ໃນວັນທີ 7 ກຸມພານີ້ ວິທະຍຸສາກົນ CRI
FM 93 ຢູ່ບ້ານໜອງບອນ ເມືອງໄຊເສດຖາ ນະຄອນຫຼວງວຽງຈັນ ໄດ້ຈັດງານມອບລາງວັນ ໃຫ້ກັບມິດລາຍ ການທີ່ຮ່ວມຕອບຄຳຖາມຊີງລາງວັນ
ແລະ ໂອກາດດຽວກັນກໍຈັດງານພົບ ປະສື່ ມວນຊົນລາວເພື່ອສ້າງສາຍສຳພັນມິດຕະພາບການພົວພັນຮ່ວມມືລະຫວ່າງ
ລາວ ແລະ ຈີນ ໃຫ້ແໜ້ນແຟ້ນຂຶ້ນຊຶ່ງໄດ້ຮັບກຽດເຂົ້າ ຮ່ວມຂອງທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວແຫ່ງ
ສປປ ລາວ, ທ່ານ ສີພາ ນົງລາດ ຜູ້ອຳນວຍ ການ ວິທະຍຸແຫ່ງຊາດລາວພ້ອມດ້ວຍບັນດາສື່ມວນຊົນ ແລະ
ມິດລາຍການວິທະຍຸເຂົ້າຮ່ວມ.
ທ່ານ ນາງ ແສງແກ້ວ ຫົວໜ້າວິທະຍຸດັ່ງກ່າວໃຫ້ຮູ້ວ່າ:
ໃນປີຜ່ານມາມີມິດລາຍການເກືອບ 2 ພັນເທື່ອຄົນ ໄດ້ຮ່ວມກິດ ຈະກຳຮູ້ຮອບໂລກຊີງໂຊກສາມຊັ້ນ ຊຶ່ງເປີດໃຫ້ຜູ້ຟັງລາຍການໄດ້ຮ່ວມຕອບຄຳຖາມເພື່ອຊີງລາງວັນກັບວິທະຍຸໂດຍໄດ້ຮັບ
ຄວາມສົນໃຈຈາກສັງຄົມເປັນຈຳນວນຫຼາຍ ແລະ ເຮັດໃຫ້ວິທະຍຸຂອງພວກເຮົາໄດ້ເປັນທີ່ຍອມຮັບຈາກສັງຄົມຫຼາຍຂຶ້ນ
ແລະ ໃນຕໍ່ໜ້າ CRI FM 93 ຈະພະຍາຍາມຮັບໃຊ້ທ່ານຜູ້ຟັງໃຫ້ດີກວ່າເກົ່າພ້ອມທັງຈະເພີ່ມສີສັນລາຍການໃຫ້ມີຄວາມຫຼາກ
ຫຼາຍເຮັດໃຫ້ຜູ້ຟັງໄດ້ມີຄວາມຮູ້ສາລະບັນເທີງ ແລະ ອື່ນໆຫຼາຍຂຶ້ນ.
No comments:
Post a Comment