ພາຍຫລັງເປັນຂ່າວຮືຮາພໍສົມຄວນກ່ອນໜ້ານີ້ທັງຢູ່ຕ່າງປະເທດ
ແລະ ຢູ່ປະເທດລາວເຮົາກ່ຽວກັບຜະລິດຕະພັນນົມ ຝຸ່ນສຳລັບເດັກນ້ອຍຍີ່ຫໍ້ດູເມັກ (Dumex) ວ່າ:
ບາງຮຸ່ນຂອງຜະລິດຕະພັນດັ່ງກ່າວອາດມີປົນເປື້ອນ ໄດ້ເຮັດໃຫ້ ບໍລິສັດຜູ້ຜະ ລິດ ແລະ ບໍລິສັດຕົວແທນຈຳໜ່າຍໃນປະເທດໃກ້ຄຽງ
ແລະ ພາຍ ໃນປະເທດລາວ ຕ່າງກໍອອກມາສະແດງຄວາມຮັບຜິດຊອບທັນທີຕໍ່ຄວາມປອດໄພ ຂອງຜູ້ບໍລິໂພກໂດຍການອອກແຈ້ງການເຖິງຜູ້ບໍລິໂພກ ໃຫ້ກວດເບິ່ງລະຫັດວັນ ເດືອນປີຄັ້ງຜະລິດ
ແລະ ເກັບຄືນຜະລິດຕະພັນບາງຮຸ່ນທີ່ຄາດວ່າມີການປົນເປື້ອນ ດັ່ງກ່າວເພື່ອເປັນມາດຕະການປ້ອງກັນລ່ວງໜ້າ.
ສະເພາະຢູ່ປະເທດລາວ ເຮົາກໍຖືວ່າເປັນຂ່າວໃຫຍ່ສົມຄວນເນື່ອງຈາກວ່າຜະລິດຕະພັນດັ່ງກ່າວ
ແມ່ນໄດ້ຮັບ ຄວາມນິຍົມຈາກສັງຄົມຫລາຍໂດຍບໍລິສັດຕົວແທນຈຳໜ່າຍກໍໄດ້ອອກມາຍອມຮັບວ່າ:ພາຍຫລັງມີແຈ້ງການເຕືອນໃຫ້ສັງຄົມໄດ້
ຮັບຮູ້ກ່ຽວກັບກໍລະນີດັ່ງກ່າວຜ່ານສື່ຕ່າງໆກໍມີຜູ້ປົກຄອງຈຳນວນບໍ່ໜ້ອຍໄດ້ໃຫ້ຄວາມສົນໃຈສອບຖາມ
ແລະໄດ້ນຳຜະລິດຕະ
ພັນສະເພາະຊຸດມາປ່ຽນແທນໂດຍບໍ່ຕ້ອງເສຍຄ່າໃຊ້ຈ່າຍ ແລະ ຄຽງຄູ່ກັບການເກັບຄືນນົມຊຸດດັ່ງກ່າວ,
ບໍລິສັດດູເມັກກໍໄດ້ນຳ ນົມສະເພາະຊຸດດັ່ງກ່າວໄປກວດວິໄຈທັງໃນປະເທດໄທ ແລະ ຕ່າງປະເທດ ແລະ
ເພື່ອພິສູດວ່ານົມຝຸ່ນດູເມັກສະເພາະຊຸດທີ່ ເກັບຄືນມີຄວາມປອດໄພຕັ້ງແຕ່ຕົ້ນນັ້ນ, ໃນວັນທີ
28 ສິງຫາກະຊວງອຸດສາຫະກຳຂອງປະເທດນີວຊີ ແລນໄດ້ຢືນຢັນວ່າ:ຜົນ ການກວດວິໄຈບໍ່ພົບເຊື້ອພະຍາດທີ່ກໍ່ໃຫ້ເກີດອັນຕະລາຍແຕ່ຢ່າງໃດຕໍ່ສຸຂະພາບຂອງເດັກ
ແລະ ເພື່ອຢ້ຳໃຫ້ຜູ້ບໍລິໂພກມີ ຄວາມສະບາຍໃຈໃນວັນທີ 17 ກັນຍາ 2013, ກົມອາຫານ ແລະ ຢາຂອງປະເທດໃກ້ຄຽງໄດ້ອອກແຈ້ງການເຜີຍແຜ່ຜົນ
ການກວດວິເຄາະຜະລິດຕະພັນສະເພາະຊຸດຂອງດູເມັກບໍ່ພົບເຊື້ອທີ່ກໍ່ໃຫ້ເກີດອັນຕະລາຍຕໍ່ສຸຂະພາບຂອງເດັກນ້ອຍ
ແລະ ກົມອາຫານ ແລະ ຢາຂອງປະເທດ ດັ່ງກ່າວກໍຍັງແຈ້ງໃຫ້ຜູ້ບໍລິໂພກບໍລິໂພກນົມໄດ້ເປັນປົກກະຕິບໍ່ຕ້ອງເປັນຫ່ວງ.
