ກົມສ່ວຍສາອາກອນ ກະຊວງການເງິນ ໄດ້ໃຫ້ບໍລິການການເກັບອາກອນຍານພາຫະນະແບບທັນສະໄໝແທນການເກັບໃບເສຍຄ່າທຳນຽມແບບເກົ່າຢູ່ນະຄອນ
ຫລວງວຽງຈັນ, ພາຍຫລັງລັດ ຖະບານໄດ້ປະກາດໃຊ້ອາກອນຍານພາ ຫະນະເມື່ອບໍ່ດົນມານີ້
ໂດຍສະເພາະລົດຈັກ ແລະ ລົດໃຫຍ່ ເຊິ່ງຜູ້ໃຊ້ລົດຕ້ອງມີພັນທະໃຫ້ແກ່ລັດຕໍ່ກັບການນຳໃຊ້ຍານ
ພາຫະນະຕາມລະບຽບກົດໝາຍວາງອອກ ແລະ ການເກັບອາ ກອນຈາກຍານພາຫະນະດ້ວຍ ລະບົບເອເລັກໂຕຣນິກເຂົ້າມາຄຸ້ມຄອງຊ່ວຍ
ເພື່ອອຳນວຍຄວາມສະດວກໃຫ້ແກ່ປະຊາຊົນທຸກຊັ້ນຄົນ, ຫົວໜ່ວຍທຸລະກິດ, ອົງການຈັດຕັ້ງຕ່າງໆສາມາດເຂົ້າເຖິງການບໍລິການໃນການເກັບອາກອນຍານພາຫະນະໃຫ້ມີຄວາມປອດໃສ,
ຖືກຕ້ອງຄົບຖ້ວນ, ວ່ອງໄວ ແລະ ສ້າງຄວາມໝັ້ນໃຈໃຫ້ແກ່ຜູ້ເສຍອາກອນ ແລະ ໃຫ້ພະນັກງານ,
ທະຫານ, ຕຳຫລວດ, ປະຊາຊົນ, ບຸກຄົນ, ນິຕິບຸກຄົນ, ອົງການ
ຈັດຕັ້ງຂອງລັດ ແລະ ເອກະຊົນ
ທີ່ດຳເນີນທຸລະກິດໃຫ້ໄປລົງທະບຽນຍານ ພາຫະນະທີ່ຕົນເປັນເຈົ້າຂອງ ຫລື ມີກຳສິດຍານພາຫະນະທຸກປະເພດນຳກົມສ່ວຍສາອາກອນ
ຄືສາມາດລົງທະບຽນໄດ້ແຕ່ຕົ້ນ ປີ 2014 ເປັນຕົ້ນໄປ ໃນທຸກວັນລັດຖະການ, ໃຫ້ສຳເນົາພ້ອມດ້ວຍເອກະສານຕົວຈິງ
ໃບທະ ບຽນຍານພາຫະນະຕົວຈິງ (ລົດ ຈັກ, ລົດໃຫຍ່) ແລະ ສຳເນົາ ພ້ອມດ້ວຍເອກະສານຕົວຈິງ
ບັດ ປະຈຳຕົວ ຫລື ສຳມະໂນຄົວ, Passport (ສຳລັບຄົນຕ່າງປະເທດ) ຂອງຜູ້ທີ່ເປັນເຈົ້າຂອງຍານພາຫະນະທີ່ລົງທະບຽນ.
ສຳລັບຍານພາຫະນະ (ລົດຈັກ, ລົດໃຫຍ່) ທີ່ອົງການຈັດຕັ້ງຂອງລັດເປັນກຳມະສິດ ແມ່ນໃຫ້ສຳເນົາ
ແລະ ເອກະສານທະບຽນຍານພາຫະນະຕົວຈິງ ຢູ່ສູນບໍລິ ການຜູ້ເສຍອາກອນຊັ້ນ 1 ຕຶກອາ
ຄານຂອງບໍລິສັດ CSCC ບ້ານໂພນໄຊ ເມືອງໄຊເສດຖາ, ສ່ວນຢູ່ບັນດາແຂວງຈະໄດ້ແຈ້ງໃຫ້ຊາບຕາມພາຍຫລັງ.
No comments:
Post a Comment