ໃນວັນທີ 15 ເມສານີ້,ທ່ານ ທອງສິງ ທຳມະວົງ ກຳມະການກົມການເມືອງ ສູນກາງພັກ, ນາຍົກລັດຖະມົນຕີໄດ້ໃຫ້ກຽດເຂົ້າຮ່ວມເປີດງານແຫ່ຫວໍ່ທີ່ເມືອງ ຫລວງພະບາງສະຫລອງສົງການປີໃໝ່ລາວພ້ອມດ້ວຍການນຳພັກ-ລັດ
ແລະ ຊາວຫລວງພະບາງເຂົ້າຮ່ວມຢ່າງຫລວງຫຼາຍ.
ໃນໂອກາດນີ້, ທ່ານ ນາຍົກລັດຖະມົນຕີໄດ້ໃຫ້ກຽດລັ່ນຄ້ອງ ເກົ້າບາດ ເພື່ອເປັນສິລິມຸງຄຸນແກ່ງານດັ່ງກ່າວພ້ອມທັງຊົມຂະບວນກ້ອນກຳລັງແຫ່ຫວໍ່ແຕ່ວັດ ທາດນ້ອຍຫາວັດຊຽງທອງມີ 51 ຂະບວນທີ່ໃຊ້ມວນຊົນກວ່າ 5 ພັນຄົນ,
ໃນນັ້ນ ມີຂະບວນຫວໍ່ພະສົງສະມາເນນຫລາຍ ກ່າວ 200 ອົງ, ຂະບວນນາງສັງຂານຂີ່ເສືອເປັນພະຫະນະ,
ຂະບວນປະຊາຊົນເມືອງຕ່າງໆອ້ອມຂ້າງ, ຂະບວນພະແນກ ການຕ່າງໆ ແລະ ຂະບວນນັກຮຽນ, ນັກສຶກສາ ແລະ
ຊາວເມືອງຫຼວງພະບາງເຂົ້າຮ່ວມຫຼາຍໝື່ນຄົນທີ່ສ່ອງແສງໃຫ້ເຫັນວັດ ທະນະທຳອັນດີງາມຂອງຊາວຫຼວງພະບາງທີ່ມີມາແຕ່ດົນນານແລ້ວນັ້ນຍິ່ງໄດ້ຮັບການສົ່ງເສີມ
ແລະ ໃນໂອກາດອັນສະຫງ່າ
ລາສີນີ້, ທ່ານ ນາຍົກລັດຖະມົນຕີ ທອງສິງ ທຳມະວົງ ຍັງໄດ້ຢ້ຽມຢາມທ່ຽວຊົມບ້ານວັດທະນະ
ທຳເຜົ່າລື້ທີ່ບ້ານຜານົມ, ຊົມການສະແດງສິລະປະວັນນະຄະດີທີ່ເປັນເອກະລັກຂອງເຜົ່າລື້ ແລະ
ຮ່ວມພິທີບາສີສູ່ຂວັນໃຫ້ແກ່ ການນຳຂັ້ນຕ່າງໆ.
ງານແຫ່ຫວໍ່ເປັນພິທີກຳໜຶ່ງໃນງານບຸນສົງການປີໃໝ່ລາວຢູ່ເມືອງມໍລະດົກໂລກຊຶ່ງເຄີຍຈັດຂຶ້ນຢ່າງຍິ່ງໃຫຍ່ເປັນເວລາຕິດ
ຕໍ່ກັນໃນແຕ່ລະປີ 11 ວັນຄືປີນີ້ກໍພໍ ດີວັນທີ 10-20 ເມສາ, ຕາມຮີດຄອງປະເພນີອັນດີງາມຂອງລາວເຮົາທີ່ໄດ້ສືບສານມາແຕ່
ບູຮານນະການ ແລະ ສະເພາະເທສະການປີໃໝ່ປີນີ້ຢູ່ຫຼວງພະບາງຍັງຈັດໃຫ້ມີງານຕະຫຼາດນັດວາງສະແດງສິນຄ້າ,
ການແຂ່ງ ຂັນກິລາພື້ນເມືອງ, ການສະແດງສິນລະປະວັນນະຄະດີ, ພິທີຊ້າງຮຽງເກີຍ, ການປະກວດນາງສັງຂານ,
ການຕົບພະທາດຊາຍ ທີ່ດອນຊາຍມົງຄົນ, ການຈູດບັ້ງໄຟ, ການບູຊາພະທາດຫຼວງ ແລະ ພິທີບາສີສູ່ຂວັນ,
ການແຫ່ພະຍານາກ ແລະ ໂຄມໄຟຈາກ ພະທາດຈອມສີລົງສູ່ນ້ຳພ້ອມດ້ວຍການສະແດງລະຄອນພະລັກພະລາມ, ຟ້ອນຍັກຟ້ອນລີງ
ແລະ ຟ້ອນນາງແກ້ວ, ພິທີອັງ ເຊີນພະບາງຈາກຫໍເພື່ອໄປປະດິດສະຖານຢູ່ວັດໃໝ່ສຸວັນນະພູມເພື່ອປະຊາຊົນໄດ້ຫົດສົງ.
No comments:
Post a Comment