ການສະຫລອງປີໃໝ່ ພສ 2557 ໄດ້ຜ່ານພົ້ນໄປດ້ວຍບັນຍາ
ກາດເບີກບານມ່ວນຊື່ນຕາມຮີດ ຄອງປະເພນີອັນດີງາມຂອງຊາດ. ແຕ່ສິ່ງທີ່ຍັງປະໄວ້ນັ້ນກໍຄືເສດຖົງຢາງດຶກແກ່ວງໃສ່ກິນ
ຍັງຢັ່ງຢາຍຢູ່່ຕາມແຄມທາງຫລາຍຈຸດ ແລະ ເຮັດໃຫ້ເປິະເປື້ອນບໍ່ສະອາດງາມຕາ
ໂດຍສະເພາະຖະໜົນລ້ານຊ້າງ, ສາມແສນໄທ, ເຂດແຄມຂອງ ແລະ ອື່ນໆ. ສະນັ້ນ ເພື່ອຮັບປະກັນໃຫ້ເສັ້ນທາງໃນຕົວເມືອງມີຄວາມສະ ອາດຄືເກົ່ານັ້ນ,
ທຸກພາກສ່ວນໃນສັງຄົມຕ້ອງເປັນເຈົ້າການໃນການເກັບກວາດອະນາໄມຕາມໜ້າສຳນັກງານ,
ອົງການ, ເຮືອນຊານບ້ານຊ່ອງຂອງຕົນ ບໍ່ລໍຖ້າເອື່ອຍອີງໃສ່ແຕ່ພາກລັດ ຫລື ພາກສ່ວນກ່ຽວຂ້ອງມາອະ
ນາໄມຝ່າຍດຽວ, ທັງນີ້ກໍເພື່ອເປັນການປຸກລະດົມໃຫ້ທົ່ວສັງ ຄົມປະກອບສ່ວນເຂົ້າໃນການ
ຈັດຕັ້ງປະຕິບັດນະໂຍບາຍ 6ສ ຂອງນະຄອນຫລວງວຽງຈັນວາງອອກ ໂດຍສະເພາະ ສ.ສະ ອາດ
ໃຫ້ປາກົດຜົນເປັນຈິງ.
No comments:
Post a Comment