ໃນວັນທີ 26 ເມສາ 2013, ສະຫາຍ ສຈ.ດຣ
ບໍ່ແສງຄຳ ວົງດາລາ ກຳມະ ການສູນກາງພັກ, ເລຂາພັກ, ລັດ ຖະມົນຕີວ່າການກະຊວງຖະແຫລງຂ່າວ, ວັດທະ ນະທໍາ
ແລະ ທ່ອງທ່ຽວໄດ້ໃຫ້ກຽດມອບບັດສະມາຊິກ ພັກສົມບູນ ຊຸດທຳອິດໃຫ້ 5
ໜ່ວຍພັກກຸ່ມເສນາທິການອ້ອມຂ້າງກະຊວງຄືໜ່ວຍພັກຫ້ອງ ການກະຊວງ, ກົມຈັດ ຕັ້ງ-ພະນັກງານ, ກົມກວດກາ,
ກົມແຜນການ ແລະ ການເງິນ ແລະ ກົມ ຮ່ວມມືສາກົນ 62 ສະຫາຍ, ຍິງ 25 ສະ ຫາຍ.
ການມອບບັດສະມາຊິກພັກສົມບູນດັ່ງກ່າວປະຕິບັດຕາມມະຕິຕົກລົງຂອງ ກົມການເມືອງສູນກາງພັກເລກທີ
33/ ກມສພ ລົງວັນທີ 29 ກໍລະກົດ 2010 ແລະ ບົດແນະນຳຂອງຄະນະຈັດຕັ້ງສູນກາງພັກ
ສະບັບເລກທີ 074/ ຄຈສພ ລົງວັນທີ 27 ມັງ ກອນ 2010 ວ່າດ້ວຍການອອກບັດ- ມອບບັດສະມາຊິກພັກສົມບູນຂອງພັກປະຊາຊົນ
ປະຕິວັດລາວ ຊຶ່ງບັດສະມາຊິກພັກແມ່ນເອກະສານຢັ້ງຢືນເຖິງຖານະ ນາມ ຂອງສະມາຊິກພັກສົມບູນຜູ້ດີເດັ່ນ,
ເຮັດຫລ້ອນໜ້າທີ່, ມີຄຸນງາມຄວາມດີ, ມີຄວາມບໍລິສຸດສັດຊື່ຕໍ່ຊາດ, ຕໍ່ປະຊາຊົນ ຈົງຮັກພັກດີຕໍ່ອຸດົມຄະຕິຂອງ
ພັກເປັນແບບຢ່າງທີ່ດີ, ເຄົາລົບ ແລະ ປະຕິບັດຕາມກົດລະບຽບຂອງພັກ, ກົດໝາຍຂອງລັດ.
ສະຫາຍ ສຈ.ດຣ ບໍ່ແສງຄຳ ວົງດາລາ
ໄດ້ໂອ້ລົມບັນດາສະຫາຍສະມາຊິກພັກໂດຍໄດ້ຢ້ຳໃຫ້ສະມາຊິກພັກ ທຸກສະຫາຍ
ຈົ່ງຕັ້ງໜ້າເຝິກຝົນຫລໍ່ຫລອມຕົນເອງໃຫ້ກາຍເປັນສະມາຊິກພັກທີ່ດີເດັ່ນ. ພ້ອມນັ້ນຍັງໄດ້ຍົກໃຫ້
ເຫັນ ການເຕີບໃຫຍ່ຂະ ຫຍາຍຂອງພັກປະຊາຊົນປະຕິວັດລາວ ຊຶ່ງຊາດລາວມີປະຫວັດສາດອັນຍາວນານ
ແລະ ມູນເຊື້ອຕໍ່ສູ້ເອົາຊະນະຈັກກະ ພັດຕ່າງດ້າວຜູ້ຮຸກຮານລວມທັງມູນເຊື້ອປົກປັກຮັກສາ
ແລະ ສ້າງສາພັດທະນາປະເທດຊາດກໍ ຄືໄລຍະການປະຕິບັດແນວ ທາງການປ່ຽນແປງໃໝ່ຂອງພັກ.
No comments:
Post a Comment