ເມື່ອມໍ່ໆມານີ້, ທ່ານ ເສດຖາ ກັນຍາວັນ
ຮອງຜູ້ອຳນວຍ ການທະນາຄານນະໂຍບາຍ ໄດ້ຊີ້ແຈງບັນຫາການແກ້ໄຂລູກຄ້າຂອງທະນາຄານນະໂຍບາຍທີ່ຮັບຜົນກະທົບຈາກໄພນ້ຳຖ້ວມໃນລະ
ດູຝົນຂອງປີນີ້ ຢູ່ແຂວງອຸດົມໄຊ ແລະ ຢູ່ 4 ແຂວງພາກໃຕ້ ເຊິ່ງ ທ່ານໄດ້ຢືນຢັນວ່າ:
ຈະເລື່ອນການຊຳລະຕົ້ນທຶນໄປອີກ 1 ລະດູການສຳລັບເງິນກູ້ໄລຍະສັ້ນ, ສ່ວນລູກຄ້າເງິນກູ້ໄລຍະກາງ
ແລະ ໄລຍະຍາວແມ່ນຈະເລື່ອນການຊຳລະສູງສຸດບໍ່ກາຍ 2 ລະດູການ.
ທ່ານຮອງອຳນວຍການທະນາຄານນະໂຍບາຍ
ແຈ້ງວ່າ: ຜ່ານການສຳຫລວດ ແລະ ເກັບກຳຂໍ້ມູນຕົວຈິງຈາກພະນັກງານຂັ້ນນຳ ແລະ
ຂັ້ນວິຊາການຂອງທະນາຄານນະໂຍບາຍຢູ່ທ້ອງຖິ່ນທີ່ໄດ້ຮັບຜົນກະທົບຈາກໄພນ້ຳ
ຖ້ວມໃນລະດູຝົນຂອງປີນີ້, ເວົ້າ ສະເພາະຕໍ່ລູກຄ້າຂອງທະນາ ຄານນະໂຍບາຍທີ່ປະສົບໄພດັ່ງ
ກ່າວຢູ່ແຂວງອຸດົມໄຊ, ຈຳປາສັກ, ສາລະວັນ, ເຊກອງ ແລະ ແຂວງອັດຕະປື ໃນວົງເງິນທັງໝົດ
10,23 ຕື້ກວ່າກີບ ກວມ 12 ເມືອງ, 121 ບ້ານ ແລະ ມີ 2.830 ຄອບຄົວ ແລະ ມີເນື້ອທີ່ການຜະ
ລິດໄດ້ຮັບຜົນກະທົບ 1.154 ເຮັກ ຕາ ໃນນີ້ສຳລັບຢູ່ແຂວງອຸດົມໄຊ ລູກຄ້າທີ່ໄດ້ຮັບຜົນກະທົບຈາກໄພນ້ຳຖ້ວມມີ
981 ຄອບຄົວ ໃນວົງເງິນທັງໝົດ 3,46 ຕື້ກວ່າກີບ ກວມເອົາ 3 ເມືອງ, ມີ 41 ບ້ານ
ແລະ ມີເນື້ອທີ່ເສຍຫາຍ
790 ກວ່າເຮັກຕາ, ສ່ວນຢູ່ 4 ແຂວງພາກໃຕ້ກໍມີລູກຄ້າທີ່ໄດ້ຮັບຜົນກະທົບຈາກໄພນ້ຳຖ້ວມ
1.849 ຄອບຄົວ ໃນວົງເງິນທັງໝົດ 6,67 ຕື້ກວ່າກີບ ກວມເອົາ 9 ເມືອງ, ມີ 80 ບ້ານ
ແລະ ມີເນື້ອທີ່ເສຍຫາຍ 1.154 ກວ່າເຮັກຕາ.
ໃນດ້ານມາດຕະການການຊ່ວຍເຫລືອຜົນກະທົບດັ່ງກ່າວ,
ທ່ານຮອງຜູ້ອຳນວຍການທະນາຄານນະໂຍ ບາຍໃຫ້ຮູ້ວ່າ: ໂດຍເບື້ອງຕົ້ນໄດ້ສັງລວມຜົນກະທົບ
ແລະ ຄວາມຕ້ອງການຂອງລູກຄ້າດັ່ງກ່າວ ເພື່ອຈະນຳສະເໜີຄະນະຜູ້ວ່າການທະນາຄານແຫ່ງ
ສປປ ລາວ ພິຈາລະນາ ແລະ ອະ ນຸມັດຕາມຄວາມເປັນຈິງ, ໃນດ້ານມາດຕະການການຊ່ວຍເຫລືອ
ແມ່ນຈະເລື່ອນການຊຳລະຕົ້ນທຶນໄປອີກ 1 ລະດູການສຳລັບເງິນກູ້ໄລຍະສັ້ນ, ສ່ວນລູກຄ້າເງິນກູ້ໄລຍະກາງ
ແລະ ໄລຍະຍາວ ແມ່ນຈະເລື່ອນການຊຳລະສູງສຸດບໍ່ກາຍ 2 ລະດູການ, ສະໜອງສິນເຊື່ອຟື້ນຟູການຜະລິດເພື່ອທົດແທນຜົນເສຍຫາຍຈາກນ້ຳຖ້ວມໃນປີ
2013 ແລະ ສິນເຊື່ອການຜະລິດໃນລະດູແລ້ງ ສົກປີ 2014, ເຍື້ອນເວລາຊຳລະຕົ້ນທຶນ ແລະ ດອກເບ້ຍຕາມຄວາມເໝາະສົມ
(ນຳໃຊ້ມາດຕະການຄ້າຍຄືກັບການແກ້ໄຂຜົນກະ ທົບໄພທຳມະຊາດໃນປີ 2011).
No comments:
Post a Comment