ຕາມຕົວເລກສະຖິຕິໃຫ້ຮູ້ວ່າ: ໄລ່ມາຮອດປີ 2012 ທົ່ວປະເທດ
ມີຍານພາຫະນະ 1,2 ລ້ານກວ່າ ຄັນ ແລະ ມາຮອດປີ 2013 ເພີ່ມ ຂຶ້ນ 10,47%. ແຕ່ຄຽງຄູ່ກັບການເຕີບໂຕດັ່ງກ່າວສິ່ງທີ່ຍັງເປັນບັນຫາຕາມມາແມ່ນສະພາບລົດເສຍເຫັນ ວ່າເກີດ ຂຶ້ນຕໍ່ເນື່ອງຈາກກຸ່ມໄວລຸ້ນບໍ່ດີຈຳນວນໜຶ່ງກຳລັງຮ່ວມກັນເຄື່ອນໄຫວລັກລົດເພື່ອຈະນຳໄປຂາຍຕ່າງແຂວງອັນໄດ້ສ້າງ ຄວາມບໍ່ສະຫງົບໃຫ້ສັງຄົມບໍ່ໜ້ອຍ.
ເຈົ້າໜ້າທີ່ ປກສ ນະຄອນ ຫຼວງວຽງຈັນໃຫ້ຮູ້ວ່າ:
ປັດຈຸ ບັນສະພາບລັກຊັບພົນລະເມືອງ ກວມ 80% ແລະ ສ່ວນ ໃຫຍ່ແມ່ນ ການລັກລົດຈາກກຸ່ມຄົນບໍ່ດີຈຳ
ນວນໜຶ່ງທີ່ພົວພັນກັບສິ່ງເສບຕິດຄື: ນັບແຕ່ຕົ້ນປີມານີ້ ມີລົດໃຫຍ ເສຍຫາຍຫຼາຍ ກວ່າ 40 ຄັນ
ແລະ ໃນທ້າຍອາທິດຜ່ານມານີ້ ກໍມີຄົນ ບໍ່ດີລັກລົດຂອງປະຊາຊົນຢູ່ເຂດບ້ານຈອມມະນີ, ເມືອງໄຊເສດ
ຖາ, ນະຄອນຫຼວງວຽງຈັນ ພາຍຫຼັງເກີດເຫດເຊິ່ງທາງເຈົ້າໜ້າທີ່ກໍໄດ້ມີການຕັ້ງໜ່ວຍສະ
ເພາະຕິດຕາມ ແລະ ພົບວ່າຂະ ບວນ ການດັ່ງກ່າວແມ່ນເຮັດ ເປັນກຸ່ມແກ້ງ ແລະ ເອົາໄປຂາຍ ຢູ່ຕ່າງແຂວງຊຶ່ງເຈົ້າໜ້າທີ່ກໍກຳລັງເລັ່ງສະກັດກັ້ນ
ແລະ ປາບຂະ ບວນ ການດັ່ງກ່າວເພື່ອເຮັດໃຫ້ ສັງຄົມມີຄວາມສະຫງົບ.
ເຈົ້າໜ້າທີ່ສະແດງຄວາມ ເປັນຫ່ວງວ່າ: ສັງຄົມຕ້ອງມີສະ
ຕິໃນການຮັກສາຊັບສິນຂອງຕົນບໍ່ຄວນຈອດ ລົດໄວ້ຊະ ຊາຍເພາະປັດຈຸບັນແກ້ງລັກລົດໃຫຍ່ໄດ້ ເລີ່ມາລະບາດອີກແລ້ວ,
ດັ່ງປີ ຜ່ານມາເຈົ້າໜ້າທີ່ກໍສາມາດມ້າງຂະບວນລັກລົດວີໂກ້, ຊຶ່ງນັບວ່າ ເປັນຄະດີລາຍໃຫຍ່
ແລະ ສາ ມາດຈັບຕົວຜູ້ຮ້າຍມາດຳເນີນຄະດີໄດ້. ແນວໃດກໍຂໍຮຽກຮ້ອງໃຫ້ ສັງຄົມມີສະ ຕິຊ່ວຍກັນສະກັດກັ້ນ
ແລະ ຕ້ານປະກົດການຫຍໍ້ທໍ້ດັ່ງ ກ່າວໃຫ້ຫຼຸດຜ່ອນລົງ.
ເຈົ້າໜ້າທີ່ ປກສ ນະຄອນ ຫຼວງວຽງຈັນ ໃຫ້ຮູ້ວ່າ:
ໃນປີ ຜ່ານມາມີລົດເສຍ 428 ຄັນ ສ່ວນ ໃຫຍ່ ແມ່ນປະເພດ ລົດຈັກ 389 ຄັນ, ລົດໃຫຍ່ 37 ຄັນ,
ແຕ່ທຽບ ໃສ່ໃນໄລຍະຕົ້ນປີມານີ້ ເຫັນວ່າ ຈຳນວນລົດໃຫຍ່ເສຍແມ່ນເພີ່ມ ຂຶ້ນ.
No comments:
Post a Comment