ປັດຈຸບັນແຂວງຫລວງພະບາງໄດ້ມີແຜນຍຸດທະສາດການ
ພັດທະນາຖືເອົາວຽກງານທ່ອງທ່ຽວເປັນບູລິມະສິດອັນດັບໜຶ່ງໃນການສ້າງລາຍຮັບຊຶ່ງໃນໄລ
ຍະ 6 ເດືອນຕົ້ນປີ 2012-2013 ສາມາດສ້າງລາຍຮັບໄດ້ 61,4
ລ້ານກວ່າໂດລາສະຫະລັດ.
ທ່ານ ດຣ. ຄຳແພງ ໄຊສົມແພງ
ເຈົ້າແຂວງ
ຫລວງພະບາງໄດ້ໃຫ້ສຳພາດຕໍ່ສື່ມວນຊົນໃນໂອກາດທີ່ເຂົ້າຮ່ວມກອງປະຊຸມເປີດກວ້າງປະຈຳ
6 ເດືອນສົກປີ 2012-2013 ຢູ່ຫ້ອງວ່າການລັດ ຖະບານໃນລະຫວ່າງວັນທີ 8-11 ເມສາ
2013 ຊຶ່ງທ່ານໄດ້ກ່າວວ່າ:
ແຂວງຫລວງພະບາງໄດ້ເອົາໃຈໃສ່ເຂົ້າໃນການປັບປຸງພື້ນ
ຖານໂຄງລ່າງຮັບໃຊ້ການທ່ອງ ທ່ຽວດ້ານຕ່າງໆເປັນຕົ້ນລະບົບຄົມມະນາຄົມ ແລະ
ການຂົນສົ່ງທາງບົກ, ທາງນ້ຳ ແລະ ທາງອາ ກາດໃຫ້ມີຄວາມສະດວກສະ ບາຍ,
ມີຄວາມປອດໄພຫລາຍຂຶ້ນ, ສະຖານທີ່ທ່ອງທ່ຽວຕ່າງໆໄດ້ຮັບການກໍ່ສ້າງ,
ປັບປຸງ ແລະ ພັດທະນາໃຫ້ກ້າວໄປສູ່ຄຸນນະ ພາບ,
ບັນດາສະຖານທີ່ພັກເຊົາເຊັ່ນ: ໂຮງແຮມໃນປັດຈຸບັນມີເຖິງ 46 ແຫ່ງ, ຣີສອດ 14
ແຫ່ງ, ເຮືອນພັກ 230 ຫລັງ, ຮ້ານອາຫານ 48 ແຫ່ງ, ສາມາດຮອງຮັບບັນດາແຂກ ແລະ
ນັກທ່ອງທ່ຽວທີ່ເຂົ້າມາທ່ຽວທ່ອງ
ໃນແຂວງຫລວງພະບາງໄດ້ເຖີງ 4 ພັນຄົນ/ມື້,
ສາ ມາດດຶງດູດນັກທ່ອງທ່ຽວຕ່າງ ປະເທດໄດ້ທັງໝົດ 221.895 ຄົນ ທຽບໃສ່ໄລຍະດຽວກັນຂອງປີ
ຜ່ານມາເພີ່ມຂຶ້ນ 41.414 ເທື່ອຄົນ ຫລື ປະມານ 30%,
ໂດຍອິງຕາມຍຸດທະສາດການພັດທະນາແຂວງຫລວງພະບາງ
ວຽກງານທ່ອງທ່ຽວກາຍເປັນບູລິມະສິດອັນດັບໜຶ່ງກຳນົດໃຫ້ແຂວງເປັນໃຈກາງທາງດ້ານການບໍລິຫານ,ເປັນສູນກາງຂອງການລົງທຶນ,
ການຄ້າ, ການສຶກສາ ແລະ ສາ ທາລະນະສຸກ ຂອງບັນດາແຂວງພາກເໜືອ ແລະ
ກໍານົດໃຫ້ເປັນແຫລ່ງ ທ່ອງທ່ຽວອັນດັບໜຶ່ງ ທາງດ້ານທຳມະຊາດ, ປະຫວັດ ສາດ,
