າສະຫະ ພາບເອີຣົບປະຈຳລາວ ໄດ້ກ່າວວ່າ: ກົດລະ ບຽບດ້ານປ່າໄມ້ຂອງອີຢູແມ່ນການສະແດງອອກໃຫ້ເຫັນວ່າສະຫະພາບເອີຣົບໃຫ້ຄວາມສຳຄັນກັບການປົກປັກຮັກສາສະພາບແວດລ້ອມ
ແລະ ຍິ່ງໄປກວ່ານັ້ນ ກໍແມ່ນການພັດ ທະນາແບບຍືນຍົງ.ດັ່ງນັ້ນ
ເຖິງເວລາແລ້ວທີ່ທຸກພາກສ່ວນໃນຂະແໜງການຜະລິດ ແລະ
ປຸງແຕ່ງໄມ້ໃນລາວຈະຕ້ອງກຽມ ພ້ອມ ແລະ
ປັບໂຕເຂົ້າກັບການປ່ຽນແປງຂອງຕະຫລາດທີ່ຂັບເຄື່ອນໂດຍຄວາມຕ້ອງການຂອງຜູ້ບໍລິໂພກ
ແລະ ນິຕິກຳທີ່ພວມໄດ້ຮັບການພັດທະນາ.
ການຂຸດຄົ້ນໄມ້ທີ່ຜິດກົດໝາຍສົ່ງຜົນກະທົບອັນໜັກໜ່ວງທາງເສດຖະກິດ,
ສະພາບແວດລ້ອມ ແລະ ສັງ ຄົມ ເນື່ອງຈາກມັນກໍ່ໃຫ້ເກີດມີການຕັດໄມ້ທຳລາຍປ່າ
ແລະ ການປ່ຽນແປງດິນຟ້າອາກາດ.
ອີຢູໄດ້ໃຫ້ການຊ່ວຍເຫລືອໃນວົງເງິນຈຳນວນ 6 ລ້ານເອີໂຣ
ເພື່ອສະໜັບສະໜູນແຜນງານລະດັບພາກພື້ນ ອາຊີໃນການບັງ ຄັບໃຊ້ກົດໝາຍ,
ການຄຸ້ມຄອງ ແລະ ການຄ້າໄມ້ (EU FLEGT) ເຊິ່ງໃນໄລຍະຜ່ານມາ, ສປປ ລາວ
ແມ່ນປະເທດໜຶ່ງທີ່ໄດ້ຮັບຜົນປະໂຫຍດ ໂດຍສະເພາະກິດ
ຈະກຳທີ່ກ່ຽວກັບການປັບປຸງການຄຸ້ມຄອງປ່າໄມ້ ແລະ
ການອຳນວຍຄວາມສະດວກແກ່ການຄ້າໄມ້ທີ່ຖືກກົດໝາຍ. ນອກນີ້
ກິດຈະກຳອື່ນໆຍັງກວມເອົາການໂຄສະນາ ແລະ ສ້າງຄວາມຮັບຮູ້,
ສະໜັບສະໜູນການບັນລຸຂໍ້ຕົກລົງການເປັນຄູ່ຮ່ວມທີ່ສະໝັກໃຈ (VPA) ແລະ
ບາງວຽກງານເຊັ່ນ: ການສຶກສາ ແລະ ຄົ້ນຄວ້າ, ຈັດກອງປະຊຸມປຶກສາຫາລືທີ່ກ່ຽວ
ຂ້ອງກັບ FLEGT ຮ່ວມກັນ ແລະ ສະໜັບສະໜູນການຮ່ວມມືດ້ານພາສີ
ໂດຍກິດຈະກຳເຫລົ່ານີ້ຈະຊ່ວຍກະ ກຽມ ແລະ ສ້າງຄວາມພ້ອມໃຫ້ແກ່ລາວ ແລະ
ສາມາດປັບໂຕໃຫ້ແທດເໝາະກັບລະບຽບໃໝ່ດ້ານປ່າໄມ້ຂອງອີຢູໄດ້.
ນິຕິກຳສະບັບໃໝ່ນີ້ອາດສົ່ງຜົນກະທົບຕໍ່ຜູ້ນຳເຂົ້າ ແລະ
ຜູ້ດຳເນີນທຸລະກິດຂຸດຄົ້ນ ແລະ ຄ້າ ຂາຍໄມ້ ແລະ ຜະລິດຕະພັນໄມ້
ເຊິ່ງອາດຈະກວມເອົາຫລາຍຜະລິດຕະພັນ ນັບແຕ່ເຈັ້ຍຂາວ ແລະ ເຈັ້ຍອະນາໄມ
ປຈົນເຖິງຜະລິດຕະພັນໄມ້ເນື້ອແຂງ ແລະ ປາເກປູພື້ນ.
ຜູ້ທີ່ຕ້ອງການນຳໄມ້ ຫລື ຜະລິດຕະພັນໄມ້ເຂົ້າໄປຍັງຕະຫລາດເອີຣົບ
ຕ້ອງໄດ້ຂໍອະນຸຍາດ ເພື່ອຮັບປະກັນວ່າ:
ໄມ້ທີ່ເຂົາເຈົ້າຈະຄ້າຂາຍນັ້ນຖືກກົດ ໝາຍ. ພໍ່ຄ້າໄມ້ທີ່ຊື້ ຫລື ຂາຍໄມ້ທີ່ມີຢູ່ໃນຕະຫລາດແລ້ວນັ້ນ
ກໍຕ້ອງມີການເກັບຂໍ້ມູນຫລັກຖານ ແຫລ່ງທີ່ມາຂອງໄມ້ ເພື່ອຮັບປະກັນໃນເວລາທີ່ມີການກວດສອບ.
ໃນອາທິດຜ່ານມາ,
ຜູ້ປະສານງານລະດັບຊາດຂອງແຜນງານ FLEGT ໄດ້ຮັບການແຕ່ງຕັ້ງ
ເຊິ່ງຈະໄດ້ເຮັດວຽກສະໜັບສະ ໜູນຊ່ວຍເຫລືອຜູ້ຮັບຜິດຊອບແຜນງານ FLEGT
ຈາກຝ່າຍລັດຖະບານ ເພື່ອວາງໂຄງສ້າງດ້ານການເຈລະຈາ ແລະ ແຜນວຽກໃນລາວ.
ຜູ້ປະສານງານລະດັບຊາດຈະເປັນຜູ້ຕິດຕໍ່ພົວພັນກັບພາກສ່ວນຕ່າງໆທີ່ກ່ຽວຂ້ອງ
ແລະ ລິເລີ່ມແຜນວຽກກ່ຽວກັບການກຳນົດນິຍາມການຖືກກົດ ໝາຍ ແລະ
ລະບົບຮັບປະ ກັນການຖືກກົດໝາຍຂອງໄມ້
ເພື່ອເປັນການປັບປຸງນະໂຍບາຍດ້ານການເຈລະຈາ ແລະ
ກິດຈະກຳຕ່າງໆຂອງຂະບວນການດັ່ງ ກ່າວໄດ້ຢ່າງມີປະສິດທິຜົນ.
No comments:
Post a Comment