ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ
ມອດໄຟ ນະຄອນຫຼວງວຽງຈັນ ໃຫ້ຮູ້ວ່າ: ໃນເວລາປະມານ 11 ໂມງ ຂອງວັນທີ 9 ກຸມພານີ້
ໄດ້ເກີດໄຟໄໝ້ເຮືອນ ຢູ່ເຂດບ້ານສະພານທອງເໜືອເມືອງສີສັດຕະນາກ ນະຄອນຫຼວງວຽງຈັນ
ຊຶ່ງທາງເຈົ້າໜ້າທີ່ໄດ້ນຳໃຊ້ລົດສິດນ້ຳ 5 ຄັນ ແລະ ໃຊ້ເວລາກວ່າ 2 ຊົ່ວໂມງຈຶ່ງສາມາດຄວບຄຸມໄຟບໍ່ໃຫ້ລຸກໄໝ້ເປັນວົງກວ້າງ
ແລະ ໂຊກດເຫດການດັ່ງກ່າວບໍ່ມີໃຜໄດ້ຮັບບາດເຈັບ ແລະ ເສຍຊີວິດ ແຕ່ໄດ້ເຮັດໃຫ້ເຮືອນຫ້ອງແຖວຖືກເສຍຫາຍໝົດຫຼັງໂດຍ
ສາເຫດຂອງໄຟໄໝ້ຄັ້ງນີ້ເຈົ້າໜ້າທີ່ຍັງສືບສວນ-ສອບສວນຢູ່.
ເຈົ້າໜ້າທີ່ຕຳຫຼວດສະກັດກັ້ນ ແລະ ມອດໄຟນະຄອນຫຼວງວຽງຈັນ
ກ່າວວ່າ: ປັດຈຸບັນສະພາບອັກຄີໄພຢູ່ນະຄອນ ຫຼວງວຽງຈັນໄດ້ເກີດຂຶ້ນຢ່າງຕໍ່ເນື່ອງໂດຍສະເພາະໃນໄລຍະອາທິດຜ່ານມາຊຶ່ງມີອັກຄີໄພເກີດຂຶ້ນຫຼາຍກວ່າ
3 ຄັ້ງ ເຮັດໃຫ້ມີເຮືອນປະຊາຊົນເສຍຫາຍຫຼາຍກວ່າ 3 ຫຼັງ ແລະ ມີມູນຄ່າເສຍຫາຍເປັນຈຳນວນຫລາຍ
ໂດຍສາເຫດສ່ວນຫລາຍຍ້ອນໄຟຟ້າລັດວົງຈອນ, ໄຕ້ທູບທຽນບູຊາ ແລະ ອື່ນໆ, ຂອງເຈົ້າໜ້າທີ່ໄດ້ໃຫ້ທັດ
ສະນະວ່າ: ເນື່ອງຈາກປັດຈຸບັນ ສະພາບອາກາດໄດ້ເລີ່ມເຂົ້າສູ່ລະດູແລ້ງ ແລະ
ມີອາກາດຮ້ອນອົບເອົ້າ ສະນັ້ນ ຈຶ່ງເຮັດໃຫ້ສັງຄົມມີການນຳໃຊ້ຟືນໄຟຫຼາຍຂຶ້ນເປັນ
ຕົ້ນແມ່ນເຄື່ອງໃຊ້ໄຟຟ້າ ແລະ ອື່ນໆ ຊຶ່ງຫາກບໍ່ມີຄວາມລະມັດລະວັງກໍຈະເຮັດໃຫ້ເກີດອັກຄີໄພໄດ້ງ່າຍ
ແລະ ຍັງພົບວ່າມີກຸ່ມຄົນຈຳນວນໜຶ່ງ ສວຍໂອກາດຊ່ວງໜ້າຮ້ອນມັກຈູດປ່າ ແລະ ຈູດຂີ້ເຫຍື້ອຊະຊາຍຊຶ່ງເຮັດໃຫ້ເກີດໄຟໄດ້ງ່າຍ.
No comments:
Post a Comment