ປັດຈຸບັນ ສະພາບການເກັບມ້ຽນຂີ້ເຫຍື້ອຢູ່ນະຄອນຫລວງວຽງຈັນເບິ່ງຄືວ່ານັບມື້ອ່ອນເພຍລົງທຸກທີ,
ໃນຂະນະທີ່ ພັກ- ລັດ ໄດ້ປະກອບວັດຖຸອຸປະກອນ ແລະ ລົດລາງພາຫະນະຕ່າງໆເປັນຈຳນວນບໍ່ໜ້ອຍ
ຄຽງຄູ່ກັນນັ້ນ ກໍມີການຊ່ວຍເຫລືອຈາກບາງປະເທດເພື່ອນມິດກໍມີຫລາຍ, ແຕ່ແລ້ວ
ການເຄື່ອນໄຫວຂອງໜ່ວຍງານດັ່ງກ່າວກໍເຮັດໄດ້ພຽງອາທິດລະຄັ້ງຢູ່ໃນແຕ່ລະ
ເຂດທີ່ໄດ້ຈັດສັນ.
ດັ່ງນັ້ນ ຈຶ່ງກໍ່ໃຫ້ເກີດມີສະພາບຂີ້ເຫຍື້ອລົ້ນຖັງ ແລະ ປະກອງໄວ້ເປັນຈຳນວນບໍ່ໜ້ອຍຢູ່ແຕ່ລະແຫ່ງດັ່ງກ່າວ
ອັນໄດ້ກໍ່ໃຫ້ເກີດມີສະພາບເໝັນເໜົ່າ ສົ່ງຜົນກະທົບຕໍ່ສະພາບແວດລ້ອມ ແລະ
ຄວາມສະອາດສວຍງາມຂອງຕົວເມືອງ ໂດຍສະເພາະແມ່ນຢູ່ເຂດສວນເຈົ້າອານຸວົງ, ເສັ້ນທາງລຽບແຄມຂອງ,
ເຂດອ້ອມແອ້ມສວນປະຕູໄຊ ແລະ ບ່ອນສາທາລະນະຊົນອື່ນໆ ເຮັດໃຫ້ເກີດມີຫາງສຽງຈົ່ມວ່າຈາກສັງຄົມເປັນຈຳນວນບໍ່ໜ້ອຍ
ໂດຍສະເພາະແມ່ນເຮັດໃຫ້ການປະຕິ ບັດຄຳຂວັນ ສ.ສະອາດ ຂອງນະ ຄອນຫລວງວຽງຈັນວາງອອກ
ດຳເນີນໄປໄດ້ຍາກ. ນີ້ກໍຍ້ອນວ່າຜູ້ປະກອບການຈັດເກັບຂີ້ເຫຍື້ອ ດຳເນີນການຫລ້າຊ້າແກ່ຍາວ
ເຮັດໃຫ້ພາບພົດຂອງຕົວເມືອງບໍ່ຄ່ອຍປະທັບໃຈໃຫ້ແກ່ຜູ້ມາທ່ຽວຊົມ.
ຕໍ່ສະພາບດັ່ງກ່າວ, ສັງຄົມຈຶ່ງຮຽກຮ້ອງໄປຍັງຜູ້ປະກອບການເກັບມ້ຽນຂີ້ເຫຍື້ອ
ຕ້ອງໄດ້ໃສ່ໃຈຕື່ມໃນຄວາມຮັບຜິດຊອບຂອງຕົນ, ບໍ່ຄວນປະປ່ອຍໃຫ້ສະພາບເລັກໆນ້ອຍໆນີ້ເປັນບັນຫາບານປາຍ.
No comments:
Post a Comment