ເຖິງແມ່ນວ່າການສົ່ງອອກ ແລະ ນຳເຂົ້າສິນຄ້າຜ່ານດ່ານສາ
ກົນຂົວມິດຕະພາບ I ວຽງຈັນ- ໜອງຄາຍຈະມີປະລິມານເພີ່ມຂຶ້ນ, ແຕ່ເມື່ອເບິ່ງໂຕເລກການເກັບລາຍຮັບຕົວຈິງແລ້ວແມ່ນບໍ່ບັນລຸເປົ້າໝາຍວາງໄວ້
ຍ້ອນໃນສົກປີ 2012-2013 ມີການຍົກເວັ້ນ ພາສີເປັນຈຳນວນຫລາຍ.
ທ່ານ ບຸນເກີດ ສຸວັນນະເສນ ຮອງຫົວໜ້າດ່ານພາສີສາກົນຂົວມິດຕະພາບ
I ໃຫ້ສຳພາດຕໍ່ນັກຂ່າວໜັງສືພິມລາວພັດທະນາ ໃນວັນທີ 3 ທັນວານີ້ວ່າ: ດ່ານພາສີສາກົນແຫ່ງນີ້ແມ່ນຂຶ້ນກັບພາສີເຂດ
V. ໃນສົກປີ 2012-2013 (ນັບແຕ່ 1 ຕຸລາ 2012 ຫາ 30 ກັນ ຍາ 2013) ສາມາດເກັບລາຍຮັບໄດ້ປະມານ
2.330 ຕື້ກວ່າກີບທຽບໃສ່ແຜນ ການປີປະຕິບັດໄດ້ 99% (ແຜນການປີແມ່ນ 2.351 ຕື້ກີບ)
ແລະ ທຽບໃສ່ໄລຍະດຽວກັນຂອງສົກປີ 2011-2012 ປະຕິ ບັດໄດ້ 117% ໂດຍສິນຄ້າທີ່ຜ່ານເຂົ້າ-ອອກສ່ວນຫລາຍແມ່ນປະເພດພາຫະນະ,
ນ້ຳມັນເຊື້ອໄຟ, ອຸປະກອນກໍ່ສ້າງ, ອາໄຫລ່, ສິນ ຄ້າອຸປະໂພກ-ບໍລິໂພກ. ນອກຈາກນີ້
ມີຜູ້ໂດຍສານຜ່ານດ່ານເຂົ້າ-ອອກ 1 ລ້ານກວ່າເທື່ອຄົນ, ພາຫະນະ 4 ແສນກວ່າເທື່ອຄັນ,
ມູນຄ່າສິນຄ້າສົ່ງອອກ 245 ລ້ານໂດລາສະຫະລັດ ແລະ ມູນຄ່ານຳເຂົ້າ 3.596 ລ້ານກວ່າໂດລາສະຫະລັດ.
ທ່ານ ບຸນເກີດ ກ່າວວ່າ: ສາເຫດທີ່ເຮັດໃຫ້ການເກັບລາຍຮັບບໍ່ໄດ້ຕາມແຜນແມ່ນສິນຄ້າທີ່ນຳເຂົ້າຕົ້ນຕໍສ່ວນຫລາຍມີການຍົກເວັ້ນພາສີເຊັ່ນ:
ນ້ຳມັນເຊື້ອໄຟ, ພາຫະນະ, ຊີມັງ, ເຫລັກ ແລະ ອື່ນໆ ເພື່ອມາຮັບໃຊ້ໂຄງການບູລິມະສິດຕ່າງໆຂອງລັດ
ໂດຍສະເພາະນ້ຳມັນເຊື້ອໄຟໃນສົກປີ 2011-2012 ມີການຍົກເວັ້ນພາສີຈຳນວນ 55 ລ້ານກວ່າລິດ
ມູນຄ່າ 29 ລ້ານກວ່າໂດລາສະຫະລັດ ແລະ ໃນສົກປີ 2012-2013 ມີເຖິງ 79 ລ້ານກວ່າລິດ
ມີມູນຄ່າ 46 ລ້ານກວ່າໂດລາສະຫະລັດ, ປະເພດເຄື່ອງກໍ່ສ້າງປີ 2011-2012 ມີມູນຄ່າຍົກເວັ້ນພາສີ
334 ລ້ານກວ່າໂດລາສະຫະລັດ, ສົກປີ 2012- 2013 ມີເຖິງ 473 ລ້ານກວ່າໂດລາສະຫະລັດ.
ນອກຈາກນີ້ ການເກັບອາກອນທີ່ຕິດພັນກັບການນຳເຂົ້າໄດ້ຫລຸດລົງເຊັ່ນ: ອັດຕາອາກອນຊົມໃຊ້ນ້ຳມັນເຊື້ອໄຟແອັດຊັງທຳມະດາຈາກ
24% ມາເປັນ 20%, ກາຊວນຈາກ 12% ມາເປັນ 10%. ອີກບັນຫາໜຶ່ງແມ່ນພະນັກງານຈຳນວນໜຶ່ງແນວຄິດການເມືອງຍັງບໍ່ທັນໜັກແໜ້ນ,
ຍັງຮັກສາແນວຄິດຄອງເດີມ ແລະ ຜູ້ປະກອບການຈຳ ນວນໜຶ່ງຍັງບໍ່ທັນຕື່ນຕົວໃນການແຈ້ງພາສີ,
ມີການປິດບັງເຊື່ອງ ອຳເຈົ້າໜ້າທີ່ເປັນຈຳນວນຫລາຍ.
No comments:
Post a Comment