ເກີດເຫດການຄາດຕະກຳສະເທືອນຂວັນເມື່ອມີຜົວປະສາດຫຼອນຈາກອາການ ເມົາຢາ
ໃຊ້ມີດແທງເມຍຕົນເອງຈົນເສຍຊີວິດ, ກ່ອນທີ່ຈະແທງຕົນເອງຈົນໄດ້ຮັບ ບາດເຈັບສາຫັດ.
ເຈົ້າໜ້າທີ່ ປກສ ນະຄອນຫຼວງວຽງຈັນ ໃຫ້ຮູ້ວ່າ: ເຫດການຄາດຕະກຳສະ ເທືອນຂວັນດັ່ງກ່າວເກີດຂຶ້ນໃນຕອນແລງ
ຂອງ ວັນທີ 23 ເມສານີ້ ຢູ່ບ້ານຫ້ວຍຫຼ້າ ເມືອງສັງທອງ ນະຄອນຫຼວງວຽງຈັນ ໂດຍ ທ້າວ ພຸດ ອາຍຸ
28 ປີ, ໃຊ້ມີດແທງ ເມຍຂອງ ຕົນເອງ ຊື່ ນາງ ດາວ ອາຍຸ 23 ປີ ຈົນເສຍຊີວິດ.
ຜ່ານການສືບສວນ-ສອບສວນ ຂອງເຈົ້າໜ້າທີ່ ໄດ້ໃຫ້ຮູ້ວ່າ:
ທ້າວ ພຸດ ໄດ້ແຕ່ງງານກັບ ນາງ ດາວ ມາແຕ່ປີ
2010 ມີລູກ ນຳກັນ 2 ຄົນຊຶ່ງພໍ່-ແມ່ (ຂອງເມຍ) ເອົາໄປລ້ຽງ, ໂດຍສອງຜົວເມຍປະກອບອາຊີບເຮັດນາ,
ຕໍ່ມາ ທ້າວ ພຸດ ໄດ້ມີການພົວ ພັນກັບສິ່ງເສບຕິດຈົນຖືກອຳນາດການປົກຄອງໄດ້ນຳຕົວໄປຕັກເຕືອນ
ແລະ ຊຶ່ງກ່ອນ ເກີດເຫດຜູ້ກ່ຽວກໍໄດ້ເກີດມີອາການ
ປະສາດຫຼອນຮຸນແຮງແລ້ວໃຊ້ມີດແທງເມຍຕົນເອງ
3 ຈຸດ ແລະ ມີການຕໍ່ສູ້ ກ່ອນທີ່ຜູ້ເປັນເມຍຈະແລ່ນໜີລົງເຮືອນແລ້ວມາ ເສຍຊີວິດຢູ່ໜ້າເຮືອນຂອງຕົນເອງ,
ກ່ອນມີປະຊາຊົນ ເຮືອນໃກ້ຄຽງມາພົບເຫັນ ແລະ ທ້າວ ພຸດ ກໍໃຊ້ມີດແທງຕົນເອງຈົນ ໄດ້ຮັບບາດເຈັບສາຫັດ
ແລະ ຖືກເຈົ້າໜ້າທີ່ນຳສົ່ງໂຮງໝໍ.
No comments:
Post a Comment