ໂຄງການກໍ່ສ້າງເສັ້ນທາງເລກ 10 ຈາກສາມແຍກດອນໜູນໄປຫາທ່າງ່ອນ
ເມືອງໄຊທານີ ອອກສູ່ເມືອງທຸລະຄົມ, ແຂວງວຽງຈັນ, ເຊິ່ງແມ່ນບໍລິສັດຂອງເອກະຊົນ
ໄດ້ຮັບອະນຸຍາດໃຫ້ລົງທຶນກ່ອນ, ມາຮອດປັດຈຸບັນໂຄງການດັ່ງກ່າວໄດ້ດຳເນີນມາເປັນເວລາຫລາຍເດືອນເຫັນວ່າຍັງມີຄວາມຄືບໜ້າໜ້ອຍເປັນຕົ້ນແມ່ນການວາງທໍ່ລະບາຍນ້ຳສອງຟາກທາງ
ແລະ ທໍ່ລອດ ທາງຕາມຈຸດຕ່າງໆ. ຂະນະທີ່ ການຍົກຍ້າຍສິ່ງກີດຂວາງອອກຈາກເສັ້ນທາງທີ່ຈະຂະຫຍາຍກໍໄດ້ເລີ່ມເຂົ້າສູ່ເຂດບ້ານທ່າງ່ອນສຳເລັດເປັນສ່ວນໃຫຍ່ເຖິງຢ່າງໃດກໍດີຖ້າໂຄງການນີ້ຫາກມີການຫລ້າຊ້າແກ່ຍາວການທົມດິນຢຽບແໜ້ນໃນການຂະ ຫຍາຍໜ້າທາງອາດສົ່ງຜົນສະທ້ອນຫຍຸ້ງ
ຍາກແກ່ການໄປມາຫາສູ່ຂອງປະຊາຊົນໃນລະດູຝົນທີ່ນັບມື້ຄືບຄານໄກ້ເຂົ້າມາເຖິງ.
ເສັ້ນທາງເລກ 10 ຈາກສາມແຍກດອນໜູນອອກໄປສູ່ເມືອງທຸລະຄົມ,
ແຂວງວຽງຈັນ ມີຄວາມຍາວປະມານ 70 ກ່ວາກິໂລແມັດ. ໃນນີ້, ຈາກດອນໜູນໄປຫາທ່າງ່ອນປະມານ
20 ກວ່າກິໂລແມັດ, ເຊິ່ງກະຊວງໂຍທາທິການ ແລະ ຂົນສົ່ງ ໄດ້ອະນຸ ຍາດໃຫ້ບໍລິສັດເອກະຊົນດຳເນີນການ
ແລະ ລົງທຶນໄປກ່ອນຖ້າໂຄງການດັ່ງກ່າວສຳເລັດຈະເປັນເງື່ອນໄຂໃຫ້ແກ່ການສັນ
ຈອນໄປມາຂອງຍານພາຫະນະຕ່າງໆມີຄວາມສະດວກສະບາຍກ່ວາເກົ່າ, ນອກຈາກສິ່ງທີ່ກ່າວມານີ້ແລ້ວນະຄອນຫລວງວຽງຈັນ
ຍັງໄດ້ລົງທຶນຂະຫຍາຍໂຄງລ່າງເສັ້ນທາງຄົມມະນາຄົມລຽບຊານເມືອງຕື່ມອີກຫລາຍເສັ້ນ
ເຊິ່ງໃນປັດຈຸບັນໄດ້ມີເສັ້ນ ທາງຕໍ່ຈາກຖະໜົນເລກ 10 ທ່າງ່ອນຜ່ານນ້ຳເຄັມ,
ນາຄູນນ້ອຍອອກສູ່ທາງເລກ 13 ເໜືອເຂດເມືອງນາຊາຍທອງ ມີຄວາມຍາວປະມານ 10 ກວ່າກິໂລແມັດໂດຍການປູຢາງ.
ມາຮອດປັດ ຈຸບັນເສັ້ນທາງດັ່ງກ່າວໄດ້ສຳເລັດເປັນສ່ວນໃຫຍ່ ແລະ ຈະເປີດນຳໃຊ້ໃນໄວໆນີ້.
ສຳລັບການພັດທະນາໂຄງລ່າງເສັ້ນທາງຄົມມະນາຄົມຢູ່
ແຂວງວຽງຈັນໂດຍສະເພາະ ໂຄງການຂະຫຍາຍປັບປຸງເສັ້ນ ທາງໃໝ່ໃນເຂດເທດສະບານ ແຂວງວຽງຈັນ
ເລີ່ມແຕ່ປາກແຈ້ງ-ສາມແຍກໂພນໝີໄປຫາເທດສະບານເມືອງໂພນໂຮງ ແລະ ຈາກສາມແຍກໂພນໝີເຂົ້າທ່າລາດ, ເມືອງແກ້ວອຸດົມ
ແຂວງວຽງຈັນ ເຊິ່ງໂຄງການນີ້ໄດ້ດຳເນີນມານັບແຕ່ປີ 2013 ຮອດປັດຈຸບັນໂຄງການກໍ່ສ້າງແມ່ນນັບວ່າມີຄວາມຄືບໜ້າໄປຫລາຍສົມຄວນ
ແຕ່ຫາກການປະຕິບັດວຽກງານມີການລ່າຊ້າແກ່ຍາວ ເສັ້ນທາງດັ່ງກ່າວຍິ່ງຈະສ້າງຄວາມຫຍຸ້ງຍາກຊັບຊົນຕໍ່ກັບການສັນຈອນໄປມາໃນລະດູຝົນຕໍ່ໜ້ານີ້ຢ່າງເຊັນກັນ.
No comments:
Post a Comment