ວັດທະນະທຳ ແລະ ສະຖາປັດຕະຍະກຳຂອງລາວ,
ສິ່ງສຳ ຄັນແມ່ນເມືອງມໍລະດົກໂລກ ໄດ້ຮັບການປົກປັກຮັກສາເປັນຢ່າງດີໂດຍນຳໃຊ້ຂໍ້ກຳນົດ,
ກົດລະ ບຽບ, ແຜນຜັງປົກປັກຮັກສາ ແລະ ໃຫ້ມີຄຸນຄ່າຫລາຍຂຶ້ນ
ເຊິ່ງເປັນນິຕິກຳໃນການຈັດຕັ້ງປະ
ຕິບັດການຄຸ້ມຄອງເຂດມໍລະດົກແບບປະຊາຊົນມີສ່ວນຮ່ວມ ແລະ
ການສ້າງແຜນຍຸດທະສາດກ່ຽວກັບເນື້ອທີ່ເຂດແດນຕິດເຊື່ອມກັນ ລະຫວ່າງ ເຂດມໍລະດົກກັບເຂດອ້ອມຮອບທີ່ເອີ້ນວ່າ:
ເຂດປ້ອງກັນໃຫ້ມີຄວາມກົມກຽວກັນອັນເປັນພື້ນຖານໃນການວາງແຜນກິດຈະກຳບູລິມະສິດດ້ານການ
ພັດ
ທະນາພື້ນທີ່ໃຫ້ສອດຄ່ອງກັບການຮັກສາເອກະລັກທາງດ້ານວັດທະນະທຳຂອງຕົວເມືອງ.
ພ້ອມກັນນັ້ນ ພາກສ່ວນທຸລະກິດທີ່ຕິດພັນກັບການທ່ອງທ່ຽວຍັງໄດ້ສ້າງວຽກເຮັດງານທຳໃຫ້ປະຊາຊົນຊາວຫລວງພະບາງໄດ້ເປັນຢ່າງດີ.
ທ່ານເຈົ້າແຂວງຫລວງພະບາງຍັງແຈ້ງໃຫ້ຮູ້ຕື່ອມອີກວ່າ:
ແຂວງຫລວງພະບາງເປັນແຂວງໜຶ່ງທີ່ມີປະຫວັດສາດອັນດົນນານ 1.200 ກວ່າປີ,
ມີວັດທະນະທຳ-ຮີດຄອງປະເພນີອັນດີງາມທີ່ໄດ້ຮັບການອະນຸລັກຮັກສາໃຫ້
ຄົງຄຸນຄ່າຕະຫລອດມາ, ມີທີ່ຕັ້ງ ພູມສັນຖານທີ່ເໝາະສົມ,
ອຸດົມໄປດ້ວຍພູຜາປ່າໄມ້, ແມ່ນ້ຳລຳເຊ, ສັດສາວາສິ່ງ,
ອັນເປັນອົງປະກອບທີ່ສຳຄັນ, ເຮັດໃຫ້ແຂວງ ຫລວງພະບາງມີຄວາມສວຍສົດງົດງາມ
ແລະ
ເປັນເອກະລັກສະເພາະພິເສດແມ່ນເມືອງຫລວງພະບາງເປັນເມືອງມໍລະດົກໂລກທາງດ້ານວັດທະນະທຳ
ແລະ ທຳມະຊາດແຕ່ປີ 1995 ເປັນ ຕົ້ນມາຈາກເງື່ອນໄຂດັ່ງກ່າວ
ນັກທ່ອງທ່ຽວທັງພາຍໃນ ແລະ ຕ່າງ ປະເທດ ໄດ້ຮັບຮູ້ ແລະ ໃຫ້ຄວາມສົນໃຈເດີນ ທາງເຂົ້າມາທ່ອງທ່ຽວຫລວງພະບາງຢ່າງຕໍ່ເນື່ອງ
ອັນໄດ້ກາຍເປັນທ່າແຮງຕົ້ນຕໍໃນການສ້າງແຫລ່ງລາຍຮັບເຂົ້າສູ່ຫລວງພະບາງຢ່າງຫຼວງຫລາຍ.
No comments:
Post a Comment