ແຕ່ເຖິງ ຢ່າງໃດກໍຕາມ, ຜະລິດຕະພັນນົມສະເພາະຊຸດຂອງບໍລິສັດດູເມັກທີ່ຖືກເກັບຄືນທັງໝົດນັ້ນເຖິງວ່າຜົນກວດວິເຄາະບໍ່ພົບເຊື້ອ
ກໍຕາມ, ບໍລິສັດຢືນຢັນວ່າ:ຈະທຳລາຍຜະລິດຕະພັນດັ່ງກ່າວໃຫ້ໝົດຄາດວ່າໃນມໍ່ໆນີ້ ເພື່ອບໍ່ໃຫ້ຜະລິດຕະພັນຊຸດດັ່ງກ່າວສົ່ງ
ກັບໄປຈຳໜ່າຍຕາມຮ້ານຄ້າຕ່າງໆອີກ.
ຈາກການຢືນຢັນວ່າ: ຜະ ລິດຕະພັນນົມຝຸ່ນດູເມັກສະເພາະ
ຊຸດເກັບຄືນມີຄວາມປອດໄພມາ ຕັ້ງແຕ່ຕົ້ນຈາກແຫຼ່ງ ຂ່າວຕ່າງໆຂ້າງເທິງ. ສະນັ້ນຂໍໃຫ້ລູກຄ້າກໍຄືຜູ້ບໍລິໂພກຈົ່ງມີຄວາມໝັ້ນໃຈ,
ບໍ່ຕ້ອງມີຄວາມຢ້ານກົວ ແລະ ວິຕົກ ກັງວົນໃດໆຕໍ່ ບັນຫາດັ່ງກ່າວ ແລະ ໃຫ້ສາມາດບໍລິໂພກຜະລິດຕະພັນນົມຍີ່ຫໍ້ດັ່ງກ່າວໄດ້ຕາມປົກກະຕິເພາະວ່າເຫດການໃນຄັ້ງນີ້ສະແດງໃຫ້
ເຫັນວ່າ: ບໍລິສັດດູເມັກເປັນບໍລິສັດລະດັບແຖວໜ້າຂອງໂລກໃນເລື່ອງຄວາມເອົາໃຈໃສ່ຄວາມປອດໄພຂອງຜູ້ບໍລິໂພກເປັນສຳ
ຄັນລຳດັບທີໜຶ່ງເຖິງວ່າການເກັບຄືນຜະລິດຕະພັນສະເພາະຊຸດຄັ້ງນີ້ຕ້ອງສູນເສຍຜົນປະໂຫຍດທາງທຸລະກິດຢາງຫຼວງຫຼາຍກໍ
ຕາມ, ແຕ່ບໍລິສັດກໍຍັງດຳເນີນການດັ່ງກ່າວຢ່າງຮີບດ່ວນ. ນີ້ສະແດງໃຫ້ເຫັນວ່າ ບໍລິສັດດູເມັກເປັນໜຶ່ງທີ່ບໍ່ຍອມໃຫ້ມີຄວາມ
ສຽງຕໍ່ຜູ້ບໍລິໂພກ.
No comments:
Post a Comment