ກອງປະຊຸມສະໄຫມສາມັນເທື່ອທີ 6 ຂອງສະພາແຫ່ງຊາດຊຸດທີ VII ໄຂຂຶ້ນຢ່າງເປັນທາງການໃນເຊົ້າມື້ນີ້

     ກອງປະຊຸມສະໄໝສາມັນເທື່ອ ທີ 6 ຂອງສະພາແຫ່ງຊາດຊຸດທີ VII ໄດ້ໄຂຂຶ້ນຢ່າງເປັນທາງການໃນເຊົ້າມື້ນີ້ (ວັນທີ 9 ທັນວາ 2013) ຢູ່ສະພາແຫ່ງຊາດ ນະຄອນຫລວງວຽງຈັນ ພາຍໃຕ້ການເປັນປະທານຂອງທ່ານນາງ ປານີ ຢ່າທໍ່ຕູ້ປະທານສະ ພາແຫ່ງຊາດ, ມີສະມາຊິກສະພາແຫ່ງຊາດໃນຂອບເຂດທົ່ວປະເທດເຂົ້າຮ່ວມ ແລະ ກອງປະຊຸມຈະດຳ ເນີນໄປຮອດວັນທີ 27 ທັນວາ 2013 ຈຶ່ງຈະອັດລົງ.

       ກອງປະຊຸມຈະໄດ້ຮັບຟັງບົດລາຍງານສະພາບພ້ົນເດັ່ນໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ສົກປີ 2012-2013 ແລະ ຄາດໝາຍ, ແຜນການ, ມາດຕະການຈັດຕັ້ງ ປະຕິບັດແຜນພັດທະນາເສດຖະ ກິດ-ສັງຄົມ ສົກປີ 2013- 2014; ສະພາບການໂຈະການພິຈາລະ ນາ ແລະ ອະນຸມັດໂຄງການລົງ ທຶນໃໝ່ສຳລັບການຊອກຄົ້ນ ແລະ ສຳຫລວດແຮ່ທາດ, ການ ປູກຢາງພາລາ ແລະ ໄມ້ວິກໃນ ຂອບເຂດທົ່ວປະເທດ ແລະ ສະ ພາບການລົງທຶນຂອງລັດ ໃນສົກ ປີ 2013-2014. ຮັບຟັງບົດລາຍ ງານສະພາບພ້ົນເດັ່ນໃນການຈັດ ຕັ້ງປະຕິບັດແຜ່ນງົບປະມານ ແຫ່ງລັດ ສົກປີ 2012-2013 ແລະ ຄາດໝາຍ, ແຜນການ, ມາດຕະ ການຈັດຕັ້ງປະຕິບັດແຜນງົບປະ ມານ ໃນໃສົກປີ 2013-2014; ສະ ພາບການເກັບລາຍຮັບງົບປະ ມານ ແລະ ມາດຕະການຊຸກຍູ້ໃນ ຕໍ່ໜ້າ, ຮັບຟັງບົດລາຍງານສະ ພາບພົ້ນເດັ່ນໃນການຈັດຕັ້ງປະຕິ ບັດແຜນເງິນຕາ ສົກປີ 2012- 2013 ແລະ ຄາດໝາຍ, ແຜນ ການ, ມາດຕະການຈັດຕັ້ງປະຕິ ບັດແຜນເງິນຕາ ໃນສົກປີ 2013- 2014; ຮັບຟັງບົດລາຍ ງານກ່ຽວ ກັບບາງສະພາບພົ້ນເດັ່ນຂອງ ເສດຖະກິດມະຫາພາກ ແລະ ມາດຕະການແກ້ໄຂຜົນກະທົບຈາກອຸທົກກະໄພ;

ພິຈາລະນາ ແລະ ຮັບຮອງເອົາການສ້າງຕັ້ງ ແຂວງໃໝ່. ພິຈາລະນາ ແລະ ຮັບຮອງເອົາບົດລາຍງານຜົນການກວດສອບບົດ ສະຫລຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດສົກປີ 2011-2012 ແລະ ຮັບຟັງບົດລາຍງານກ່ຽວກັບການ ຈັດຕັ້ງປະຕິບັດວຽກງານຂອງຄະນະປະຈຳສະພາແຫ່ງຊາດໃນລະຫວ່າງກອງປ ຊຸມສະໄໝສາມັນເທື່ອທີ 5 ຫາ  ກອງປະຊຸມ ສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ VII. ພ້ອມນີ້, ກອງປະຊຸມຍັງໄດ້ພິຈາລະນາການສ້າງ ແລະ ປັບປຸງກົດ ໝາຍຈຳນວນ 15 ສະບັບ,  ໃນນັ້ນ ມີກົດໝາຍສ້າງໃໝ່ຈຳນວນ 6 ສະບັບ ຄືກົດໝາຍວ່າດ້ວຍອົງການໄອຍະການທະ ຫານ, ກົດໝາຍວ່າດ້ວຍສານທະຫານ, ກົດໝາຍວ່າດ້ວຍວຽກ ງານປ້ອງກັນຄວາມສະຫງົບ, ກົດໝາຍວ່າດ້ວຍການດຳເນີນຄະດີ ເດັກ, ກົດໝາຍວ່າດ້ວຍຄວາມປອດໄພທາງເຕັກໂນໂລຊີຊີວະ ພາບ ແລະ ກົດໝາຍວ່າດ້ວຍອະ ຊີວະສຶກສາ ແລະ ກົດໝາຍ ປັບປຸງຈຳນວນ 9 ສະບັບ ຄືກົດໝາຍວ່າດ້ວຍແຮງງານ, ກົດໝາຍວ່າດ້ວຍວິສາຫະກິດ, ກົດໝາຍວ່າດ້ວຍການບັນຊີ, ກົດ ໝາຍວ່າດ້ວຍການໄປສະນີ, ກົດໝາຍວ່າດ້ວຍການວັດແທກ, ກົດໝາຍວ່າດ້ວຍຊັບພະຍາກອນນ້ຳ, ກົດໝາຍວ່າດ້ວຍມູນ ມໍລະດົກແຫ່ງຊາດ, ກົດໝາຍວ່າດ້ວຍອຸດສາຫະກຳປຸ່ງແຕ່ງ ແລະ ກົດໝາຍວ່າດ້ວຍອາກອນມູນຄ່າເພີ່ມ.

      ໃນໄລຍະດຳເນີນກອງປະຊຸມສະພາແຫ່ງຊາດຈະໄດ້ຈັດຕັ້ງໜ່ວຍງານຮັບຜິດຊອບໂທລະສັບສາຍດ່ວນເພື່ອຮັບຮອງເອົາ ຄຳຄິດເຫັນ ແລະ ຄຳສະເໜີໂດຍກົງຈາກປະຊາຊົນທີ່ຈະສົ່ງໄປຍັງກອງປະຊຸມຜ່ານໂທລະສັບບໍ່ເສຍຄ່າໝາຍເລກ 156, ໂທລະ ສານໝາຍເລກ 021 452627 ຫລື ສົ່ງ ເປັນຈົດໝາຍທາງໄປສະນີຕູ້ປນ. 662.