ກອງປະຊຸມຮ່ວມລະຫວ່າງຄະນະປະຈຳສະພາແຫ່ງຊາດ
ແລະ ອົງການປົກປ້ອງກົດໝາຍ ໄດ້ຈັດຂຶ້ນໃນວັນທີ 24 ມິຖຸ ນາ 2013 ຢູ່ທີ່ຫໍສະພາແຫ່ງຊາດ,
ພາຍໃຕ້ການເປັນປະທານຂອງທ່ານນາງ ປານີ ຢ່າທໍ່ຕູ້ ປະທານສະພາແຫ່ງຊາດ, ມີບັນດາຄະນະປະຈຳສະພາແຫ່ງຊາດ,
ປະທານກຳມະທິການກົດໝາຍ, ບັນດາຜູ້ຕາງໜ້າກະຊວງປ້ອງກັນຄວາມສະຫງົບ, ກະຊວງຍຸຕິທຳ,
ອົງການໄອຍະການສູງສຸດ ແລະ ສານປະຊາຊົນສູງສຸດເຂົ້າຮ່ວມ.
ການຈັດຕັ້ງກອງປະຊຸມໃນຄັ້ງນີ້ ກໍເພື່ອສ້າງຄວາມເປັນເອກະພາບກັນລະຫວ່າງ
ຄະນະປະຈຳສະພາແຫ່ງຊາດ ແລະ ອົງການປົກປ້ອງກົດໝາຍກ່ຽວກັບການຕີລາຄາສະພາບການຈັດຕັ້ງປະຕິບັດລັດຖະທຳມະນູນ
ແລະ ກົດໝາຍ ປະຈຳ 6 ເດືອນຕົ້ນປີ 2013,
ບາງບັນຫາທີ່ພົ້ນເດັ່ນ ແລະ ປະກົດການຫຍໍ້ທໍ້ໃນສັງຄົມລວມທັງສະພາບການເຄື່ອນໄຫວວຽກງານ
ຂອງອົງການປົກປ້ອງກົດໝາຍເພື່ອພ້ອມກັນປຶກສາຫາລືຊອກຫາວິທີການ, ມາດຕະການແກ້ໄຂບັນຫາດັ່ງກ່າວ
ແນໃສ່ຫລຸດຜ່ອນຫາງສຽງຈົ່ມວ່າຂອງສັງຄົມ. ຈຳກັດການລະເມີດກົດໝາຍ, ສ້າງທຸກເງື່ອນໄຂໃຫ້ແກ່ການຈັດຕັ້ງປະຕິບັດກົດໝາຍໃຫ້ມີຄວາມສັກ
ສິດ, ນອກຈາກນີ້ບັນດາຜູ້ເຂົ້າຮ່ວມ ຍັງໄດ້ຮັບຟັງການລາຍ ງານ ກ່ຽວການຈັດຕັ້ງປະຕິບັດ
ກົດໝາຍຕ່າງໆ ເປັນຕົ້ນແມ່ນບົດລາຍງານ ກ່ຽວກັບກົນໄກການດຳເນີນຄະດີ
ແລະ ແກ້ໄຂຄະດີຕາມພາລະບົດບາດຂອງຕົນ ໃນສົກປີ 2012-2013, ການປະຕິ ບັດໜ້າທີ່ຂອງພະນັກງານແຕ່ລະອົງການ,
ບົດລາຍງານກ່ຽວກັບ ການປະຕິບັດໜ້າທີ່ ຂອງເຈົ້າໜ້າທີ່
ສືບສວນ-ສອບສວນ ໃນການກັກຕົວ.
ການຈັບຕົວ, ການກັກຂັງພາງ ແລະ ການອະນຸຍາດອອກໄປປີ່ນປົວ, ການປະຕິບັດໜ້າທີ່ຂອງພະນັກງານໄອຍະການໃນການສັ່ງຟ້ອງຄະດີທີ່ເຫັນວ່າມີຄວາມຜິດພາດ,
ການຕິດຕາມກວດການັກໂທດຢູ່ຄ້າຍຄຸມຂັງ, ບົດລາຍງານສັງລວມ ບັນຫາທີ່ພົ້ນເດັ່ນ
ໃນການປະຕິບັດໜ້າທີ່ຂອງຜູ້ພິພາກສາໃນການປະກອບຫລັກຖານ, ຕີລາຄາຫລັກຖານ ແລະ
ການດຳເນີນຄະດີ, ບົດລາຍງານກ່ຽວກັບການປະຕິ ບັດຄຳຕັດສິນຂອງສານ ເຊັ່ນ: ການສວຍໃຊ້ອຳນາດເກີນຂອບເຂດ,
ການປະຕິບັດໜ້າທີ່ນອກເໜືອຈາກຄຳຕັດສິນຂອງສານ ຫລື ການເລືອກປະຕິບັດໂດຍບໍ່ສົມເຫດສົມຜົນ
ພ້ອມນີ້ບັນດາຜູ້ເຂົ້າຮ່ວມຍັງໄດ້ປະ ກອບຄຳຄິດຄຳເຫັນໃສ່ບົດລາຍງານດັ່ງກ່າວຕື່ມອີກ.
No comments:
Post a Comment