ພະແນກໂຍທາທິການ ແລະ ຂົນສົ່ງນະຄອນຫລວງວຽງຈັນ
ຈະປັບປຸງການສັນຈອນ ໃຫ້ແລ່ນໄດ້ທິດດຽວໃນຖະໜົນ ຈັນທະກຸມມານ, ໄກສອນພົມວິຫານ ແລະ ຖະໜົນ
23 ສິງຫາໂດຍຈະໃຫ້ສຳເລັດໃນທ້າຍປີນີ້.
ທ່ານ ສີວອນ ຊັບທະວີ ຮອງຫົວໜ້າຂະແໜງຄົມມະນາຄົມຂົນສົ່ງທາງບົກພະແນກໂຍ ທາທິການ
ແລະ ຂົນສົ່ງ ນະຄອນ ຫລວງວຽງຈັນ ໃຫ້ຮູ້ວ່າ:ພາຍຫລັງໄດ້ ມີການປັບປຸງ ການສັນຈອນໃນຖະໜົນເຈົ້າຟ້າງຸ່ມໃຫ້ເປັນສັນຈອນທິດດຽວ
ຫລື One Way ເມື່ອວັນທີ 25 ສິງຫາຜ່ານມາ ໂດຍໄດ້ແບ່ງກຳລັງເຈົ້າໜ້າທີ່ປະຈຳແຕ່ລະຮ່ອມແຕ່ລະຈຸດເພື່ອ
ແນະ ນຳລາຍລະອຽດ ເຊິ່ງໄລຍະອາທິດທຳອິດ ເຫັນວ່າມີຄວາມສັບສົນສົມຄວນເພາະຜູ້ຂັບຂີ່ຈຳ ນວນໜຶ່ງຍັງບໍ່ທັນຮູ້,
ມີຜູ້ລະເມີດ 2.700 ກວ່າຄົນ, ບັນດາເສັ້ນທາງເຊື່ອມຕໍ່ສູ່ທາງເຈົ້າ ຟ້າງຸ່ມໂດຍສະເພາະທາງເຊດຖາທິລາດເຊື່ອມຕໍ່ທາງສຸພານຸວົງແມ່ນແອອັດທີ່ສຸດ.
ຈົນມາ ຮອດອາທິດທີສອງຜູ້ຂັບ ຂີ່ເລີ່ມຮັບຮູ້ຫລາຍໃນການສັນຈອນເຮັດໃຫ້ມີຄວາມສະດວກຂຶ້ນ
ແລະ ໄດ້ເປີດເສັ້ນທາງແຄມຂອງ ເປັນເສັ້ນລ່ອງແຕ່ວັນທີ 1 ກັນຍາເປັນຕົ້ນມາ ສາມາດແບ່ງເບົາການສັນຈອນທີ່ແອອັດໃນເສັ້ນທາງເສດຖາທິລາດໄດ້ສະດວກ
ດີຂຶ້ນ ແລະ
ກຽມປັບປຸງຖະໜົນຈັນທະກຸມມານເລີ່ມແຕ່ 3 ແຍກໂຮງແຮມລ້ານຊ້າງເຖິງ 4 ແຍກໄຟອຳນາດຖະໜົນສາມ
ແສນໄທ (ທາດດຳ); ຖະໜົນໄກສອນພົມວິຫານເລີ່ມແຕ່ວົງວຽນ 450 ປີເຂົ້າມາຫາຄ້ອງສັນຕິພາບປະຕູໄຊ,
ຂາອອກເລີ່ມ ແຕ່ໄຟອຳນາດກະຊວງໂຍທາທິການ ແລະ ຂົນສົ່ງອອກໄຟອຳນາດຖະໜົນ 23 ສິງຫາ ພ້ອມທັງປັບ2ເສັ້ນທາງໃຫ້ເປັນ2ຊ່ອງ
ຈະລາຈອນຄືຖະໜົນສີຫອມ ແລະ ຖະໜົນຈາກ 3 ແຍກໂທລະໂຄ່ງຂຶ້ນໄປຫາ 5 ແຍກຕະຫລາດແລງໜອງດ້ວງ.
ທ່ານ ສີວອນ ກ່າວວ່າ: ການ ປັບປຸງດັ່ງກ່າວຈະເລີ່ມທົດລອງປະຕິບັດໄປແຕ່ລະເສັ້ນໂດຍໃຫ້ສຳເລັດໃນທ້າຍປີນີ້.
ພ້ອມ ນີ້ຈະປັບປຸງວຽກອື່ນໆທີ່ສຳຄັນຄືຕິດຕັ້ງປ້າຍຈະລາຈອນຕາມເສັ້ນທາງ; ຕິດຕັ້ງໄຟອຳນາດ;
ປັບປຸງໄຟອຳນາດຄືນໃໝ່ 23 ຈຸດ, ປົດປ້າຍລ້ຽວຂວາໄດ້ແຕ່ຕ້ອງລະວັງອອກໝົດ; ແຕ້ມເຂດເຫລືອງຕາມຈຸດແຍກຕ່າງໆ;
ຕິດຕັ້ງຖັງນ້ຳປລາສະຕິກໃສ່ບາງຈຸດ ບໍ່ໃຫ້ລົດລ້ຽວໄດ້ຕາມໃຈເພື່ອໃຫ້ການສັນຈອນຕາມຖະໜົນໃນຕົວເມືອງດີຂຶ້ນເປັນລຳດັບ.
No comments:
Post a Comment