laophatthananewspaper: ຕະຫລາດທົ່ງຂັນຄຳການຈັດສັນຫລັງໄຟໃໝ້ນັບວ່າຍັງສັບສົນ

ພາຍຫລັງເກີດເຫດໄຟໃໝ້ຕະ ຫລາດທົ່ງຂັນຄຳ ເມື່ອທ້າຍເດືອນມີນາເປັນຕົ້ນມາບັນດາຊາວຄ້າຂາຍທີ່ປະສົບເຄາະຮ້າຍຈາກອັກຄີໄພເຜົາຜານຫ້າງຮ້ານຂອງຕົນ ເສຍຫາຍຫລາຍກ່ວາ 300 ຫ້ອງ ໂດຍບໍ່ນັບແມ່ຄ້ານັ່ງຂາຍຊີ້ນ, ປາອາຫານ ແລະ ພືດ ຜັກອື່ນໆ. ມາຮອດປັດຈຸບັນການ ຈັດສັນຊາວຄ້າຂາຍຂອງພາກສ່ວນກ່ຽວ ຂ້ອງຢູ່ຕະຫລາດແຫ່ງນີ້ນັບວ່າຍັງມີຄວາມສັບສົນ.

ຕະຫລາດທົ່ງຂັນຄຳແມ່ນ ຕະຫລາດທີ່ມີເອກະຊົນເຂົ້າມາສຳປະທານນັບເປັນເວລາຫລາຍປີ. ໃນນີ້ສະເພາະຕະຫລາດທີ່ນອນຢູ່ໃນ 1 ຂອງ 3 ພາກສ່ວນ ແມ່ນຕັ້ງຢູ່ເບື້ອງຕາເວັນອອກຕິດກັບຖະໜົນອາຊຽນຖືກໄຟໃໝ້ ໝົດກ້ຽງ. ມາຮອດດຽວນີ້ຊາວຄ້າຂາຍດັ່ງກ່າວຍັງຕົກຢູ່ໃນສະພາບຈົນຕາແຈຕໍ່ການດຳລົງຊີບຄ້າຂາຍໃຫ້ມີຄວາມໝັ້ນຄົງເໜືອນດັ່ງເມື່ອກ່ອນ, ເຊິ່ງໃນໄລຍະເບື້ອງຕົ້ນທາງເຈົ້າໜ້າທີ່ກ່ຽວ ຂ້ອງກໍຄືຜູ້ຮັບຜິດຊອບສຳປະ ທານ ໄດ້

ປຸກລະດົມຈິດໃຈຊາວຄ້າຂາຍ ທີ່ຖືກເສຍຫາຍມີຄວາມອົດທົນພ້ອມຊ່ວຍແນະນຳເຂົາເຈົ້າໄປຊອກຂາຍເຄື່ອງຢູ່່ຕະ ຫລາດແຫ່ງໃໝ່ຕາມເງື່ອນໄຂເໝາະສົມໂດຍຈະໃຫ້ມີການຍົກເວັ້ນຄ່າເຊົ່າຫ້ອງເປັນເວລາ 1 ປີ. ແຕ່ມີຫລາຍຄົນເມື່ອໄປຂາຍຕົວຈິງຊ້ຳພັດບໍ່ໄດ້ຮັບການຕອບສະ ໜອງເປັນຕົ້ນໄປຂາຍຢູ່ຕະ ຫລາດໂພນຕ້ອງເຂົາເຈົ້າຕ້ອງໄດ້ເສຍຄ່າຫ້ອງໃຫ້ກັບເຈົ້າຂອງຜູ້ສຳປະທານຕະຫລາດດັ່ງກ່າວຈຳນວນຫລາຍແສນກີບ ໂດຍບໍ່ນັບຄ່າເສຍພາສີ ແລະ ຄ່າບໍລິການອື່ນໆ. ຂະນະທີ່ຢູ່ຕະຫລາດທົ່ງຂັນຄຳຊາວຄ້າຂາຍສ່ວນ ໃຫຍ່ໄດ້ມີການຈ່າຍຄ່າຫ້ອງ ແລະ ເສຍຄ່າພາສີລ່ວງໜ້າເປັນປີແລ້ວໂດຍທີ່ຊາວຄ້າຂາຍຍັງສົນໃຈ ແລະ ບໍ່ຮູ້ວ່າຜູ້ຮັບສຳປະ ທານຕະຫລາດທົ່ງຂັນຄຳຈະໃຫ້ ການທົດແທນຄືນຄືແນວໃດ.

ມາຮອດປັດຈຸບັນຊາວຄ້າ ຂາຍສ່ວນໜຶ່ງເປັນຕົ້ນປະເພດຂາຍຊີ້ນ, ປາ, ເຄື່ອງແຫ້ງ ແລະ ພຶດຜັກອື່ນໆທີ່ໝົດທາງໄປໄດ້ພະຍາຍາມມາຂາຍໃນເຂດຕະ ຫລາດດ້ານຫລັງທີ່ຍັງເຫລືອ ຈາກໄຟໃໝ້ ໂດຍຊາວຄ້າຂາຍພາກສ່ວນນີ້ນັບວ່າມີຄວາມໜັກໃຈໃຫ້ກັບຜູ້ຈັດສັນຕະຫລາດຂອງສອງພາກສ່ວນດັ່ງກ່າວທີ່ສວຍໂອກາດຂຶ້ນລາຄາຄ່າເຊົ່າສະຖານທີ່ ຊຶ່ງເຫັນວ່າແພງເກີນຂອບເຂດເປັນຕົ້ນແມ່ຄ້າຂາຍປາ, ພືດຜັກອື່ນໆຖືກພວກຈັດສັນ ບີບບັງຄັບໃຫ້ເຂົາເຈົ້າເສຍຄ່າບ່ອນວາງເຄື່ອງຂາຍປະມານ 1 ແມັດ ຈະຕົກເປັນ ເງິນຈຳນວນ 2 ລ້ານກີບ/ປີ, ຂະນະທີ່ແມ່ຄ້າຄົນເກົ່າທີ່ເຄີຍຂາຍເປັນປະຈຳກໍມີຄວາມໜັກໃຈໄປຕາມໆກັນ ເນື່ອງຈາກຜູ້ຈັດສັນໄປວາງຄ່າເຊົ່າຄືນໃໝ່ໃນລາຄາ 2 ລ້ານກີບ ຄືກັບແມ່ຄ້າຄົນໃໝ່ທີ່ຫາກໍເຂົ້າມາຂາຍ ເຊິ່ງກ່ອນໜ້າບໍ່ທັນຖືກໄຟໃໝ້ ຈັດສັນໄດ້ເກັບເອົາຄ່າເຊົ່າພຽງແຕ່ 6 ແສນກີບ/ປີ, ຈາກສະພາບຫຍຸ້ງຍາກດັ່ງກ່າວຊາວຄ້າຂາຍໄດ້ຂໍຮ້ອງນຳເຈົ້າໜ້າທີ່ກ່ຽວ ຂ້ອງພາກລັດເຂົ້າມາມີສ່ວນຮ່ວມໃນການແກ້ໄຂເພື່ອໃຫ້ບັນຫາການຈັດສັນມີຄວາມສະຫງົບ ແລະ ຄວາມພໍໃຈໃຫ້ແກ່ຜູ້ສຳ ປະທານ ແລະ ຊາວຄ້າຂາຍດ້ວຍກັນ.